ராரி ராராரோ- தேவ இராஜ பாலகனே - Tamil Catholic Songs Lyrics

 ராரி ராராரோ- தேவ இராஜ பாலகனே
ராரோ ராரி ராராரோ தூங்கு பாலகா
ராரோ ராரி ராரோ

சரணங்கள்

1. தூங்கும் பாலகனே நாங்கள் - ஸ்துத்யம் பாடுவோம்
நல்ல மாங்குயில்களே வந்து தாலாட்டுங்கள்
மரியின் பாலனுக்கு

2. பாடுவோம் மகிழ்ந்து திவ்ய பாலனைப் புகழ்ந்து
எல்லோர் கூடியே இங்கு தாலாட்டுப் பாடுவோம்
குழந்தை சேசுவுக்கு

3. பஞ்சுமெத்தை இல்லை சுவாமி - படுக்கக் கட்டிலில்லை
 ஐயோ நைந்த வைக்கோலின் மீதே படுத்தீரோ
நல்ல பாலகனே

4. குளிரு மெத்த உண்டே -ஐயோ - கிட்ட வீடுமில்லை
இதோ அழுது கூப்பிட்டு குளிரைப் பொறாமலே
அமலன் தூங்குகின்றார்.

5. அமிர்தமான பிள்ளாய் - தேவ - அழகு சோபனமே
இதோ உமது அன்பு தூங்காமலே தூங்குறீர்
ஓ ஓ இரட்சகரே

6. தூங்கு பாலகனே ராரோ தூங்கும் கண்மணியே
ராரோ தூங்கி எம்மைப் பவநின்று தூக்கிட
தூங்கும் தூங்குமிப்போ

7. கண்ணை மூடுகின்றார் - தேவ கர்த்தர் தூங்குகின்றார்
ராரோ என்னை நேசிக்கும் அன்பு தூங்காமலே
ஏகன் தூங்குகின்றார்

Tamil Catholic Song Lyrics - மாசில்லாக் கன்னியே

மாசில்லாக் கன்னியே

1. மாசில்லாக் கன்னியே மாதாவே
உம்மேல் நேசமில்லாதவர் நீசரேயாவார் 

வாழ்க வாழ்க வாழ்க மரியே
வாழ்க வாழ்க வாழ்க மரியே

2. மூதாதையர் செய்தீ முற்பவமுற்றாய்
ஆதியில்லாதோனை மாதே நீ பெற்றாய்      -    வாழ்க வாழ்க

3. உம்மகன் தாமே உயிர்விடும் வேளை
என்னை உம்மைந்தனாய் ஈந்தனரன்றோ   -    வாழ்க வாழ்க

4. தாயே நீஆனதால் தாபரித்தென்மேல்
நேசம்வைத்தாள்வது நின்கடனாமே               -    வாழ்க வாழ்க

5. பிள்ளைகள் செய்பிழை பெற்றவள் தாங்கிக்
கொள்ளுவாளன்றி பின் கோபம் வையாளே    -  வாழ்க வாழ்க

To read more Saints Life - Click Here

To read more Tamil Catholic SOngs Lyrics - Click here

To download Catholic Songs - Click Here

வானோர் போஜனமே - Tamil Catholic song lyrics

 

தேவநற்கருணை ஆத்துமத்தின் போஜனம்

1. வானோர் போஜனமே மாமரியாயின்
மகனாய் உதித்தோனே - உம்மை
வாழ்த்தி நாம் ஸ்துதித்து போற்றிடுவோமே
வானுலகாள்வோனே.

2. பூங்காவில் வைத்த தீங்கனி போலே
பொழிலுயிர் தருவோனே - நாங்கள்
தீங்கு சூழ்ந்திடும் பேய் ஆங்காரம் நின்று
நீங்கிட அருள்வாயே.

3. ஜீவியம் அளித்து பாவிகள் மோட்சம்
சேர்ந்திடச் செய் அமுதே - எம்மைத்
தேற்றியே நித்தம் காத்து ரட்சிப்பாய்
திவ்விய போஜனமே

4. மக்களைத் தேற்ற மிக்குறும் அன்பால்
வானில் நின்றே வருவாய் எம்மை
வானில் சேர்த்திடவே பானமாயுமது
மேனி ரத்தம் அளிப்பாய்.

5. தந்தை தன் மக்கள் நொந்திடா அருகில்
வந்திருப்பது போலே -நீயும் இந்தப்
பூவுலகில் சொந்தம் பாராட்டி
சந்நதமே இருப்பாய்.

6. கன்னியின் வயிற்றில் உன்னரும் வகையாய்
கனியென உதித்தோனே - எம்மைக் காத்து
ஆண்டிடுவாய் பார்த்துத் தேற்றிடுவாய்
கன்னியர் போஜனமே.

for more Tamil Catholic Song Lyrics please click here.....

to Buy Tamil Christian Books (Catholic) Click here

For more Lives of Saints please click here...

கலங்கரைத் தீபமே - Tamil Catholic Song Lyrics

கலங்கரைத் தீபமே  
கலங்களின் தாரகையே   
துலங்கிடும் மணியே    
கலங்குவோர்க் கதியே    
காத்திடுவாய் தாயே 

மாதர்களின் மாதிரியே 
மாயிருளில் ஒளிர் தாரகையே  
மாதரசியே மனவொளி தாராய் 
மாசு அகலச் செய்வாய் 

தாயெனவே தாவி வந்தோம் 
சேயெனவே எமைச் சேர்த்திடுவாய்
பாவி என்னுள்ளம் தாயுனைத் தேடி 
கூவிடும் குரல் கேளாய்

for more Tamil Catholic Song Lyrics please click here.....

to Buy Tamil Christian Books (Catholic) Click here

சூரியன் சாய - Tamil Catholic Songs Lyrics

1. சூரியன் சாய காரிருள் மெல்ல

சூழ்ந்திட யாவும் சோர்ந்திடும் வேளை 

பாருல கெங்கும் நின்றெழுந் தோங்கும்.. 

பண்புயர் கீதம் வாழ்க மரியே

2. பட்சிகள் ஓசை மாய்ந்திட ஆடும்

பாலகர் நின்று வீடு திரும்ப 

அர்ச்சய கோபுரங் களிசைக்கும்

ஆனந்த கீதம் வாழ்க மரியே 

3. மாயவுலகிற் சிக்கியுழன்று

வாடியே உள்ளம் சோர்ந்திடும் வேளை 

தாயகங் காட்டி கண்ணீர் துடைத்து

 சஞ்சலந் தீர்க்கும் வாழ்க மரியே

 4. சுந்தர வாழ்க்கை தோற்ற மறைய

துன்ப அலைகள் கோஷித் தெழும்பும் 

அந்திய காலை எம்மரு குற்றும்

 ஆதரவீயும் வாழ்க மரியே