January 5 - ST. SIMEON STYLITES

 ஜனவரி 5ம்‌ தேதி 

 அர்ச். தூண்‌ சிமியோன்‌ 

சிமியோன்‌, சிரியா நாட்டின்‌ துறவி, தூண்‌ தபோதனர்‌ என்று அழைக்கப்பட்டார்‌; இவர்‌ பெரிய தூண்‌ சிமியோன்‌ என்று அழைக்கப்பட்டார்‌; ஏனெனில்‌, 6ம்‌ நூற்றாண்டில்‌ மற்றொரு தூண்‌ சிமியோன்‌ துறவியும்‌ ஜீவித்து வந்தார்‌.

 இவர்‌, ஒரு ஆட்டிடையரின்‌ மகனாகப்‌ பிறந்தார்‌; சிஸ்‌ என்ற நகரில்‌ இவர்‌ 390ம்‌ வருடம்‌ பிறந்தார்‌; இது உரோமைப்‌ பேரரசின்‌ சிலிசியா என்ற பிராந்தியத்திலுள்ள நகரம்‌; இப்போது, இந்நகரம்‌ துருக்கியைச்‌ சேர்ந்த கோசான்‌ என்ற நகரமாக இருக்கிறது. 

இவர்‌, 13வது வயதில்‌,நமதாண்டவருடைய மலைப்பிரசங்கங்களை வாசித்தபிறகு, கிறீஸ்துவ வேதத்தின்‌ மேல்‌ ஆர்வம்‌ கொள்ளத் துவக்கினார்‌; 16 வயதை அடைவதற்குள்‌, இவர்‌ ஒரு துறவற மடத்தில்‌ சேர்ந்தார்‌.

 இவர்‌ தபசை எவ்வளவு கடுமையாக அனுசரித்தாரென்றால்‌, அது மற்ற சக துறவியரால், அதிகப்‌ பட்சமான தபசாக உணரப்பட்டது; மற்ற துறவியருடன்‌ சேர்ந்து துறவற ஜீவியத்தை ஜீவிப்பதற்கு,இவர்‌ ஏற்புடையவர்‌ அல்ல என்று கருதினர்‌. எனவே, மடத்தை விட்டு வெளியேறும்படி இவரிடம்‌ கேட்டுக்கொண்டனர்‌.  எனவே,இவர்‌ ஒரு குடிசையில்‌, தன்னையே அடைத்துக்‌ கொண்டு,ஒன்றரை வருட காலம்‌ ஜிவித்தார்‌; அந்த தபசுகாலம்‌ முழுவதும்‌, இவர்‌ எதையும்‌ உண்ணாமலும்‌ குடியாமலும்‌ தபசு  செய்தார்‌. இவர்‌ அக்குடிசையை விட்டு வெளியேறிய போது,  அக்காலத்தில்‌ இவர்‌ செய்த அக்கடுமையான தபசே ஒரு புதுமையாகக்‌ கருதப்படுகிறது.  இவருடைய அர்ச்சிஷ்டதனத்தைக்‌ கேள்வியுற்று, இவரிடம்‌ ஞான ஆலோசனையைக்‌ கேட்பதற்கும்‌, இவருடைய ஜெப உதவியைக்‌ கேட்பதற்கும்‌ திரளான கூட்டம்‌ வந்தது; நோயாளிகள்‌ அநேகர்‌ புதுமையாகக்‌ குணமடைந்தனர்‌;இம்மக்கள்‌ கூட்டத்தினர்,‌ நாளுக்கு நாள்‌ அதிகரித்து வந்ததினால்‌, இவர்‌ தனது தபசு முயற்சிகளுக்கும்‌, ஜெபத்திற்கும்‌ நேரம்‌ பற்றாமல்‌ போனதினால்‌, சிரியாவின்‌ வடமேற்குப்‌ பகுதியிலுள்ள அலெப்போ என்ற இடத்தில்‌ அழிந்துபோயிருந்த இடிபாடுகளுக்கிடையே ஒரு கற்தூண்‌ இருப்பதைக்‌ கண்டார்‌;அதன்‌ மீது ஒரு சிறு மேடையை அமைத்து, அதிலேயே தன்‌ எஞ்சிய வாழ்‌ நாட்களைக்‌ கழிக்கத்‌ தீர்மானித்தார்‌. 

உலகத்தில்‌ எங்கு சென்றாலும்‌ தன்னைப்‌ பின்தொடர்ந்து  வந்த மக்கள்‌ கூட்டத்திடம்‌ தப்பிப்பதற்காகவே, உயரமான ஒரு தூணில்‌ ஜீவிக்கலானார்‌. வனாந்தரத்தில்‌, ஜீவித்த வயதான தபோதனர்கள்‌, இதைப்‌ பற்றிக்‌ கேள்விப்பட்டபோது, இவர்‌ ஞான தியான ஜீவியத்திற்காக, இவ்விதமாக ஒரு தூணில், ஜீவிப்‌பதைப்‌ பற்றி ஆச்சரியப்பட்டனர்‌; இவருடைய உச்சக்‌ கட்ட தபசும்‌ பரித்தியாகமும்‌ உண்மையிலேயே தாழ்ச்சி என்ற புண்ணியத்தின்‌ அஸ்திவாரத்தில்‌ ஏற்பட்டிருக்கின்றனவா? என்பதைப்‌ பரிசோதிக்கும்படியாக, கீழ்ப்படிதலின்‌ பேரில்‌, உடனே தூணிலிருந்து கீழே இறங்கி வரும்படி கூற வேண்டுமென்று இம்முதிய தபோதனர்கள்‌ தீர்மானித்தனர்‌; அவர்‌ அவ்வாறு கீழே உடனே வராவிட்டால்‌, அவரை வலுக்கட்டாயமாக கீழே இறக்கிவிட வேண்டும்‌ என்று முடிவு செய்தனர்‌; அதன்‌ படியே அவரை நோக்கி, கீழ்ப்படிதலின்‌ பேரில்‌ கீழே இறங்கி வரவேண்டும்‌ என்று உரத்தக்குரலில்‌ கூறினர்‌. இந்த பரிசோதனையின்போது, அர்ச்‌. சிமியோன்‌, முழுமையான கீழ்ப்படிதலையும்‌, தாழ்ச்சியையும்‌ காண்பித்தார்‌; முதிய துறவிகள்‌, இவரைத்‌ தூணிலேயே விட்டுச்‌ சென்றனர்‌.

 துவக்கத்தில்‌, இந்த தூண்‌ 9 அடிக்கு சிறிது அதிகமாக இருந்தது. ஆனால்‌, இவருக்குப்‌ பிறகு இதில்‌ வசித்த தூண்‌ தபோதனர்கள்‌, இதன்‌ உயரத்தைக்‌ கூட்டிக்‌ கொண்டே சென்றனர்‌; இறுதியாக, இதன்‌ உயரம்‌ 50 அடியைக்‌ தொட்டது. இதன்‌ மேலிருந்த கைப்பிடிச்சுவருடன்‌ கூடிய மேடை ஒரு சதுர மீட்டர்‌ பரப்பளவைக்‌ கொண்டிருந்தது. இவர்‌ தூணின்‌ உச்சியில்‌ சாகும்வரை ஜீவித்தார்‌; சூரியனுடைய உக்கிரமமான வெயிலுக்கும்‌, குளிருக்கும்‌, மழைக்கும்‌ காற்றுக்கும்‌, எவ்வித பாதுகாப்புமில்லாமல்‌ நேரடியாக தன்னையே முழுவதுமாகக்‌ கையளித்தபடி மாபெரும்‌ தபசு செய்தார்‌; இரவு பகல்‌ முழுவதும்‌, முழங்காலிலிருந்து ஆண்டவருடைய மகா பரிசுத்தத்‌ திருநாமத்தை ஸ்துதித்தபடி,அல்லது நின்றுகொண்டு, அல்லது உட்கார்ந்துகொண்டு தியானித்தபடி இருப்பார்‌. கீழே விழாமலிருப்பதற்காக, உச்சியில்‌ நான்குபக்கமும்‌ கம்பி கட்டப்பட்டிருந்தது; கீழே மக்களுடன்‌ தொடர்பு கொள்வதற்காகவும்‌, சீடர்களிடமிருந்து, உணவை வாங்குவதற்கும்‌, ஒரு ஏணி இருந்தது.அருகிலிருந்த கிராமத்தைச்‌ சேர்ந்த சிறுவர்கள்‌, தூணில்‌ ஏறி, அர்ச்சிஷ்டவருக்கு, சில ரொட்டிகளையும்‌, ஆட்டுப்பாலையும்‌ கொடுப்பார்கள்‌. 

இறுதியில்‌,இந்த தூண்‌ திருயாத்திரை ஸ்தலமாக மாறியது. இவரைச்‌ சந்திக்க வந்த மக்கள்‌, ஞான ஆலோசனையையும்‌, வியாதியிலிருந்து சுகத்தையும்‌, கொடுங்கோலர்களிடமிருந்து, எளியோர்கள்‌ விடுவிக்கப்படும்படியான பரிந்துரையையும்‌, ஜெபத்திலும்‌, வேத சத்தியத்திலும்‌, ஒளியையும்‌ பெறும்படியாகவே இவரிடம்‌ வந்தனர்‌.  அர்ச்‌. சிமியோன்‌, அநேக மனிதர்களை மனந்திருப்பினார்‌. கிழக்கத்திய உரோமைப்‌ பகுதியின்‌ சக்கரவர்த்தியான முதலாவது லியோவை, கிறீஸ்துநாதருடைய சுபாவத்தைப்‌ பற்றிய 5ம்‌ நூற்றாண்டின்‌ சர்ச்சையைத்‌ தீர்ப்பதில்‌, சால்சடொனியன்‌ குழுவினருக்கு ஆதரவாக இருக்கும்படிச்‌ செய்தார்‌.  இவர்‌, கி.பி.459ம்‌ வருடம்‌ பாக்கியமாய்‌ மரித்தார்‌. 

அர்ச்‌. தூண்‌ சிமியோனே! எங்களுக்காக வேண்டிக்கொள்ளும்‌!   

January 4 - ST. GREGORY OF LANGRES

 ஜனவரி 4 தேதி 

அர்ச்‌. லாங்கிரஸ்‌ கிரகோரியார்‌ 

இவருடைய பேரனுடைய பேரனான அர்ச்‌. தூர்ஸ் நகர கிரகோரியாரின்‌ எழுத்துக்கள்‌ மூலம்‌, இவரைப்‌ பற்றி நாம்‌ அறிந்திருக்கிறோம்‌. இவர்‌, பிரான்ஸ்‌ நாட்டிலுள்ள அவுட்டன்‌ நகரத்தின்‌ நிர்வாகியும்‌ பிரபுவுமாயிருந்தார்‌. இவருடைய நிர்வாகத் திறமையும்‌ ஆட்சியும்‌, அந்நகர மக்களால்‌ பெரிதும்‌ மதிக்கப்பட்டும்‌ பாராட்டவும் பட்டது. 40 வருட காலம்‌ இந்நகரத்தை இவர்‌ ஆண்டபிறகு, இவருடைய மனைவி மரித்தாள்‌.உடனே இவர்‌ தனது பதவியை இராஜினாமா செய்தார்‌; உலகத்தைத்‌ துறந்து, துறவற மடத்தில்‌ சேர்ந்தார்‌. இவர்‌ தன்னிகரற்ற விதமாக புண்ணியத்தில்‌ சிறந்து விளங்கியதால்‌, லாங்கிரஸ்‌ நகரத்தினுடைய மேற்றிராணியாராக அபிஷேகம்‌ செய்யப்பட்டார்‌.  உலகத்தின் மத்தியில்‌, சகலத்தையும்‌ துறந்து ஏகாந்தத்தில்‌ ஜீவிக்கும்‌ தபோதனரைப்‌ போல்‌ ஜீவித்தார்‌.அதே சமயம்‌, போற்றுதற்குரிய விமரிசையுடனும்‌, ஆன்ம ஈடேற்ற ஆவலுடனும்‌, உத்தம ஞான மேய்ப்பராக அடுத்த 33 வருடங்கள்‌‌,தன்‌  ஞான மந்தையைப்‌ போஷிப்பதில்‌ அயராமல்‌ உழைத்தார்‌.  

மேலும்‌, தனது மகா ஆழ்ந்த தாழ்ச்சியாலும்‌, இடைவிடா ஜெபத்தி னாலும்‌, அசாதாரணமான தபசினாலும்‌, சுத்த போசனத்தினாலும்‌, இவர்‌ தனது ஞான மேய்ப்பின்‌ அலுவல்களை அர்ச்சித்துப்‌ பரிசுத்தப்படுத்தினார்‌. எண்ண முடியாத அஞ்‌ஞானிகளை இவர்‌ மனந்திருப்பினார்‌; ஒழுங்கீனமாக ஜீவித்த அநேக உலக நேசர்களான கிறீஸ்துவர்களையும்‌, இவர்‌ மனந்திருப்பினார்‌. கி.பி.539ம்‌ வருடத்‌ துவக்கத்தில்‌, மூன்று இராஜாக்‌கள்‌ திருநாளுக்கு சில நாட்களுக்குப் பிறகு, இவர்‌ பாக்கியமாய்‌ மரித்தார்‌.

  அர்ச்‌.பெனிக்னுஸ்‌ மீது இவர்‌ கொண்டிருந்த பக்தியின்‌ காரணமாக, அவருடைய கல்லறையின்‌ அருகிலேயே இவரும்‌, இவருடைய மகனும்‌ புண்ணியவாளருமான டெட்ரிகஸ்‌ என்‌பவரால்‌ நல்லடக்கம்‌ செய்யப் பட்டார்‌; டெட்ரிகஸ்‌, இவருக்குப்பின்‌, மேற்றிராணியா னார்‌. 

அர்ச்‌.லாங்கிரஸ்‌ கிரகோரியாரே! எங்களுக்காக வேண்டிக்‌ கொள்ளும்‌!  

January 6- Feast of Holy name of Jesus

 ஜனவரி 5ம்‌ தேதி 

நமதாண்டவரின்‌ மகா பரிசுத்தத்‌ திருநாமத்தின்‌ திருநாள்‌

 சேசு என்கிற நமதாண்டவரின்‌ மகா பரிசுத்தத்‌ திருநாமத்திற்கு இரட்சகர்‌ என்று அர்த்தம்‌. 

13ம்‌ இன்னசன்ட்‌ பாப்பரசரால்‌, 1721ம்‌ வருடம்‌, டிசம்பர்‌ 20ம்‌ தேதியன்று, இந்த திருநாள்‌ திருச்சபையின்‌ தேவ வழிபாட்டினுடைய காலண்டரில்‌ சேர்க்கப்பட்டது. அர்ச்‌. பத்தாம்‌ பத்திநாதர்‌ பாப்பரசர்‌, இந்த திருநாளை, ஜனவரி 2ம்‌ தேதியிலிருந்து 5ம்‌ தேதிக்குள்‌ வரும்‌ ஞாயிற்றுக்‌கிழமை அன்று, கொண்டாடவும்‌, ஞாயிற்றுக்கிழமை இந்த நாட்களுக்குள்‌ வராவிடில்‌, 2ம்‌ தேதியே கொண்டாடவும்‌ கட்டளையிட்டார்‌. ஆண்டவருடைய மகா பரிசுத்தத்‌ திருநாமம்‌, மகா வல்ல மையுள்ளது; ஏனெனில்‌, அது திவ்ய சுதனாகிய சர்வேசுரனுடைய மகா பரிசுத்தத்‌ திருநாமமாக இருக்கிறது. தம்முடைய மகா பரிசுத்தத்‌ திருநாமத்தினாலே நாம்‌ ஜெபிக்க வேண்டும்‌ என்று, நமதுஆண்டவர்தாமே நமக்களித்த கட்டளைக்குக்‌ கீழ்ப்‌படிந்து, நாம்‌ அந்த மகா பரிசுத்தத்‌ திரு நாமத்தை மகிமைப்‌ படுத்துகிறோம்‌. மேலும்‌, நம்‌ திவ்ய இரட்சகர்‌ மூலமாக நாம்‌ பெற்றுக்கொள்கிற சகல தேவ ஆசீர்வாதங்களையும்‌, ஆண்டவருடைய மகா பரிசுத்தத்‌ திருநாமம்‌, நமக்கு ஞாபகப்படுத்துகிறது.  

எனவே தான்‌, அர்ச்‌.சின்னப்பர்‌, “சேசுவின்‌ நாமத்திற்குப்‌ பரமண்டலத்தாரும்‌, பூமண்டலத்தாரும்‌, பாதாளத்தாருமாகிய சகலரும்‌ முழந்தாட்படியிடவேண்டும்!”‌ (பிலிப்‌ 2:10) என்று பிலிப்பியருக்கு எழுதிய நிரூபத்தில்‌ கூறுகின்றார்‌.  

ஆண்டவருடைய மகா பரிசுத்தத்‌ திருநாமத்தின்‌ மீதான பக்திமுயற்சியை அனுசரிப்பதன்‌ மூலம்‌, ஆண்டவருடைய திரு நாமத்தை வீணாக உச்சரிக்கிற பாவங்களுக்கும்‌, தேவதூஷணமாகிற பாவங்களுக்கும்‌ பரிகாரம்‌ செய்கிறோம்‌. இன்று, விசேஷமாக நாம்‌ நம்‌ நேச இரட்கருடைய மகா பரிசுத்தத்‌ திருநாமத்திற்கு எதிராக மனுக்குலத்தினர்‌, கட்டிக்கொள்கிற தேவ தூஷணப்‌ பாவங்களுக்கு நிந்தைப்‌ பரிகாரம்‌ செய்வதற்கான  சில விசேஷ பக்தி முயற்சிகளையும்‌, ஜெபங்களையும்‌, ஆண்டவரின்‌ மகா பரிசுத்தத்‌ திருநாமத்திற்குத்‌ தோத்திர மகிமையாக ஜெபிக்க வேண்டும்‌. 

ஆண்டவரின்‌ மகா பரிசுத்தத்‌ திருநாமத்தின்‌ பிரார்த்தனையை ஜெபித்தால்‌, ஏழு வருட பலனை திருச்சபை அளிக்கிறது. இம்மகா உன்னத பக்திமுயற்சியை அர்ச்‌. சியன்னா பெர்நர்தீன்‌ மற்றும்‌, அர்ச்‌.கபிஸ்திரான்‌ அருளப்பர்‌ ஆகியோர்‌ பரப்பியுள்ளனர்‌. இவர்கள்‌ இருவரும்‌ இத்தாலியின்‌ குழப்பம்‌ நிறைந்த நகரங்களுக்கு வேத போதக அலுவலில்‌ ஈடுபட்டபோது, மேலே படத்தில்‌ காண்பிக்கப்பட்டிருக்கிறபடி, நமதாண்டவரின்‌ மகா பரிசுத்தத்‌ திருநாமத்தின்‌ ஒரு அடையாள முத்திரை வரையப்பட்ட ஒரு மரப்பலகையை அவர்கள்‌ சென்ற இடங்களுக்கெல்லாம்‌ பக்திபற்றுதலுடன்‌ எடுத்துச்‌ சென்றனர்‌. சென்ற இடங்களிலெல்லாம்‌ ஆண்டவருடைய மகா பரிசுத்தத்‌ திருநாமத்தின்‌ இந்த அடையாள முத்திரையைக்‌ கொண்டு, அநேக வியாதியஸ்தர்களைக்‌ குணப்படுத்தினா்‌; அநேக புதுமைகளை நிகழ்த்தினர்‌. அர்ச்‌.சியன்னா பெர்னர்தீன்‌ பயன்படுத்திய இப்பரிசுத்த மரப்பலகை, உரோமாபுரியின்‌ ஆரா சேலியிலுள்ள தேவ மாதாவின்‌ தேவாலயத்தில்‌ ஸ்தாபிக்கப்பட்டிருக்கிறது.

 “நீங்கள்‌ வியாதியினாலும்‌, துன்பத்தினாலும்‌, உபத்திரவப்படும்‌ போது, அல்லது பயத்தினால்‌ பீடிக்கப்பட்டிருக்கும்போது, அல்‌லது பசாசினாலோ, அல்லது மனிதர்களாலோ தாக்கப்படும்‌ போது, “சேசு” என்கிற ஆண்டவருடைய மகா பரிசுத்தத்‌ திரு நாமத்தை வணங்கி, ஆராதித்து, உச்சரித்து, வேண்டி மன்றாடுங்கள்‌”!- அர்ச்‌.லாரன்ஸ்‌ ஐஸ்டீனியன்‌ 

“நாம்‌ இரட்சணியம்‌ அடையவேண்டியதற்கு வானத்தின்‌ கீழ்‌ (அவருடைய நாமமல்லாது) வேறே நாமம்‌ மனுஷருக்குக்‌ கொடுக்கப்படவில்லை!” (அப்‌.நட 4:12)     

ஆண்டவருடைய மகா பரிசுத்தத்‌ திருநாமம்‌,எப்போதும்‌ எல்லோராலும்‌, நித்திய காலக்திற்குமாக ஸ்துதிக்கப்‌ படக்கடவது!  

Feast  of  Holy name of Jesus 

January - 3 - ST. GENEVIEVE அர்ச்‌. ஜெனவியேவ்‌

 ஜனவரி 03ம்‌ தேதி  

அர்ச்‌. ஜெனவியேவ்‌ 

அர்ச்‌.ஜெனவியேவ்‌, கி.பி.422ம்‌ வருடம்‌ பாரீஸ்‌ நகருக்கருகிலுள்ள நான்டெரே என்ற இடத்தில்‌ பிறந்தாள்‌. இவள்‌ 7 வயதானபோது, அர்ச்‌. ஆக்சரே ஜெர்மேயின்‌, பெலாஜியுஸ்‌ பதிதத் தப்பறையை எதிர்த்து, அதை அழிக்கும்படியாக தனது தாய்‌ நாடான பிரான்சிலும்‌, இங்கிலாந்திலும்‌ பிரசங்கிக்கும்படியாக பல நகரங்களுக்குச்சென்ற போது, வழியில்‌, இவளுடைய கிராமத்திற்கும்‌ வந்தார்‌. அச்சமயம்‌, பரிசுத்த மேற்றிராணியாரான அர்ச்‌. ஜெர்மேயினைக்‌ காணும் படியாக, ஊர்‌ மக்கள்‌ கூடியிருந்தபோது, கூட்டத்தின்‌ நடுவில்‌, ஜெனவியேவ்‌ நின்றிருந்தாள்‌; அவளைத்‌ தனியாகக்‌ கூப்பிட்டு, அர்ச்‌.ஜெர்மேயின்‌, அவள்‌ எதிர்காலத்தில்‌ பெரிய அர்ச்சிஷ்டவளாவாள்‌, என்று தீர்க்கதரிசனமாகக்‌ கூறினார்‌; அவளுடைய விருப்பத்தின்படி, பரிசுத்த மேற்றிராணியார்‌, அவளை,சகல கூட்டத்தினருடனும்‌  தேவாலயத்திற்கு நடத்திச்‌ சென்று, அவளுடைய கன்னிமையை சர்வேசுரனுக்கு அர்ப்பணித்து ஒப்புக்கொடுத்தார்‌.  

கி.பி.451ம்‌ வருடம்‌, அட்டிலா என்ற கொள்ளையன்‌, கொள்ளைக்‌ கூட்டத்தினருடன்‌, பாரீஸ்‌ நகரத்திற்குள்‌ நுழைய திட்டமிட்டிருந்தான்‌. மக்கள்‌ அந்நகரத்தை விட்டு வெளியேற ஆயத்தமாயிருந்தபோது, “அவர்களுடைய நகரத்தைக் கொள்ளையிட வருகிற அட்டிலா என்பவன்‌ அந்நகரத்திற்கு தேவ சாபத்தின்‌ தண்டனையாக இருக்கிறான்!”‌ என்று கூறிய ஜெனவியேவ்‌, இத்தண்டனையிலிருந்து தப்பிக்கவும்‌, பரலோக உதவியை நிச்சயிக்கவும்‌, நகர மக்கள்‌ எல்லோரையும்‌, ஜெபத்திலும்‌, உபவாசத்திலும்‌ ஈடுபடும்படிச்‌ செய்தாள்‌. அர்ச்‌.ஜெனவியேவின்‌ தூண்‌டுதலின்படி பாரீஸ் நகர மக்கள்‌ செய்த ஜெப தப மன்றாட்டுகளுக்கு பரலோகம்‌ செவிசாய்த்தது! காட்டுமிராண்டியான அட்டிலாவின்‌ கொள்ளைக்‌ கூட்டம்‌, பாரீஸ்‌ நகரத்தைத்‌ தொடாமலே, ஆர்லியன்ஸ்‌ நகரத்திற்குச்‌ சென்றது.  

சில வருடங்களுக்குப்‌ பிறகு,மெரோவிக்‌ பாரீஸ்‌ நகரத்தை  ஆக்ரமித்தான்‌; இவனையும்‌, இவனுக்குப்‌ பின்‌ வந்த சில்டெ ரிக்‌,குளோவிஸ்‌ ஆகியவர்களிடம்‌, ஜெனவியேவ்‌ வேண்டி மன்றாடி,பாரீஸ்நகர மக்களை, அவர்கள் ‌இரக்கத்துடன்‌ நடத்தும்படிச்‌ செய்தாள்‌. 

அர்ச்‌.ஜெனவியேவின்‌ ஜீவியம்‌ முழுவதும்‌ மாபெரும்‌ தபசும்‌, இடைவிடாத ஜெபமும்‌ , தேவசிநேகத்திற்கடுத்த பிறர்சிநேக அலுவல்களும்‌ நிறைந்திருந்தது! கி.பி.512ம்‌ வருடம்‌, இவள்‌ பாக்கியமாய்‌ மரித்தாள்‌; முதலாம்‌ குளோவிஸ்‌ அரசனுடைய கல்லறைக்கு அருகில்‌ புகைக்கப்பட்டாள்‌.

 இவள்‌ பாரீஸ்‌ நகரத்தின்‌ பாதுகாவலியாக வணங்கப்படுகிறாள்‌;கண்‌ நோய்க்கும்‌, காய்ச்சலுக்கும்‌ இவளிடம்‌ வேண்டிக்‌ கொண்டால்‌, அந்த நோய்கள்‌ புதுமையாகக்‌ குணமடையும்‌. 

கி.பி.1129ம்‌ வருடம்‌, மால்‌டெஸ்‌ ஆர்டென்ட்ஸ்‌ என்ற ஒருகொடிய கொள்ளை நோய்‌ பாரீஸ்‌ நகரைத்‌ தாக்கியபோது, 14000 பேர்‌ மாண்டனர்‌; அர்ச்‌.ஜெனவியேவின்‌ பரிசுத்த அருளிக்கங்கள்‌, பக்தி பற்றுதலுடன்‌ பாரீஸ்நகரம்‌ முழுவதும்‌ சுற்றுப்‌ பிரகாரமாக எடுத்துச்‌ செல்லப்பட்டவுடன்‌, இந்த கொள்ளை நோய்‌, புதுமையாக நின்றுபோனது; நகரத்தை விட்டு அகன்று போனது! 

கி.பி. 1130ம்‌ வருடம்‌, 2ம்‌ இன்னசன்ட்‌ பாப்பரசர்‌, எதிர்‌ பாப்பரசரான அனக்ளீடஸுக்கு எதிராக பிரான்ஸ்‌ அரசனிடம்‌ உதவி கேட்கும்படியாக, பாரீஸ்‌ நகரத்திற்கு வந்தபோது, அர்ச்‌.ஜெனவியேவின்‌ இப்புதுமையைப்‌ பற்றி தானே நேரில்‌ ஆய்வுசெய்து பார்த்தார்‌. அதில்‌ பெரிதும்‌, திருப்தியடைந்தவராக, நவம்பர்‌ 26ம்‌ தேதி , அர்ச்‌.ஜெனவியேவின்‌ திருநாளைக்‌  கொண்டாடும்படி கட்டளையிட்டார்‌.  1793ம்‌ வருடம்‌, நாசகார பிரஞ்சுப்‌ புரட்‌சிக்காரர்கள்‌, அர்ச்‌.  ஜெனவியேவின்‌ பரிசுத்த அருளிக்கங்களை அழித்துப்போட்டனர்‌.  

அர்ச்‌.ஜெனவியேவே! எங்களுக்காக வேண்டிக்கொள்ளும்‌! 

January 2 - ST. DEFENDENTE (அர்ச். டெஃபென்டன்ட்)

 ஜனவரி 02

வேதசாட்சியான அர்ச். டெஃபென்டன்ட்

இவர்  ஒரு துணிவுமிக்க உரோமானிய படை வீரர். இவர் தீபன் பிராந்தியத்தின் உரோமானிய இராணுவ சேனையைச் சேர்ந்த கிறீஸ்துவ வேதசாட்சிகளில் ஒருவராயிருந்தார்; அர்ச்.மோரிஸியோ என்கிற இன்னொரு வேதசாட்சி, இவர்களையெல்லாம் கொலைக்களத்திற்கு உற்சாகமூட்டி வழி நடத்திச் சென்றார். தீபன் உரோம இராணுவ சேனை , முதலில் எகிப்து தேசத்தில்  முகாமிட்டிருந்தது! அதன் படைவீரர்களின் அசாதாரண வீரத்துவம் வாய்ந்த துணிச்சலினால் மிகவும் பிரபலமடைந்திருந்தனர். மேலும், இந்த சேனையின் பெரும்பாண்மையான வீரர்கள் ஞானஸ்நானம் பெற்று,  கத்தோலிக்க வேதத்தை பிரமாணிக்கத்துடன் அனுசரித்து வந்தனர்.

இந்த தீபன் உரோம படைவீரர்களின் சேனை, எகிப்தின் தீபன் பிராந்தியத்திலிருந்து வெளியேறி, உரோமை சாம்ராஜ்ஜியத்தின்  வடக்கு எல்லைப் பகுதியில் சக்கரவர்த்திக்கு எதிராகக் கிளர்ச்சி செய்த  பகோடே என்கிற இனத்தவர்களை அடக்குவதில், சக்கரவர்த்தியான மாக்ஸ்மியனுக்கு (250-310)  உதவும்படியாக, பிரான்ஸ் நாட்டின் கால் பிராந்தியத்திற்கு வர வேண்டும் என்று, உரோமை தலைமையகத்திலிருந்து கட்டளை வந்தது.

மார்சேல்ஸ் பிரதேசத்தில் ஓடுகிற ரோன் நதியின் கரையில் உரோமை இராணுவ சேனை முகாமிட்டு, போருக்காகக் காத்திருந்தனர்; அங்கே அஞ்ஞான தேவதைகளுக்கு ஒரு ஆரவாரமான பலி செலுத்தப்பட்டது; ஆனால், இராணுவ சேனையிலுள்ள கத்தோலிக்க வீரர்கள் இந்த அஞ்ஞான சடங்கில் பங்கேற்கவில்லை! 

இதைக் கேள்விப்பட்டு சீற்றமடைந்த மாக்ஸ்மியன், கிறீஸ்துவ வீரர்களை அடக்க முற்பட்டான்;  அவர்களை சாட்டையால் அடிப்பிக்கச் செய்து, அஞ்ஞான தேவதையை வழிபட மறுத்த பத்து கிறீஸ்துவ வீரர்களுக்கு ஒரு வீரர் என்கிற விகிதத்தில் கிறீஸ்து வீரர்களை தலைவெட்டிக் கொன்று போட்டான்; இவ்விதமாக, அர்ச்.டெஃபென்டன்ட் கிபி 286ம் வருடம் தலைவெட்டிக் கொல்லப்பட்டார்; பாக்கியமான வேதசாட்சிய கிரீடத்தைப் பெற்றுக் கொண்டார்!

கிபி 380ம் வருடம் வந்.தியோடோர் ஆண்டகை, மார்டிக்னியின் மேற்றிராணியாராக இருந்தபோது, அர்ச்.டெஃபென்டென்ட் மற்றும் அவருடைய சக வேதசாட்சிகளின் கல்லறை கண்டெடுக்கப்பட்டது! இந்த அர்ச்சிஷ்டவர்களுக்கு தோத்திரமாக தியோடோர் ஆண்டகை , ஒரு தேவாலயத்தைக் கட்டினார்.

சிவாஸ்ஸோ, காசாலே மொன்ஃபெராட்டோ, மெஸ்ஸியா, நோவாரா, லோடி என்கிற வட இத்தாலிய நகரங்களுக்கு,  அர்ச்.டெஃபென்டென்ட் பாதுகாவலராயிருக்கிறார்! உரோமானிய படை வீரருடைய உடையில் சித்தரிக்கப்பட்டிருக்கிற இந்த அர்ச்சிஷ்டவரிடம் ஓநாய்கள் மற்றும் நெருப்பினால் ஏற்படும் ஆபத்திலிருந்து காப்பாற்றும்படி, வேண்டிக் கொள்வது, பலனுள்ள பக்திமுயற்சியாக அனுசரிக்கப்படுகிறது!

தீபன் இராணுவ சேனை (இது, அகாவுனும் வேதசாட்சிகளுடைய சேனை என்றும் அழைக்கப்படுகிறது!) முழு இராணுவ சேனையாக 6666 படை வீரர்களைக் கொண்ட மிகப் பெரிய சேனையாகத் திகழ்ந்தது!. இவர்கள் அனைவரும் கொண்டிருந்த தளராத கத்தோலிக்க வேத விசுவாசத்திற்காக, கிபி286ம் வருடம், செப்டம்பர் 22ம் தேதியன்று வேதசாட்சிகளாகக் கொல்லப்பட்டனர். இவர்களுடைய பரிசுத்த சரீரங்களின் அருளிக்கங்கள், ஸ்விட்சர்லாந்திலுள்ள செயிண்ட் மோரிஸ் ந வாலெய்ஸ் என்கிற மடத்தின் தேவாலயத்தில் பூஜிதமாக ஸ்தாபிக்கப்பட்டிருக்கின்றன

January 1 - FEAST OF CRCUMCISION OF OUR LORD

நமதாண்டவரின் விருத்த சேதனத்தின் திருநாள்

         விருத்த சேதனம் என்பது, பழைய ஏற்பாட்டின் நியாயப் பிரமாணத்தினுடைய ஒரு தேவ திரவிய அனுமானமாக இருந்தது! மேலும், அது, அபிரகாமின் சந்ததியார்களுக்கான முதல்  சட்ட பூர்வமான அனுசரிப்பு முறையாக சர்வேசுரன் தாமே நியமனம் செய்திருந்த விதிமுறையாகத் திகழ்ந்தது! இது, தேவ ஊழியத்தின் துவக்க நிலையினுடைய ஒரு தேவ திரவிய அனுமானமாகவும், சர்வேசுரன் தாமே வெளிப்படுத்தி, வழிநடத்துவதை விசுவசித்து, அதன்படி நடக்கவும் தேவையான ஒரு வாக்குத்தத்தமாகவும், அதற்கான உறுதிபாட்டின் செயல்பாடாகவும்  திகழ்ந்தது! நமதாண்டவரின் மரணம் வரைக்கும், விருத்தசேதனம் செய்ய வேண்டும் என்கிற பழைய ஏற்பாட்டின் நியாயப் பிரமாணம் செயல்பாட்டில் இருந்தது! சர்வேசுரனுடைய சட்டத்திற்குக் கீழ்ப்படியவும், சகல நீதியின் விதிமுறைகளை நிறைவேற்றவும், அதற்கு தன்னையே கையளிக்கவும் வேண்டும் என்று மனுக்குலத்திற்குக் கற்பிப்பதற்காகவே, இவ்விதமாக  பழைய ஏற்பாட்டின் நியாயப் பிரமாணத்தின் கீழ்  நமதாண்டவர்  பிறந்தார்! பழைய ஏற்பாட்டின் நியாயப் பிரமாணத்தின் கீழ் இருக்கிறவர்களை இரட்சிப்பதற்காகவும், அதன் அடிமைத்தனத்தினின்று அவர்களை விடுவிப்பதற்காகவும், முந்தின ஊழியக்கார நிலையிலிருந்து அவர்களை விடுவித்து, அவர்களுக்கு  சுயாதீனத்தை அளிக்கும்படியாகவும், புதிய ஏற்பாட்டின் விருத்த சேதனமாக, கிறீஸ்துநாதர் தாமே ஸ்தாபித்த  ஞானஸ்நானத்தின் மூலம் அவர்களை சர்வேசுரனுடைய  சுவீகார புத்திரர்களாக மாற்றும்படியாகவும், பழைய ஏற்பாட்டின் நியாயப் பிரமாணத்தின் கீழ் நமதாண்டவருக்கு விருத்த சேதனம் செய்யப்பட்டது! (கலா 4:5)

மகா பரிசுத்த தேவபாலனுக்கு விருத்த சேதனம்  செய்யப்பட்ட போது, அவருக்கு “சேசு” என்கிற மகா பரிசுத்த நாமம் சூட்டப்பட்டது! “இரட்சகர்” என்கிற அர்த்தமுள்ள இம்மகா பரிசுத்த நாமத்தைப் பிறக்க விருக்கிற தேவபாலனுக்கு சூட்ட வேண்டும் என்று அர்ச்.கபிரியேல் சம்மனசானவர் தாமே,  மங்கள வார்த்தைத் திருநிகழ்வன்று, மகா பரிசுத்த தேவமாதாவிடம், அறிவித்திருந்தார். இம்மகா பரிசுத்த நாமம், எவ்வளவு உன்னதமான அழகு வாய்ந்ததாகவும், எவ்வளவு மகிமை மிக்கதாகவும் திகழ்கின்றதென்றால், மகா பரிசுத்த திவ்ய குழந்தை சேசு, இத்திருநாமத்திற்கான அர்த்தத்தை ஒவ்வொரு மணித்துளி நேரமும் நிறைவேற்றுவதற்கு ஆசித்துக் கொண்டிருக்கிறார்! மகா பரிசுத்த தேவ பாலன்,  தமது விருத்த சேதனத்தின் சடங்கு நிறைவேற்றப்பட்ட அந்த மணித்துளி நேரத்தில் கூட, நமக்காக தமது திவ்ய திரு இரத்தத்தைச் சிந்தியதன் மூலமாக, தம்மையே நம்முடைய திவ்ய இரட்சகராகக் காண்பித்தார்!  ஏனெனில், அவர் சிந்திய திவ்ய திரு இரத்தத்தில், ஒரு துளி இரத்தமே, பாவத்தின் அடிமைத்தனத்திலிருந்து அகில உலகத்தையும் மீட்டு இரட்சிப்பதற்குப் போதுமானதாகவும், அதற்கு மேலானதாகவும் இருக்கிறது!

சிந்தனை: இப்புதிய வருடத்திற்கான சந்தர்ப்பத்தில்,இந்த திருநாளுக்கான மாபெரும் தேவ இரகசிய திருநிகழ்வு,  உலகத்திலும் மனித இருதயங்களிலும் தேவ ஊழியத்திற்கான பக்தி பற்றுதலும் தயாளமுள்ள தாராள குணமும் அதிகரிக்கும்படியாக  நிகழ்த்திய ஆச்சரியத்திற்குரியதும் உன்னதமானதுமான புதுப்பித்தலின் மூலமாக நாம் பயனடைவோமாக!  இந்த புதிய வருடம் பக்தி பற்றுதலுள்ளதும் ஞான ஜீவியத்தில் முன்னேற்றத்தைக் கொண்டு வருகிறதுமான வருடமாக இருப்பதாக! இப்போது முடிவடைந்த முந்தின வருடத்தைப் போலவே, இந்த வருடமும் விரைவில் முடிந்து விடும்!  அது முடிவடைவதை நாம் காண்பதற்கு சர்வேசுரன் அனுமதிப்பாரானால்,  எவ்வளவு பாக்கிய சந்தோஷத்துடன், நாம் பரிசுத்தமான விதமாக இந்த வருட காலத்தை செலவிடுவோம்!

January 1 - FEAST OF CRCUMCISION OF OUR LORD

Life History of Saints in Tamil - Jan 1 வேதசாட்சியான அர்ச்‌. ஆல்மாகியுஸ்‌

ஜனவரி 1ம்‌ தேதி ‌ 

வேதசாட்சியான அர்ச்‌. ஆல்மாகியுஸ்‌       

கி.பி. 313ம்‌ வருடம்‌ மகா கான்ஸ்டன்டைன்‌ சட்டப்படி கிறீஸ்துவ வேதத்தை அங்கீகரித்து, ஏற்றுக் கொண்டு, அதற்கான அரச ஆணையை பிரகடனம்‌ செய்த பிறகு,காட்டு மிருகங்களிடம்‌, கிறீஸ்துவர்களை தள்ளிவிட்டு, உரோமையர்கள்‌ விளையாடும்‌ கொடூர விளையாட்டு நிறுத்தப்பட்டது. இருப்பினும்‌, ஆங்காங்கே, சில அஞ்ஞானிகளால்‌ ஆக்கிரமிக்கப்பட்ட பகுதிகளில்‌, கிறீஸ்துவர்களை உபாதிக்கும்‌ அதே கொடூர விளையாட்டுகளைத் தொடர்ந்து‌ நடத்தி வந்தனர்! கிறீஸ்துவர்களை மிருகங்களுக்கு இரையாக போடும்‌ இக்கொடூர விளையாட்டு, மறுபடியும்‌ வேத விசுவாசத்தை இழந்தவனும்‌ வேத விரோதியுமான ஜூலியன்‌ ஆட்சிகாலத்தில்‌, அதிகார பூர்வமாக நாடெங்கிலும்‌ நடைபெறலாயிற்று. இச்சமயம்‌, கிளாடியேட்‌டர்ஸ்‌ என்ற யெரில்‌, தனிச்‌ சண்டையில்‌, கிறீஸ்துவர்கள்‌ இறக்கி விடப்பட்டனர்‌; மைதானத்தில்‌, கிறீஸ்துவர்கள்‌, இறக்கும்‌ வரை சண்டையிடும்‌ கொடூர விளையாட்டு நடைபெறலாயிற்று. 

அடுத்து வந்த ஹொனோரியுஸ்‌ சக்கரவர்த்தி, கி.பி.395ம்‌ வருடம்‌ முதல்‌, கி.பி.423ம்‌ வருடம்‌ வரை ஆட்சி செய்தார்‌; கத்தோலிக்கரான இவருடைய ஆட்‌சிகாலத்தில்‌, கிறீஸ்துவ வேதம்‌ நன்றாக வளர்ந்த போதிலும்‌, முந்தின அஞ்ஞானிகளுடைய ஆட்சியின்‌ காலத்திலிருந்த படியே, இரத்தவெறி கொண்ட கிளாடியேட்டர்ஸின்‌ கொடிய விளையாட்டு, இன்னும்‌ நிறுத்தப்படாமல்‌, விடப்பட்டிருந்தது. 

இருப்பினும்‌, கி.பி.404ம்‌ வருடம்‌, உரோமை சாம்ராஜ்ஜியத்தின்‌ கிழக்குப்‌ பகுதியிலிருந்து அர்ச்‌.ஆல்மாகியுஸ்‌,உரோமாபுரிக்கு வந்தார்‌. இவர்‌ ஒரு துறவி.ஐனவரி 1ம்‌ தேதியன்று, கிளாடியேட்டர்ஸின்‌ வீர விளையாட்டு எப்படி இருக்கிறது? என்று அந்த விளையாட்டு நடை பெற்ற ஸ்டேடியத்திற்கு, இவர்‌ சென்று பார்த்தார்‌. அங்கு, இரண்டு கிளாடியேட்டர்ஸ்‌ உயிர்போகும்‌ வரை இரத்தக்களரியாக சண்டை போட்டுக்கொண்டிருந்ததைப்‌ பார்த்து, மனமுருகியபடி, இவர்‌ மைதானத்திற்குள்‌ சென்று, இருவரையும்‌ பிரித்து விட முயற்சித்தார்‌; மேலும்‌, அவர்‌, “இன்று, நமதாண்டவர்‌ பிறந்த 8ம்‌ நாள்‌.விக்கரகங்களை வழிபடுவதை நிறுத்துங்கள்‌! அசுத்த பலிசெலுத்தும்‌ அஞ்ஞான சடங்குகளிலிருந்து விலகியிருங்கள்‌. கொலை செய்யக்கூடாது! என்று சர்வேசுரன்‌ நமக்குக்‌ கட்டளையிட்டிருக்கிறாரல்லவா? குறிப்பாக இந்தக்காட்டுமிரான்டி மக்கள்‌ கூட்டத்தினரை மகிழ்விப்பதற்காகக்‌ கொலை செய்வதையும்‌ சண்டைபோடுவதையும்‌ விலக்கி விடுங்கள்‌!” என்று கூக்குரலிட்டுக்‌ கூறினார்‌. 

இதைக்‌ கண்ட ஸ்டேடியத்தின்‌ பார்வையாளர்கூட்டம்‌, கோப வெறிகொண்டது. அவர்களுடைய விளையாட்டில்‌ தலையிடுகிற இத்‌துறவி யார்‌? என்று கூச்சலிட்டபடி, அவர்‌ அருகில்‌ வந்த மூர்க்கர்களுடைய கூட்டம்‌, அவர்‌ மீதுகற்களை எரிந்து, அவரைக் கொன்று போட்டது! மனிதன்‌ மனிதனைக்‌ கொல்லக்‌ கூடாது! என்று கூறி, மனித கொலையைத்‌ தடுக்க வந்த அர்ச்‌. ஆல்மாகியுஸ்‌, அந்த மூர்க்கர்களால்‌ இறுதியில்‌ கொல்லப்பட்டார்‌.  

இறுதியில்‌, அர்ச்‌.அல்மாகியுஸ்‌, அவரை உபாதித்துக்‌ கொன்றவர்கள்‌ மேலும்‌, அவர்களுடைய தீமையின்‌ மேலும்‌ வெற்றி கொண்டார்‌. ஏனெனில்‌, இந்த துயர செய்தியைப்‌ பற்றி அறிந்த ஹொனோரியுஸ்‌ சக்கரவர்த்தி, அர்ச்சிஷ்டவரின்‌ அறிவுரையை நாட்டு மக்கள்‌ ஏற்று ஜீவிக்க வேண்டும்!‌ என்று கட்டளையிட்டார்‌; அர்ச்‌. ஆல்மாகியுஸ்‌ ஒரு கிறீஸ்துவ வேதசாட்சி என்று சக்கரவர்த்தி கூறி, அர்ச்சிஷ்டவரை மகிமைப்படுத்தினார்‌; 404ம்‌ வருடம்‌, இனி ஒருபோதும்‌ கிளாடியேட்‌டர்ஸ்‌ சண்டை விளையாட்டு ‌ அனுமதிக்கப்படாது என்கிற நித்திய சட்டத்தையும்‌ பிரகடனம்‌ செய்தார்‌. 

வேதசாட்சியான அர்ச்‌.ஆல்மாகியுஸ்‌! எங்களுக்காக வேண்டிக்கொள்ளும்‌! 

Life History of Saints in Tamil - Jan 1

VLT - காலிமனை வரி கடிதம் எப்படி எழுதுவது ?

 

How to write a Covering letter for Vacant Land Tax – Letter (Municipal Corporation)

From

                ABC
                23, North Street,
                Palayamkottai,
                Tirunelveli – 627002

                Mobile No.: 9876543210

 

To

                Assistant Superindent,

                Palayamkottai Corporation,

                Palayamkottai

 

Subject: Regarding Vacant Land Tax

 

Respected Sir,

               

                I have owned a Land in Tirunelveli District, Palayamkottai Ward 5, Panayankulam Village, Ward BD, Block 001, TS No. 90/3 (Survey No.: 112/1). It’s a Patta land. I have decide to build house in my land. Kindly do necessary things to provide me the Vacant Land Tax.

Thank you.

 

Your faithfully

Date:

Place:

டிசம்பர்‌ 20ம்‌ தேதி 

 அர்ச்‌. சிலோஸ்‌ தோமினிக்‌

அர்ச்‌. தோமினிக்‌,ஸ்பெயினில்‌,நவாரிலுள்ள கானாஸ்‌ என்ற இடத்தில்‌ கி.பி.1000ம் வருடம்‌ பிறந்தார்‌. இவர்‌ விவசாயக்‌ குடும்பத்தில்‌ பிறந்தார்‌;ஆடுமாடு மேய்க்கும்‌ தொழில்‌ செய்து வந்தார்‌.பின்னர்‌, நவாரிலுள்ள அர்ச்‌.ஆசீர்வாதப்பர்‌ மடத்தில்‌ சேர்ந்தார்‌. அதே மடத்தில்‌ மடாதிபதியாகவும்‌ பொறுப்பேற்றார்‌. 

3ம்‌ கார்சியா என்ற நவார்‌ அரசனிடம்‌, இவர்‌ தனது மடத்திற்கு சொந்தமான நிலங்களை ஒப்படைக்க மறுத்தார்‌; உடனே, அரசன்‌, இவரை மடத்திலிருந்து வலுவந்தமாக வெளியேற்றினான்‌; இவருடன்‌ இன்னும்‌ இரு துறவியர்‌ மடத்திலிருந்து வெளியேறினர்‌. 

தோமினிக்‌, பழைய காஸ்டிலுக்குச்‌ சென்றார்‌. காஸ்டில்‌ மற்றும்‌ லியோனுடைய அரசனான முதலாம்‌ ஃபெர்டினான்டு அரசன்‌, அங்கு இவரை வரவேற்றார்‌; சீலோஸிலுள்ள அர்ச்.செபஸ்தியார்‌ மடத்தினுடைய மடாதிபதியாக, இவரை நியமித்தார்‌.(இந்த மடம்‌, இப்போது, அர்ச்‌.தோமினிக்‌ மடம்‌ என்று அழைக்கப்படுகிறது) இவர்‌ தனது துறவற மடத்தை சீர்திருத்தினார்‌;உரோமையரின்‌ கட்டிடக்‌ கலையில்‌, அடைபட்ட மடங்களைக்‌ கட்டினார்‌;எழுதக்‌ கற்றுக்கொடுக்கும்‌ எழுதுக்கூடத்தைத்‌ துவக்கினார்‌; அப்பிரதேசத்தில்‌, இது மிகவும்‌ பிரபலியமாக ஆனது. 

 இவர்‌ தனது பக்தியுள்ள ஜெபங்களாலும்‌, தபசுகளாலும்‌,அநேக நோயாளிகளைப்‌ புதுமையாகக்‌ குணப்படுத்தினார்‌; அதனால்‌, இவருடைய கீர்த்தி எல்லா இடங்களிலும்‌ பரவியது. மேலும்‌, மகமதியர்களுடைய அடிமைத்தனத்திலிருந்து, கிறீஸ்துவர்களை மீட்பதற்காக, இவர்‌ தனது ஜெபதப மன்றாட்டுகளால்‌ புதுமைகள்‌ செய்தார்‌.

 அர்ச்‌. தோமினிக்‌, 1073ம்‌ வருடம்‌, டிசம்பர்‌ 20ம்‌ தேதி பாக்கியமாய்‌ மரித்தார்‌. ஸ்பெயின்‌ நாட்டு மக்களால்‌ நேசிக்கப்படுகிற மிகப்‌ பிரியமான அர்ச்சிஷ்டவர்களில்‌ இவரும்‌ ஒருவர்‌. அர்ச்‌.சிலோஸ்‌ தோமினிக்கின்‌ திருயாத்திரை ஸ்தலமாகக்‌ திகழும்‌ தேவாலயம்‌, போதகக்‌ குருக்கள்‌ சபையைக்‌ தோற்றுவித்த அர்ச்‌.தோமினிக்‌ என்ற அர்ச்‌.சாமிநாதருடைய பிறப்பில்‌ முக்கிய இடத்தைப் பெற்றிருக்கிறது என்பது குறிப்பிடத்தக்கது. மேலும்‌, அர்ச்‌.சாமிநாதரின்‌ தாயார்‌,இவருடைய திருயாத்திரை ஸ்தலத்திலிருந்த கல்லறையில்‌, தனக்கு ஒரு குழந்தை வேண்டுமென்று ஜெபித்தார்கள்‌.அதனால்‌ தான்‌, 1170ம்‌ வருடம்‌, குழந்தை பிறந்தபோது, தோமினிக்‌ என்ற பெயரையும்‌ வைத்தார்கள்‌.  

அர்ச்‌.சிலோஸ்‌ தோமினிக்கே! எங்களுக்காக வேண்டிக்கொள்ளும்‌! 

‌டிசம்பர் 19ம் தேதி அர்ச்‌. முதலாம்‌ அனஸ்தாசியுஸ்‌

‌டிசம்பர் 19ம் தேதி
அர்ச்‌. முதலாம்‌ அனஸ்தாசியுஸ்‌ 

இவர்‌, உரோமில்‌ அந்நகரக்‌ குடிமகனாகப்‌ பிறந்தார்‌. இவர்‌ ஒரு மாசற்றவரும்‌, அப்போஸ்தலிக்க ஆவல்‌ மிக்கவருமாயிருந்தார்‌ என்றும்‌, மாபெரும்‌ பரிசுத்த‌ தனதத்தையுடையவரும்‌, தரித்திரத்தில்‌ மாபெரும்‌ உயர்ந்த நிலையிலிருந்தவருமாகத் திகழ்ந்தார்,‌ என்றும்‌, அர்ச்‌. ஜெரோம்‌ இவருடைய ஜீவிய சரித்திரத்தில்‌ எழுதியுள்ளார்‌. உரோமாபுரியில்‌ மாக்சிமுஸின்‌ மகனாகப்‌ பிறந்தார்‌. அர்ச்‌.சிரிசியுஸ்‌ பாப்பரசருக்கு அடுத்ததாக இவர்‌ கி.பி.399ம்‌ வருடம்‌ முதல்‌ 401ம்‌ வருடம்‌ வரை பாப்பரசராக ஆட்சி புரிந்தார்‌. 

கி.பி.400ம்‌ வருடம்‌, அலெக்சாண்டிரியாவின்‌ பிதாப்பிதாவான தியோஃபிலுஸ்‌, ஓரிஜன்‌ என்பவர்‌ கத்தோலிக்க கிறீஸ்துவ போதனைகளுக்குப்‌ பிரமாணிக்கமுடன்‌ இருக்கிறாரா என்பதைப்‌ பற்றிய மிக வலுவான சந்தேகத்தை எழுப்பி, ஒரு கடிதத்தை எழுதி, பாப்பரசருக்கு அனுப்பியிருந்தார்‌. அதன்‌ பின்னணியில்‌, இவர்‌ திருச்சபை சங்கத்தைக்‌ கூட்டினார்‌; அந்த சங்கம்‌, கிறீஸ்துவ போதனைகளிலி ருந்து மாறுபட்ட போதனைகளைப்‌ போதிக்கிறார்‌, என்று ஓரிஜனைக்‌ கண்டித்‌துக்‌ கண்டனம்‌ செய்தது. மேலும்‌, ஓரிஜனால்‌ மொழிபெயர்க்கப்பட்ட முதல்‌ தத்துவங்கள்‌ என்ற நூலிற்கு ஆதரவாக அக்வீலியா, ரூஃபினுஸ் ஆகியோர்,‌ பாப்பரசருக்கு எழுதியிருந்தனர்‌; ஆனால்‌, அந்த நூலை ஏற்கனவே அர்ச்‌.ஜெரோம்‌ எதிர்த்து நிராகரித்திருந்தார்‌; பாப்பரசரும்‌, ஓரிஜனுடைய சகல எழுத்துக்களையும்‌, கண்டனம்‌ செய்த சங்கத்தின்‌ தீர்மானத்தையே ஆதரித்து, அதையே நிலை நிறுத்தினார்‌. வட ஆப்ரிக்காவிலுள்ள கிறீஸ்துவர்கள்‌, டோனடிசம்‌ என்ற பதிதத்திற்கு எதிராகப்‌ போராடும்படி, இவர்‌ வலியுறுத்தினார்‌. 401ம்‌ வருடம்‌ பாக்கியமாய்‌ மரித்தார்‌; போந்தியனுடைய கல்லறையில்‌ அடக்கம்‌ செய்யப்பட்டார்‌. 

பரிசுத்த பாப்பரசரான அர்ச்‌ முதலாம் அனஸ்தாசியுஸே! எங்களுக்காக வேண்டிக்கொள்ளும்‌! 

டிசம்பர்‌ 18ம்‌ தேதி எதிர்பார்த்துக்‌ காத்திருந்த மகா பரிசுத்த தேவமாதாவின்‌ திருநாள்‌

டிசம்பர்‌ 18ம்‌ தேதி  

எதிர்பார்த்துக்‌ காத்திருந்த மகா பரிசுத்த தேவமாதாவின்‌ திருநாள்‌ 

   இன்று கிறீஸ்துமஸ்‌ திருநாளுக்கு முந்தின திருநாட்களில்‌ மிக முக்கியமானதும்‌ உற்சாகமளிக்கக்‌ கூடியதுமான திருநாளாக, காத்திருந்த தேவமாதாவின்‌ திருநாள்‌ கொண்டாடப்படுகிறது. இந்நவீன காலத்தில்‌, இத்திருநாள்‌ அறியப்படாமலிருந்தபோதிலும்‌,ஸ்பெயின்‌, போர்த்துக்கல்‌, இத்தாலி, மற்றும்‌ போலந்து போன்ற நாடுகளிலும்‌, ஒரு சில துறவற மடங்களிலும்‌, இன்றும்‌, இந்த திருநாள்‌ மிகுந்த உற்சாகத்துடன்‌ கொண்டாடப்படுகிறது.  மகா பரிசுத்த தேவமாதா, அவர்களுடைய பரிசுத்த கர்ப்பத்தினுடைய  கால நேரம்‌ முடிவடைகிற நிலைமையில்‌ , அவர்களுடைய தெய்வீக தாய்மையின்‌ மகா உன்னதமான கண்ணியத்துடன்‌ சித்தரிக்கப்பட்டிருக்கிறார்கள்‌.தாவீ தரசரின்‌ குமாரத்தியாக மகா பரிசுத்த தேவமாதா, ஒரு இராக்கினியின்‌ மகிமை மிகுந்த ஆடம்பரமான ஆடையை அணிந்தவர்களாக, சமாதானத்தின்‌ இளவரசரும்‌, தம்‌ திவ்ய குமாரனுமான சேசுநாதருடைய வருகைக்காக மிகுந்த சந்தோஷத்துடன்‌ காத்திருக்கிறார்கள்‌. மகா பரிசுத்த தேவமாதாவின்‌ தோற்றம்‌ முழுவதும்‌, தமது மாசற்ற இருதயத்தில்‌ தமது திவ்ய குமாரனைப்‌ பற்றிய ஆழ்ந்த தியானத்தி னால்‌ எவ்வாறு முழுமையாக ஆட்கொள்ளப்பட்டிருக்கிறார்கள்‌! என்பதையே நமக்குக்‌ காண்பிக்கிறது. மகா பரிசுத்த தேவமாதாவின்‌ மாசற்ற திருவுதரம்‌, தெய்வீகத்தினுடைய ஒரு உயிருள்ள நடமாடும்‌ பரிசுத்த ஸ்தலமாகவே மாறியிருந்தது! 

கி.பி.656ம்‌ வருடம்‌, ஸ்பெயின்‌ நாட்டின்‌ டொலேடோ நகரில்‌ கூடிய திருச்சபையின்‌ பத்தாவது சங்கத்தின்போது, மேற்றிராணிமார்களால்‌ இந்த திருநாள்‌, ஸ்தாபிக்கப்பட்டது. அச்சமயம்‌, எக்ஸ்பெக்தாசியோ பார்துஸ்‌ என்று இத்திருநாள்‌ அழைக்கப்பட்டது. உரோமைக்‌ கத்தோலிக்க திருச்சபை முழுவதிலும்‌ இத்திருநாள்‌ கொண்டாடப்பட்டது.

  ஸ்பெயின்‌ நாட்டினர்‌, இந்த திருநாளை, நுவஸ்ட்ரா செனோரா தேவ லா ஓ!  என்ற பெயரில்‌ அழைத்தனர்‌. ஏனெனில்‌, அன்றைய தின மாலை ஜெபத்தில்‌, திருவழிபாட்டிற்கான வெஸ்பர்ஸ்‌ ஜெபங்களைப்‌ பாடும்போது, குருக்கள்‌, திவ்விய இரட்சகருடைய வருகையை அகில பிரபஞ்சமே ஆவலுடன்‌ ஏங்கிக்‌காத்திருக்கிறதை வெளிப்படுத்தும் விதமாக, உரத்தக்‌ குரலில்‌, நீட்டியபடி, ஓ! என்று பாடுவார்கள்‌. 

 இந்த திருநாள்‌ ஸ்பெயின்‌ நாட்டில்‌ எப்போதும்‌ கொண்டாடப்பட்டு வருகிறது. டொலேடோ நகர சங்கத்தின்போது, 13ம்‌ கிரகோரி பாப்பரசரால்‌ 1573ம்‌ வருடம்‌ இந்த திருநாளை ஆக்டேவ்‌ என்கிற 8 நாள்‌ தயாரிப்பில்லாத இரட்டிப்பான பெரிய திருநாளாக ஸ்தாபித்தார்‌. டொலேடோ மேற்றிராசனத்தில்‌, விசேஷ சலுகையுடன்‌, இந்த திருநாள் 1634ம்‌ வருடம்‌ ஏப்ரல்‌ 29ம்‌ தேதி ஏற்படுத்தப்பட்டு, ஆகமன காலத்தின்‌ 4ம்‌ ஞாயிற்றுக்கிழமையில்‌ வந்தாலும்‌, இந்த திருநாளைக்‌ கொண்டாடுவதற்கான திருச்சபையின்‌ அனுமதியுடன்‌ கொண்டாடப்படுகிறது. 

 பின்னர்‌, இந்த திருநாள்‌ ஸ்பெயின்‌, போர்த்துக்கல்‌ பேரரசுகளின்‌ குடியேற்ற நாடுகளிலும்‌, உலகின்‌ மற்ற நாடுகளிலும்‌ பரவியது. 1695ம்‌ வருடம்‌, வெனிஸ்‌ மற்றும்‌ தூலோஸ்‌ பகுதிகளிலும்‌ 1702ம்‌ வருடம்‌ சிஸ்டர்ஷியன்‌ துறவற மடங்களிலும்‌ , 1713ம்‌ வருடம்‌ டஸ்கனி நாட்டிலும்,1725ம் வருடம்‌ பாப்பரசருடைய நாடுகளிலும்‌ இந்த திருநாள்‌ ஸ்தாபிக்கப்பட்டது. இன்று திருச்சபை, இசையாஸ்‌ தீர்க்கதரிசியுடன்‌ சேர்ந்து, பூமியானது திவ்‌விய இரட்சகரை வரவேற்பதற்கு தயாராக இருப்பதற்காக, பரலோகத்திலிருந்து நீதியின்‌ சூரியனானவருடைய வருகைக்காக ஜெபிக்கிறது: “வானகங்காள்‌! மேல்‌ நின்று கிருபையார்ந்த பனிபெய்யுங்கள்‌; மேகங்கள்‌ நீதிமானை இறங்கச்‌ செய்யக்கடவன ; பூமி கற்பம்‌ விரிந்து இரட்சகரை வெளிப்படுத்தக்கடவது!” (இசை 45:8) 

டிசம்பர்‌ 17ம்‌ தேதி 
வேதசாட்சியான அர்ச்‌.ஒலிம்பியாஸ்‌ 

ஒலிம்பியாஸ்‌, கி.பி.360ம்‌ வருடம்‌, கான்ஸ்டான்டிநோபிளில்‌, ஒரு பணக்‌காரக்‌ குடும்பத்தில்‌ பிறந்தாள்‌. மிகச்சிறிய வயதிலேயே பெற்றோர்களை இழந்து அனாதையானாள்‌.ஒலிம்பியாஸின்‌ மாமாவான புரொபேகாபியுஸ்‌ நகரக்தலைவராயிருந்தார்‌; அவர்‌, அவளை தியோடோசியா என்ற பெண்ணின்‌ பொறுப்பில்‌ ஒப்படைத்தார்‌.

  ஒலிம்பியாஸ்‌ பருவமடைந்ததும்‌, கான்ஸ்டான்டிநோபிள்‌ நகரத்தலைவராயிருந்த நெப்ரிடியுஸ்‌ என்பவரை திருமணம்‌ செய்தாள்‌;இவர்களுடைய திருமணத்தின்போது, அர்ச்‌.நசியான்சன்‌ கிரகோரியார்‌, ஒரு கவிதை எழுதினார்‌. சிறிதுகாலத்திலேயே ஒலிம்பியாஸ்‌, கணவனை இழந்து விதவையானாள்‌. தனது ஆஸ்திகளையெல்லாம்‌, 30வது வயதை அடையும்‌ வரை, அறக்கட்ட ளையின்‌ காப்பகத்தில் ஒப்படைத்திருந்தாள்‌.மறுமணம்‌ செய்துகொள்ள அநேக உயர்‌ அதிகாரிகள்‌ முன்வந்தனர்‌; அதையெல்லாம்‌ மறுத்துவிட்டாள்‌. தியோடோசியுஸ்‌ பேரரசன்‌, இவளை மறுமணம்‌ செய்ய முன்வந்தான்‌; அதற்கும்‌ ஒலிம்பியாஸ்‌ மறுத்து விட்டாள்‌. 

பேரரசன்‌, 391ம்‌ வருடம்‌, இவளுடைய பண்ணைத்தோட்டத்தை இவ ளிடமே திருப்பி ஒப்படைத்தபோது, இவள்‌ தேவசிநேகத்திற்கடுத்த பிறர்சிநேகக்‌ காரியங்களில்‌ ஈடுபடும்படியாக தன்னையே முழுமையாக அர்ப்பணிக்கக்‌ திட்டமிட்டாள்‌; தேவசிநேக மற்றும்‌ பிறர்சிநேக அலுவல்களில்‌ ஈடுபட்டு, ஒரே குடும்பமாக ஜீவிக்கும்படியாக, அநேக பெண்களுடன்‌ கூடிய ஒரு பக்தி சபையை ஸ்தாபித்தாள்‌; ஏழைகளுக்கு தான தர்மம்‌ செய்வதில்‌, இவள்‌ மிக தாராளமான மனதுடன்‌ ஈடுபட்டாள்‌; அதற்காக, தனது ஆஸ்திகளையெல்லாம்‌ விற்றாள்‌.பிறர்சிநேக அலுவலில்‌ இவளுடைய தயாளகுணத்தைக்‌ கண்டு அர்ச்‌.கிறிசோஸ்தம்‌ அருளப்பர்‌, இவளைப்‌ பாராட்டி உற்சாகப்படுத்தினார்‌; 398ம்‌ வருடம்‌, கான்ஸ்டான்டிநோபிளின்‌ பிதாப்பிதாவாக ஆனதும்‌, அர்ச்‌.கிறிசோஸ்தம்‌ அருளப்பர்‌, ஒலிம்பியாஸை, தனது ஞான வழிகாட்டுதலின்‌ கீழ்‌ வழிநடத்தத் துவக்கினார்‌. 

ஒலிம்பியாஸ்‌, ஒரு மருத்துவமனையையும்‌, ஒரு அனாதை இல்லத்தையும்‌ கட்‌டினாள்‌. ஆரிய பதிதர்களால்‌, நித்ரியா என்ற இடத்திலிருந்து விரட்டப்பட்ட துறவியர்களுக்கு இவள்‌, அடைக்கலம்‌ கொடுத்து, தங்குவதற்கான மடத்தை ஏற்பாடு செய்தாள்‌; ஆரிய பதிதத்தை எதிர்ப்பதில்‌, அர்ச்‌.கிறிசோஸ்தம்‌ அருளப்பருக்கு, இவள்‌ மிக உறுதியான ஆதரவாளராக துணை நின்றாள்‌. 

 கி.பி.404ம்‌ வருடம்‌, அர்ச்‌.கிறிசோஸ்தம்‌ அருளப்பர்‌, கான்ஸ்டான்டிநோபிளின், அதிமேற்றிராணியார்‌ பதவியிலிருந்து அகற்றப்பட்டார்‌. ஆரிய பதிதர்களுடைய இந்த சதிவேலையை, ஒலிம்பியாஸ்‌, எதிர்த்தாள்‌; ஆரிய பதிதர்களால்‌ பிதாப்பிதாவாக அமர்த்தப்பட்ட ஆர்சேசியுஸை ஏற்றுக்கொள்ள முடியாது என்று ஒலிம்பியாஸ்‌ கூறி, எதிர்த்தாள்‌; அதற்கு, அந்நகர அதிகாரியாயிருந்த ஒப்டாடுஸ்‌, ஒலிம்பியாஸூக்கு அபராதம்‌ விதித்தான்‌, இவளுடைய பக்திசபையைக்‌ கலைத்தான்‌;இவள்‌ மேற்கொண்ட சகல பிறா்சிநேக அலுவல்‌களையும்‌ நிறுத்தினான்‌.  அர்ச்‌.ஒலிம்பியாஸ்‌, இறுதி நாட்களில்‌, வியாதியிலும்‌, உபத்திரவங்களிலும்‌ அவதிப்பட்டாள்‌; ஆனால்‌, நாடுகடத்தப்பட்ட அர்ச்‌.கிறிசோஸ்தம்‌ அருளப்பர்‌, தங்கியிருந்த இடத்திலிருந்து, கடிதங்கள் மூலமாக, ஒலிம்பியாஸூக்கு நம்பிக்கையையும்‌ தைரியத்தையும்‌, அளித்து உற்சாகப்படுத்தி வந்தார்‌. 

நிக்கோமேதேயாவிற்கு நாடுகடத்தப்பட்ட ஒலிம்பியாஸ்‌, 408ம்‌ வருடம்‌ வேதசாட்சியாக, இறந்தாள்‌. அர்ச்‌.கிறிசோஸ்தம்‌அருளப்பர்‌ இறந்த ஒரு வருட காலத்திற்குள், இவளும் வேதசாட்சியாக மரித்தாள்!‌ 

வேதசாட்சியான அர்ச்‌.ஒலிம்பியாஸே! எங்களுக்காக வேண்டிக்கொள்ளும்‌! 

பிரசங்கம்: மென்மையான இரக்கம் மற்றும் உண்மை

 

வருடத்தின் மிக முக்கியமான திருநாளில்  ஒன்று கிறிஸ்து பிறப்புத் திருநாள். கத்தோலிக்கர்கள் நமது சர்வேசுரனின் இரக்கத்தைப் பற்றி சிந்திக்க ஒரு வாய்ப்பை வழங்குகிறது. வேதாகமம், குறிப்பாக பழைய ஏற்பாடு சான்றளிக்கும்படி, கடவுள் தம்முடைய இரக்கத்தைத் தேடுபவர்களின் கடுமையான பாவங்களைக் கூட மன்னிக்கத் தயாராக இருக்கிறார். நாம் அடிக்கடி கடவுளிடமிருந்து விலகிச் செல்வதைக் காணலாம், ஆனால் நம் சர்வேசுரன் நம்மை விட்டு விலகுவதில்லை.

The Nativity, which is one of the most important feasts of the year, offers an opportunity for Catholics to reflect on Our Lord's mercy. As Scripture, particularly the Old Testament attests, God is willing to forgive even the gravest sins of those who seek His mercy. We may find ourselves turning away from God frequently, but Our Lord never turns away from us.

Listen to this sermon here>>

அர்ச். சூசையப்பர் - அமைதியானவர், வலிமையானவர்

 

அர்ச். சூசையப்பர், "நீதிமான்", பாதுகாப்பற்றவர்களை நியாயமாகப் பாதுகாப்பதற்கு ஒரு எடுத்துக்காட்டு. அவர் கஷ்டங்களையும் ஆபத்தையும் ஏற்றுக்கொண்டார், மேலும் சிறிய மற்றும் பலவீனமானவர்களைப் பாதுகாக்க தன்னைத் துறந்தார். தேவதாயைப் பற்றிய தவறான புரிதலின் வேதனையில், தனது சொந்த பயங்கரமான துக்கத்தின் மத்தியில் அவரது ஒரே எண்ணம் என்னவென்றால், மரியாளை எப்படி உலகத்திலிருந்து காப்பாற்றுவது மற்றும் பாதுகாப்பது என்பதுதான். குழந்தை சேசுவை ஏரோதிடமிருந்து காப்பாற்றுவது அவரது கைகளில் விழுந்தது. ஒரு குழந்ழையின் உயிரை நேசிப்பவர்களைப் போலவே, அவரும் தன்னைக் கொடுப்பதற்காக தன்னிடம் உள்ள அனைத்தையும் விட்டுவிட வேண்டியிருந்தது.

கிறிஸ்துவின் சிறுவயதிற்குப் பிறகு சூசையப்பரைப் பற்றி நமக்கு எதுவும் தெரியாது அவரைப் பற்றி பதிவு செய்யப்பட்டுள்ளதெல்லாம், அவர் தேவதாயை இந்த ஆகமணகாலத்தில் பாதுகாத்தார் என்பதும், அறியப்படாத, யூகிக்கப்படாத கிறிஸ்துவை அவர் முதன்முதலில் பாதுகாத்தார் என்பதும், மேலும் அவர் பாதுகாப்பற்ற மற்றும் ஏரோதுவால் அச்சுறுத்தப்பட்டபோது குழந்தை சேசுவின் பாதுகாப்பாளராக இருந்தார். அவர் ஒரு நீதிமான் மற்றும் வலிமையான மனிதன். பாறையில் உள்ள படிகம் போல் அவருடைய அன்பு இருந்தது. நீதி என்பது கடவுளின் தந்தையின் மென்மையான மற்றும் கடுமையான வெளிப்பாடாகும்: இது தெய்வீக அன்பின் நெகிழ்வற்ற தர்க்கமாகும்.

 

எ சைல்ட் இன் விண்டர்: அட்வென்ட், கிறிஸ்மஸ் மற்றும் எபிபானி வித் கேரில் ஹவுஸ்லேண்டரிலிருந்து எடுக்கப்பட்டு தழுவல்

St. Joseph: Quiet Strength

St. Joseph, the "just man," is an example of one who justly defends the defenseless. He accepted hardship and danger, and renounced self to protect the little and the weak. In that mysterious anguish of misunderstanding of Our Lady, his one thought in the midst of his own terrible grief was how to save and protect her from the world. It fell to his lot to save the Diving Infant from Herod. He, like all those who cherish the life of an infant, had to give up all that he had in order to give himself.

We know nothing of him after Christ's boyhood; all that is recorded of him is that he protected Our Lady in Advent, that he was the first to protect the unknown, unguessed Christ in another, and that he was the defense of the Infant Christ when he was defenseless and threatened by Herod. A just man and a strong man. Love was in him like the crystal in the rock. Justice is both the tenderest and the sternest expression of God's Fatherhood: it is the inflexible logic of Divine Love.
 

Taken and adapted from A Child in Winter: Advent, Christmas, and Epiphany with Caryll Houselander

Catholic Quotes in Tamil

இந்த பூமி நாம் புண்ணியத்தைப் பெறக்கூடிய இடம்; எனவே அது ஓய்வெடுக்கும் இடம் அல்ல, உழைப்பு மற்றும் துன்பங்கள் நிறைந்த இடம்; பொறுமையின் மூலம் நாம் மோட்சத்தின் மகிமையைப் பெறுவதற்காகக் கடவுள் நம்மை இங்கு வாழ வைக்கிறார். - அர்ச். அல்போன்சுஸ்