ஞானம் நிறை கன்னிகையே
நாதனைத் தாங்கிய ஆலயமே
ஞானம் நிறைக் கன்னிகையே
அனுபல்லவி
மாண்புயர் ஏழு தூண்களுமாய் - 2
பலி பீடமுமாய் அலங்கரித்தாரே-ஞானம்
பாவ நிழலே அணுகா
பாதுகாத்தார் உம்மையே பரமன்
தாயுதரம் நீர் தரித்திடவே-2
தனதோர் அமல தலமெனக் கொண்டார்-ஞானம்
வாழ்வோர் அனைவரின் தாயே
வானுலகை அடையும் வழியே
மக்கள் இஸ்ராயேல் தாரகையே-2
வானோர் துதிக்கும் இறைவியே வாழி-ஞானம்
வாக்குத் தத்த பெட்டகமே
வானகம் சேர்க்கும் வாசலே
மகிழ் ஒளி நல்கும் விடி வெள்ளியே-2
மெய் மனம் நொந்தோர்க் காறுதலே-ஞானம்