ஆகஸ்டு2️0️ம் தேதி
மகா பரிசுத்த தேவமாதாவின் மகிமைகளை ஸ்துதித்துப் பாடிய சிதார் இசைக்கருவி என்று அழைக்கப்பட்டவரும்,ஸ்துதியரும் வேதபாரகருமான அர்ச். கிளார்வாக்ஸ்
பெர்னார்டு திருநாள்
“Nun Quam satis De Maria”- ✍🏻+
St. Bernard of Clairvaux
“மகா
பரிசுத்த தேவமாதாவைப் பற்றி யாராலும் ஒருபோதும் போதிய அளவிற்குப் புகழ முடியாது!” ”- ✍🏻+ அர்ச்.
பொர்னார்டு
அர்ச்.
பொர்னார்டு, 12ம்
நூற்றாண்டின் முற்பகுதியில், தலைமை ஏற்று நடத்தக்கூடிய திருச்சபையின் மாபெரும் பிதாப்பிதாக்களில் ஒருவராகவும், எல்லா காலத்திற்குமான மாபெரும் ஞான ஆசிரியர்களில் ஒருவராகவும்
திகழ்ந்தார். இவர்
1091ம் வருடம் பிரான்சிலுள்ள பர்கண்டியில் ஃபோன்டேன்ஸ் என்ற ஒரு கோட்டையில்
பிறந்தார். இவர் கொண்டிருந்த விசேஷ அறிவாற்றலின் உத்வேகத்தைக் கண்டு, இவருடைய பெற்றோர்கள் இவர் மட்டில் மிக உயரிய நம்பிக்கைகளைக்
கொண்டிருந்தனர்; உலகம் இவருக்கு முன்பாக மாபெரும் ஒளியுடனும்,புன்னகைத்தபடியும் தோன்றியது! ஆனால், 22வயதானபோது, அர்ச். பெரனார்டு, இராணுவத்தை விட்டு வெளியேறினார்; சிட்டோவின் மடாதிபதியான, அர்ச். ஸ்டீஃபன் ஹார்டிங்கிடம் ஞான ஆலோசனையைப் பெற்றபிறகு,
1098ம் வருடம் புதிகாக ஸ்தாபிக்கப்பட்டு, துவக்கப்பட்டிருந்த சிஸ்டர்ஷியன் துறவற மடத்தில் சேர தீர்மானித்தார்; அச்சிறிய
துறவறசபை அச்சமயம், பல இன்னல்களுக்கிடையே அலைக்கழிக்கப்பட்டுக் கொண்டிருந்தது.
இத்துறவறசபை,
அர்ச். ஆசிர்வாதப்பர்
துறவறசபையின் ஆரம்ப கால கடின தபசையும்
ஒழுங்குவிதிமுறைகளையும்
அனுசரிக்கும்படியாக, துவக்கப்பட்டிருந்தது.இத்துறவற சபையின் விதிமுறைகள்,அர்ச். பெர்னார்டை மிகவும் கவர்ந்திழுத்தது; அதன் காரணமாக, இவர், தனது சகோதரர்கள் ஐந்து
பேரையும் மற்றும், தனது நண்பர்கள் 25 பேரையும்,இத்துறவற சபையில் சேரும்படி பெருமுயற்சி செய்துத் தூண்டினார். அதன்படி, இவர் தன் சகோதரர்கள், மற்றும்
நண்பர்கள் என்று 30 பேருடன் 1113ம் வருடம், சிட்டோவிலுள்ள
சிஸ்டர்ஷியன் துறவற மடத்தில் சேர்ந்தனர். அர்ச். பெர்னார்டு, தன் கடைசி இளைய
சகோதரரான நிவார்டுவை , தனிமையில் வயோதிப வயதிலிருக்கும் தந்தையை கவனித்துக் கொள்ளும்படி விட்டுச் சென்றார். ஏனெனில் இவருடைய தாயார் ஏற்கனவே காலமாயிருந்தார்கள்; மேலும், அண்ணன்மார்கள், அந்த கடைசி தம்பி
நிவார்டுவிடம்,” இனி நம் குடும்பத்தின் சகல ஆஸ்திகளுக்கும் நீ
மட்டும் தான் ஒரே வாரிசு!”, என்று
கூறிச் சென்றனர்;
அதற்கு, நிவார்டு, தன் அண்ணன் பெர்னார்டுவிடம்,
“ஆம்.நீங்கள் எனக்கு உலகத்தை விட்டுச் செல்கிறீர்கள். ஆனால், நீங்கள் , மோட்சத்தை உங்களுக்கு மட்டும் வைத்துக்கொள்கிறீர்கள்! இது நீதி என்று
கருதுகிறீர்களா?” என்று கூறிவிட்டு, அவரும், அவர்களுடன் சிஸ்டர்ஷியன் மடத்திற்குள் நுழைந்தார்; இறுதியில், அவர்களுடைய வயது முதிர்ந்த தந்தையும்,
அவர்களுடன் சேர்ந்து கொண்டார்!
மூன்று
வருட காலத்திற்குள், அர்ச். பெர்னார்டு, கிளார்வாக்ஸிலுள்ள மூன்றாவது சிஸ்டர்ஷியன் மடத்தின் மடாதிபதியாக நியமிக்கப் பட்டார். இளம் வயதிலேயே மடாதிபதியான அர்ச். பெர்னார்டு,
மகா பரிசுத்த தேவமாதாவின் மங்கள வார்த்தையின் பரம இரகசியத் திருநாளுக்கான
ஞான தியானப் பிரசங்கங்களை எழுதினார். இது, இவரை விசேஷவரம்
பெற்ற ஒருமாபெரும் ஞான ஆசிரியரும் எழுத்தாளருமாக
திருச்சபைக்குக் காண்பித்தது! அதே சமயம், “மகா
பரிசுத்த தேவமாதாவின் சித்தாரா இசைக்கருவி!” என்றும், இவர் அழைக்கப்படக் காரணமாயிற்று! மேலும், ஆண்டவருக்கும், மனுக்குலத்திற்கும் இடையே மத்தியஸ்தராக மகா பரிசுத்த தேவமாதா
ஆற்றும் உன் னதமான அலுவல்
பற்றி, இவர் தெளிவித்துக் காண்பித்த தியானக் கருத்துக்கள், இவரை மகா பரிசுத்த
தேவமாதாவின் வேதபாரகராக அடையாளம் காண்பித்தன!
இவர்
எழுதிய ஞான நூல்களும், இவருடைய
அசாதாரண தனிப்பட்ட வசீகரமான உன்னத
கத்தோலிக்கக் குணாதிசயங்களும், அநேகரை, கிளார்வாக்ஸ் மற்றும் மற்ற சிஸ்டர்ஷியன் துறவற
மடங்களை நோக்கிக் கவர்ந்திழுக்கக் காரணமாயின! இதனால், அநேக சிஸ்டர்ஷியன் துறவற
மடங்கள் புதிதாகத் துவங்கப்பட்டன! அர்ச். பெர்னார்டு, ஜீவிய காலத்தில், 136 துறவற மடங்களை ஸ்தாபித்தார்; இவருடைய துறவிகள், ஜெர்மனி, போர்த்துக்கல், ஸ்வீடன்,அயர்லாந்து, இங்கிலாந்து, ஸ்விட்சர்லாந்து, இத்தாலி ஆகிய நாடுகளுக்குச் சென்றனர்.
அர்ச்.
பெர்னார்டுவின் அசாதாரணமான
அர்ச்சிஷ்டதனத்தினுடைய உன்னதமான சுகந்த நறுமணமும் புகழும், எல்லா இடங்களிலும் பரவியது. அநேக மேற்றிராசனங்கள், இவரை அவர்களுடைய
மேற்றிராணியாராக்குவதற்குக்
கேட்டனர். தனது முந்தைய சீடரும்
அப்போதைய பாப்பரசருமாயிருந்த 3ம் யூஜினியுஸின் உதவியால்,
இம்மேற்றிராணியார் பட்டத்திலிருந்து , அர்ச். பெொர்னார்டு தப்பித்துக் கொண்டார். இருப்பினும்,
மேற்றிராணியார்களும், அரசர்களும், பாப்புமார்களும், இவரிடம், அவ்வப்போது, ஞான ஆலோசனையைப் பெற்று
வந்தனர்.
இறுதியாக,
யூஜினியுஸ் பாப்பரசர், இவரை சிலுவைப்போருக்குப்
பிரசங்கியாராக ஏற்படுத்தினார். அர்ச். பெர்னார்டு, தனது அத்தியந்த பக்திபற்றுதலுடனும்,
ஆர்வத்துடனும், நேர்த்தியான பிரசங்கங் களாலும், புதுமைகளாலும், அகில உலகக் கிறீஸ்துவ
நாடுகளிலும், பிரான்ஸ், ஜெர்மனி, ஆகிய நாடுகளிலும், சிலுவைப்போர்
செய்வதற்கான ஊக்கத்தையும் உற்சாகத்தையும் ஏவித்தூண்டினார். 3ம் கொன்ராடு சக்கரவர்த்தி
ஒரு சமயம், இவருடைய சிலுவைப்போருக்கான பிரசங்கத்கைக் கேட்டு உருக்கமாக கண்ணீர் சிந்தி அழுதார்; இரண்டு மிகப்பெரிய படைகளை சிலுவைப்போருக்கு அனுப்பி வைத்தார்.
இவர்,
ஆண்டவரின் பரிசுக்த பூமியை மகமதியரிடமிருந்து, பாதுகாக்கும்படியாக, துறவற வார்த்தைப்பாடுகளைக் கொடுத்து, இராணுவ யுக்திகளுடன் பயணங்கள் மேற்கொண்டு, கிறீஸ்துவுக்காக மாவீரர்களாக (Knights
Templar) போராடக்கூடிய ஒரு புதிய துறவற
சபைக்கான விதிமுறைகளையும் இயற்றி எழுதினார். 3ம்யூஜின் பாப்பரசரின் விண்ணப்பத்தின்படி,காணக்கூடிய திருச்சபையின் தலைவருடைய தனிப்பட்ட பரிசுத்தத்தனத்தினுடைய அவசியத் தேவையின் மட்டில் வலியுறுத்தும்படியாக கவனமாகக்கருத்தில் கொண்டிருக்க வேண்டியவைகளுடைய புத்தகத்தை, மிக உயர்வாக மதிக்கப்பட்ட
ஒரு ஞான புத்தகத்தை, அர்ச்.
பெர்னார்டு
எழுதினார். அர்ச். பெர்னார்டு, கிளார்வாக்ஸில், 1153ம் வருடம், ஆகஸ்டு
20ம் தேதி பாக்கியமாய் மரித்தார்;
1174ம் வருடம், ஜனவரி 18ம் தேதியன்று, 3ம்
அலெக்சாண்டர் பாப்பரசரால், அர்ச்சிஷ்டப்பட்டம் அளிக்கப்பட்டது: 7ம் பத்திநாதர் பாப்பரசரால்,
1830ம் வருடம், இவர் திருச்சபையின் வேதபாரகராக அறிவிக்கப்பட்டார்.
“ஆபத்துக்கள்,
சந்தேகங்கள், கஷ்டங்கள், ஏற்படும்போது, மகா பரிசுத்த தேவமாதாவைப்
பற்றி நினை! அவர்களைக் கூவி அழை! மகா
பரிசுத்த தேவமாதாவின் பரிசுத்தத் திருநாமம், உன் உதடுகளிலிருந்து அகலாமலிருப்பதாக!
மகா பரிசுத்த தேவமாதாவின் பரிசுத்தத் திரு நாமம், உன்
இருதயத்கை விட்டு ஒருபோதும் வெளியேற விடாதே! மகா பரிசுத்த தேவமாதாவின்
ஜெபத்தினுடைய உதவியை, அதிக நிச்சயத்துடன் நீ
அடைந்துகொள்வதற்கு, அவர்களுடைய காலடியைப் பின் பற்றி, கவனத்துடன் நடந்து செல்! மகா பரிசுத்த தேவமாதாவை
,உன் வழிகாட்டியாகக் கொண்டிருந்தால், நீ ஒருபோதும், வழிதவறிக்
கெட்டுப்போக மாட்டாய்! நீ் அவர்களை நோக்கி
வேண்டிக் கொள்ளும்போது,
ஒருபோதும் அதைரியமடையமாட்டாய்! இருதய சஞ்சலமடைய மாட்டாய்! நம்பிக்கையை இழக்க மாட்டாய்! மகா பரிசுத்த தேவமாதா,
உன் மனதில் இருக்கும் வரை, நீ ஏமாற்றப்படாமல்
பாதுகாப்பாய் இருப்பாய்! மகா பரிசுத்த தேவமாதா
உன் கரத்தைப் பிடித்திருக்கும்போது, நீ தவறி விழமாட்டாய்!
அவர்களுடைய பாதுகாப்பின் கீழ்,நீ எதற்கும் பயப்படத்தேவையில்லை!
அவர்கள் உன் முன்பாக நடந்து
சென்றால், நீ சோர்வடையமாட்டாய்! உனக்கு மகா
பரிசுத்த தேவமாதா, தமது ஆதரவைக் காண்பித்தால்,
நீ இலக்கை நிச்சயமாகஅடைந்துகொள்வாய்!”📚✍🏻+
அர்ச். பெர்னார்டு
