To the Holy Virginity and Immaculate Conception, O Most pure Virgin purify my body and Sanctify my Soul.
பல்லவி
மாதாவே சரணம் - உந்தன்
பாதாரம் புவிக்காதாரம் - கன்னி
அனுபல்லவி
மா பாவம் எமை மேவாமல்-2
காவீரே அருள் ஈவீரே - கன்னி-மாதாவே
சரணங்கள்
மாசில் உம் மனமும் சேசுவின் உள்ளமும்
மாந்தரின் தவறால் நோவுறக் கண்டோம்
ஜெபம் செய்வோம் தினம் ஜெபமாலை சொல்வோம்
பாவத்திற்காக பரிகாரம் புரிவோம் - மாதாவே
நானிலத்தில் சமாதானமே நிலவ
நாஸ்திக ரஷ்யா ஆஸ்திகம் அடைய
உடல் உயிர் அனைத்தும் உவப்புடன் அளிப்போம்
உம் இருதயத்தில் இன்றெமை வைப்போம் - மாதாவே
1. சூரியன் சாய காரிருள் மெல்ல
சூழ்ந்திட யாவும் சோர்ந்திடும் வேளை
பாருல கெங்கும் நின்றெழுந் தோங்கும்..
பண்புயர் கீதம் வாழ்க மரியே
2. பட்சிகள் ஓசை மாய்ந்திட ஆடும்
பாலகர் நின்று வீடு திரும்ப
அர்ச்சய கோபுரங் களிசைக்கும்
ஆனந்த கீதம் வாழ்க மரியே
3. மாயவுலகிற் சிக்கியுழன்று
வாடியே உள்ளம் சோர்ந்திடும் வேளை
தாயகங் காட்டி கண்ணீர் துடைத்து
சஞ்சலந் தீர்க்கும் வாழ்க மரியே
4. சுந்தர வாழ்க்கை தோற்ற மறைய
துன்ப அலைகள் கோஷித் தெழும்பும்
அந்திய காலை எம்மரு குற்றும்
ஆதரவீயும் வாழ்க மரியே
