சேசுகிறீஸ்துநாதருடைய திருப்பாடுகளின் பேரில் தியானங்கள்

 

01 தபசு காலத்தில் அவசியமாய் அநுசரிக்கவேண்டிய விசேஷங்கள்: 

சாம்பல் புதன்

 சேசுகிறீஸ்துநாதருடைய திருப்பாடுகளின் பேரில் தியானங்கள்.

01 தபசு காலத்தில் அவசியமாய் அநுசரிக்கவேண்டிய விசேஷங்கள்: 

சாம்பல் புதன்.

1-ம் ஆயத்த சிந்தனை - தேவ கட்டளையை மீறி நடந்த நமது ஆதித் தகப்பனைப் பிதாவாகிய சர்வேசுரன் பார்த்து “நீ உற்பத்தியான மண்ணுக்குத் திரும்பிப் போகுமட்டும் உன் நெற்றியின் வேர்வையால் உனது ஆகாரம் புசித்துத் தூசியாய் இருக்கிற நீ திரும்பவும் தூசி யாய்ப் போகக்கடவாய்” என்று சொல்லும் பயங்கரமான வாக்கியத்தை நீ கேட்பதாகப் பாவித்துக்கொள். 

2-ம் ஆயத்த சிந்தனை - உனது ஒன்றுமில்லாமையை உணர்ந்து எப்பொழுதும் உன்னைத் தாழ்த்தி அடிக்கடி மரணத்தைத் தியானித்து, தவத்தால் சரீரத்தைத் தண்டித்து ஒறுத்துத் தேவ ஊழியத்தில் பிரமாணிக்கமாய் நடப்பதற்கான இஷ்டப்பிரசாதத்தை கட்டளையிட சேசுநாதரை மன்றாடுவாயாக.

சேசுநாதருடைய உருக்கத்துக்குரிய இத்தியானங்கள் எந்த அந்தஸ்திலும் இருக்கக்கூடிய சகல கிறீஸ்தவர்களுக்கும் மகா பிரயோசனமாயிருக்கும். தியானம் செய்யப் பழகாதவர்கள் முதலாய் இத்தியானங்களில் சொல்லப்பட்டிருக்கும் ஒவ்வொரு பிரிவைச் சிறுகச் சிறுகக் கவனமாய் வாசித்தால் தியானம் செய்யும் விதத்தைக் கற்றுக் கொள்ளலாம். 

ஒவ்வொரு தியானத்துக்கு முன் 2 ஆயத்த சிந்தனைகள் குறிக்கப்பட்டிருக்கின்றன. முதல் சிந்தனையில் தியானம் செய்யும் ஒவ்வொருவரும், தான் தியானம் செய்ய இருக்கும் பொருளைப் புத்திக் கண்ணால் பார்ப்பதாக மனதில் ரூபிகரித்துக் கொள்ள வேண்டியது. 2-ம் சிந்தனையில் தியானத்திலே தான் செய்யும் நல்ல பிரதிக்கினையைச் சர்வேசுரன் ஆசீர்வதிக்கவும், அல்லது தான் கேட்கும் மன்றாட்டை அவர் அளிக்கவும் தாழ்ச்சியுடன் வேண்டிக் கொள்ளுகிறது. ஆயத்த சிந்தனையில் இரண்டொரு நிமிஷம் செலவழித்து, இருதயத்தில் பக்தி விசுவாசத்தை எழுப்பி, வாசிக்கப் படும் பொருளைக் குறித்துத் தியானிக்க வேண்டியது.

சாதாரணமாக நாள் தோறும் அரைமணி நேரம் தியானம் செய்யப் பழக்கப்பட்டவர்கள், அநேக விசை தியான வேளையில் பக்தி கவனமின்றி வெகு பராக்குக்கும், மனவறட்சிக்கும் உள்ளாகி, யாதோர் பிரயோசனமும் அடையாமல் போவார்கள். 

அப்பேர்ப்பட்ட சமயத்தில் சேசுநாதருடைய திருப்பாடுகளைக் குறித்துத் தியானம் செய்வார்களேயாகில் மேற்படி குறைகளுக்கு உள்ளாகாமல் அதனால் வெகு ஞானப் பிரயோசனங்களை அடைந்து சாங்கோபாங்கத்தில் (புண்ணியத்தில்) அதிக வளர்ச்சி அடைவார்களென்று அறியவும்.

அநேக பெரிய அர்ச்சியசிஷ்டவர்கள் சேசுநாதருடைய திருப் பாடுகளைத் தங்கள் அனுதினத் தியானமாகத் தெரிந்து கொண்டார்கள். அப்படியே தேவமாதா சிமியோனுடைய தீர்க்கதரிசனத்தைக் கேட்டது முதல் தமது மரணபரியந்தம் தமது பிரிய குமாரனுடைய பாடுகளைக் குறித்து நினைத்து அழுவார்கள். அர்ச். இராயப்பர் நமது கர்த்தருடைய பாடுகளைக் குறித்து நினைக்கும் போது, படும் கஸ்தி அழுகையால் தமது கன்னத்தில் பள்ளம்படும்படி அவ்வளவு ஏராளமாய்க் கண்ணீர் சொரிந்தார். அர்ச். இஞ்ஞாசியாரும் சிலுவை அருளப்பரும் பாடுகளைக் குறித்துத் தியானம் செய்யும்படி படிப்பித்தார்கள். அர்ச். சவேரியார் திருப்பாடுகளின் மேல் வைத்த விசேஷ பக்தியால் தமது சிலுவைச் சுரூபத்தை விட்டுப் பிரிய மனமின்றி, அத்திருச்சிலுவையின் இரகசியத்தைக் குறித்துத் தியானித்து வருவார். திருச்சபையில் பேர்பெற்ற சாஸ்திரியாகிய அர்ச். தோமாஸ் அக்குயினாஸ் என்பவர் பாடுபட்ட சுரூபத்தைத் தமது கண்கள்முன் வைத்து, அதன் பேரில் தியானித்ததால் அரிதான சாஸ்திரங்களை அறிந்து கொண்டார். அர்ச். ஐந்து காய பிரான்சீஸ்கு என்பவர் சேசுநாதருடைய திருப்பாடுகளை இடைவிடாமல் தியானித்து வந்தபடியால் அதற்குச் சம்பாவனையாக நமதாண்டவர் தமது ஐந்து காயங்களை அவருடைய சரீரத்தில் பதியச்செய்தார். அர்ச். லிகோரியாரும், பிரான்சீஸ்கு சலேசியாரும், இன்னும் கணக்கற்ற அர்ச்சியசிஷ்டவர்களும் திருப்பாடுகளின் பேரில் வெகு பக்தி வைத்துத் தியானித்ததுமன்றி, மற்றவர்களும் இவ்விதம் செய்யும்படி தூண்டி விட்டுப் பாடுகளைக் குறித்து அநேக புத்தகங் களை எழுதி வைத்தார்கள்.

தமது திருப்பாடுகளின் மேல் விசேஷ பத்தி வைத்து அவைகளை அடிக்கடி தியானிப்பவர்களை நமதாண்டவர் அதிகமாய்ச் சிநேகித்து, அவர்களுக்கு ஏராளமான நன்மைகளைச் செய்து வருவா ரென்பது சத்தியம். “யாதொருவன் நாம் பாடுபட்ட சுரூபத்தைப் பக்தியோடு எத்தனைவிசை பார்ப்பானோ, அத்தனை விசையும் நாம் நமது இரக்கமுள்ள கண்களை அவன் மேல் திருப்புவோம்” என்று ஜெர்த்துருத்தம்மாளுக்குக் காட்டிய காட்சியில் நமதாண்டவர் திருவுளம்பற்றியிருக்கிறார்.

ஆகையால் இந்தத் தியானங்களை வாசிக்கும் பக்தியுள்ள ஆன்மாக்களே, சேசுநாதருடைய திருப்பாடுகளின் மேல் விசேஷ பக்தி வைப்பது நமக்கு எவ்வளவு பிரயோசனமென்று நமது கர்த்தருடைய வார்த்தைகளால் தெளிவாய் விளங்குகின்றது. 

இச்சிறு புத்தகம் தபசு காலத்துக்காக எழுதப்பட்ட போதிலும், வருஷத்தில் வரும் வெள்ளிக்கிழமைகள் தோறும் இதில் ஓர் தியானத்தைச் செய்வது உத்தமம்.

திருப்பாடுகளைக் குறித்துத் தியானிக்கும் பிரிய சகோதரரே, சேசுநாதர் சுவாமி பாடுபட்டு மரிக்கும்போது நடந்த அற்புதங்கள் உங்கள் இருதயத்திலும் நடக்குமென்பது தப்பாது. பூமி அதிர்ந்து நடுநடுங்கினது போல மண்ணான உங்கள் சரீரம்தான் கட்டிக் கொண்ட பாவ அக்கிரமங்களைக் கண்டு வெட்கி, மனஸ்தாபப்பட்டு தன் ஆத்துமத்துக்கு அடங்கி நடக்கும் கல்மலைகள் பிளந்து தகர்ந்ததுபோலப் பாறைக்கொப்பான உங்கள் இருதயம் பாடுகளைத் தியானிப்பதால் மெழுகுபோல் உருகும். தேவாலயத்தின் திரைச்சீலை இரண்டாய்க் கிழிந்ததுபோல் உங்கள் இருதயத்தை மூடிக்கொண்டிருக்கும் சுகபோக ஆசாபாசப் படலங்கள் அகன்று போகும். கடைசியாய் நமதாண்டவர் மரித்த மூன்றாம் நாள் மகிமையுள்ளவராய் உயிர்த்ததுபோல் நீங்களும் அவர் திருப்பாதம் போய்ச் சேர்வீர்கள் என்பது நிச்சயம். ஆகையால் பக்தியுள்ள ஆன்மாக்களே, திருப்பாடுகளைக் குறித்து அடிக்கடி தியானிக்கிறதுமன்றி, மற்றவர்களும் இவ்விதம் செய்யும்படி பிரயாசைப் படுவீர்களாக.

உன்னத ஸ்தலங்களிலே சர்வேசுரனுக்கு மகிமைப் பிரதாபமும், பூலோகத்திலே நல்ல மனதுள்ள மனுஷர்களுக்குச் சமாதானமும் உண்டாகக்கடவது

 

உன்னத ஸ்தலங்களிலே சர்வேசுரனுக்கு மகிமைப் பிரதாபமும், பூலோகத்திலே நல்ல மனதுள்ள மனுஷர்களுக்குச் சமாதானமும் உண்டாகக்கடவது  (லூக். 2:14). பூமி முழுவதும் சமாதானம் அறிவிக்கப்படுகிறது; பாவங்களை மன்னிப்பதன் மூலம் கடவுளுடன் மனிதனின் அமைதி; தங்களுக்குள்ளேயே மனிதர்களின் அமைதி, கடவுள் விரும்புவதை விரும்புவதோடு, அவனது ஆசைகள் அனைத்தும் ஒத்துப்போவதன் மூலம் மனிதன் தன்னுடனிருக்கும் அமைதி. இதுவே தேவதூதர்கள் பாடி பிரபஞ்சம் முழுவதும் அறிவிக்கும் அமைதி.

இந்த விதிமுறைகளில் தான் Bossuet, அவரது Elevations sur les Mysteries (16வது வாரம், 9வது உயரம்) இல், கிறிஸ்துமஸ் இரவில் தேவதூதர்களின் பாடலைப் பற்றி கருத்துரைத்தார். ஒரு புதிய ஆண்டின் வாசலில் கிறிஸ்தவ ஆன்மாக்கள் விரும்பும் அனைத்தும் உள்ளன.

The Eagle of Meaux  குறிப்பிடுகிறது: “நல்ல மனப்பான்மையுள்ள மனிதர்களுக்கு சமாதானம், அதாவது முதலில் கடவுள் யாருக்கு நன்மையை விரும்புகிறாரோ அவர்களுக்கு; இரண்டாவதாக, நல்ல விருப்பம் உள்ளவர்களுக்கு; ஏனென்றால், கடவுள் நம்மீது கொண்டுள்ள நல்லெண்ணத்தின் முதல் விளைவு, அவரை நோக்கி ஒரு நல்ல விருப்பத்துடன் நம்மைத் தூண்டுவதாகும்.

"நல்ல விருப்பம் என்பது கடவுளின் விருப்பத்திற்கு இணங்குவது: அது சாராம்சத்திலும் தன்னிலும் நன்றாக இருப்பதால், அதற்கு இணங்குவது இந்த வகையில் நல்லது. ஆகவே, நம் விருப்பத்தை கடவுளின் விருப்பத்திற்கு நெறிப்படுத்துவோம், மேலும் நாம் நல்லெண்ணம் கொண்ட மனிதர்களாக இருப்போம், அது உணர்வின்மை, அலட்சியம், அலட்சியம் மற்றும் வேலையைத் தவிர்ப்பதன் மூலம் அல்ல, ஆனால் "அவர்மேல் உங்கள் சகல கவலைகளையும் வைத்துவிடுங்கள். " (cf . 1 இரா. 5:7: "அவர் உங்களை விசாரிக்கிறவராகையால், அவர்மேல் உங்கள் சகல கவலைகளையும் வைத்துவிடுங்கள்.").

"மென்மையான மற்றும் சோம்பேறி ஆன்மாக்கள் திடீரென்று இதைச் சொல்லுகின்றன: கடவுள் அவர் விரும்பியதைச் செய்யட்டும்; வலி மற்றும் கவலையில் இருந்து ஓடுவதை மட்டுமே கவனித்துக் கொள்ளுங்கள்."

நல்லெண்ணமுள்ள மனிதர்களுக்கு நாம் விரும்பும் அமைதி என்பது வெற்று வார்த்தை அல்ல. கடவுளின் மகிமைக்காக உண்மையாகச் செயல்படும் விசுவாசம் மற்றும் தானத்தின் பலன் இது: "நல்ல சித்தம் என்பது கடவுளின் உண்மையான அன்பு, மற்றும் புனித பவுல் சொல்வது போல், 'கற்பனையின் கதி ஏதெனில், பரிசுத்த இருதயத்தினாலும், நல்ல மனச்சாட்சியினாலும், போலியற்ற விசுவாசத்தினாலும் உண்டாகிற பரம அன்பாமே.' (1 தீமோ. 1:5).

“நல்ல செயல்களால் ஆதரிக்கப்படாதவர்களிடம் நம்பிக்கை போலியாக இருக்கிறது; ஒருவன் கடவுளைப் பிரியப்படுத்த விரும்புவதே  நற்செயல்களாகும்.

எனவே, 2023 ஆம் ஆண்டு உண்மையிலேயே நல்லதாகவும் புனிதமாகவும் இருக்க, கிறிஸ்மஸில் தேவதூதர்களின் பாடலைப் பாடுவது போதாது: "உன்னத ஸ்தலங்களிலே சர்வேசுரனுக்கு மகிமைப் பிரதாபமும், பூலோகத்திலே நல்ல மனதுள்ள மனுஷர்களுக்குச் சமாதானமும் உண்டாகக்கடவது!" இது வருடத்தின் ஒவ்வொரு நாளும் உறுதியான தீர்மானமாக மாற்றப்பட வேண்டும்.

(ஆதாரம்: DICI n° 427 - FSSPX.News)

விளக்கம்: Flickr / Jean-Louis Mazieres (CC BY-NC-SA 2.0)

https://fsspx.news/en/news-events/news/earth-peace-men-good-will-79090

மூன்று ராஜாக்கள் திருநாள்

 நம்மில் பலருக்கு, ஜனவரி 6 என்பது குடிலை அகற்றுவதற்கான அல்லது கிறிஸ்துமஸ் மரத்தை அப்புறப்படுத்துவதற்கான நேரம் வந்துவிட்டது என்பதை நினைவு படுத்தும். ஆனால் திருச்சபை எப்பொழுதும் மூன்று ராஜாக்கள் திருநாளை மிகவும் மகிழ்ச்சியான திருநாளாக கருதுகிறது. இது அஞ்ஞானி நாடுகளை இரட்சிப்புக்கு கடவுள் அழைத்ததன் நினைவாக உள்ளது. அதன் கொண்டாட்டத்தில் கலந்துகொள்ள கிறிஸ்தவர்களை அழைக்கிறார் திருத்தந்தை அர்ச்.  லியோ தி கிரேட்: "நமது தொழில் மற்றும் நமது நம்பிக்கையின் ஆதிப் பலன்களான கிறிஸ்துவை வணங்கும் மூன்று  ராஜாக்களின் அடையாளம் காண்போம்; நமது ஆசீர்வதிக்கப்பட்ட நம்பிக்கையின் தொடக்கத்தை மகிழ்ச்சியுடன் கொண்டாடுவோம். ... அவர்கள் தங்கள் கருவூலங்களிலிருந்து பரிசுகளை எடுத்து, அவற்றை சர்வேசுரனுக்குச் செலுத்துவது போல், கடவுளுக்குத் தகுதியானவற்றை நம் இதயங்களிலிருந்து வெளிக்கொணர்வோம்."

சில திருச்சபையின் தந்தையர்கள்  கருத்தைப் பின்பற்றி, நாம் வழக்கமாக மாகியை எண்ணிக்கையில் மூன்றாகக் குறிப்பிடுகிறோம். நாம் அவர்களை காஸ்பர், மெல்ச்சியர் மற்றும் பால்தாசர் என்று அழைக்கிறோம். பல்வேறு வெவ்வேறு எண்கள் மற்றும் பெயர்கள் பிற மக்களால் அவர்களுக்கு ஒதுக்கப்படுகின்றன.

கிறிஸ்துவின் பிறப்பு ஏன் மாகிகளுக்கு அறிவிக்கப்பட்டிருக்க வேண்டும் என்று சில நேரங்களில் நாம் ஆச்சரியப்படுகிறோம். நேட்டிவிட்டி என்பது அவர் ஏற்படுத்தவிருந்த உலகளாவிய மீட்பின் முன்நிழலாக இருந்ததால், அவரது பிறப்பு ஒவ்வொரு இனம் மற்றும் வாழ்க்கையின் நிலைமையை சேர்ந்த மனிதர்களுக்கு அறிவிக்கப்படுவது பொருத்தமானது. இது யூதர்களுக்கும், எளியவர்களுக்கும், தாழ்த்தப்பட்டவர்களுக்கும், மேய்ப்பர்களிடத்தில் அறிவிக்கப்பட்டது; சிமியோன் மற்றும் அன்னாவின் நபர்களில் புனிதமான மற்றும் நீதியான மற்றும் இரு பாலினருக்கும்; மாகியின் நபர்களில் புறஜாதிகளுக்கு, கற்றறிந்த, சக்திவாய்ந்த மற்றும் பாவிகளுக்கு.

அவர்கள் தங்கள் சொந்த நாட்டிற்குத் திரும்பிய பிறகு மாகிகள் என்ன ஆனார்கள் என்பது எங்களுக்குத் தெரியாது. உயிர்த்தெழுதலுக்குப் பிறகு, அர்ச். தாமஸ் அவர்களுக்கு ஞானஸ்நானம் கொடுத்தார், மேலும் அவர்கள் நற்செய்தி பிரசங்கத்தில் அவருடைய கூட்டாளிகளாக மாறினர் என்று கூறப்படுகிறது. அவர்கள் தியாகிகள் என்றும், அவர்களின் உடல்கள் முதலில் கான்ஸ்டான்டினோப்பிளில் வணங்கப்பட்டு, பின்னர் மிலனுக்கு மாற்றப்பட்டு, பார்பரோசா மிலனைக் கைப்பற்றியபோது கொலோனுக்கு எடுத்துச் செல்லப்பட்டதாகவும் ஒரு பாரம்பரியம் கூறுகிறது. இன்றளவும் மூன்று அரசர்களின் நினைவுச்சின்னங்கள் கொலோனில் உள்ள கதீட்ரலில் உள்ள ஒரு ஆலயத்தில் வணங்கப்படுகின்றன.

அடையாளங்கள் மூலம் மற்றவர்களுக்குத் தகவல் கொடுக்க விரும்பும்போது, ​​அவர்களுக்கு மிகவும் பரிச்சயமான அடையாளங்களைப் பயன்படுத்துகிறோம். கிறிஸ்து பிறந்த நேரத்தில், புறஜாதிகள், குறிப்பாக மாகி போன்ற வானியலாளர்கள், நட்சத்திரங்களைப் படிப்பதில் அதிக நேரத்தையும் கவனத்தையும் செலுத்தினர். ஆகவே, மாகியின் அடையாளமாக ஒரு நட்சத்திரத்தைப் பயன்படுத்துவது மிகவும் பொருத்தமானது மற்றும் பொருத்தமானது என்பதை நாம் காணலாம்.

அவர்களை இவ்வாறு வழிநடத்த, நட்சத்திரம் சாதாரண நட்சத்திரங்களைப் போல் இல்லாமல் தெற்கு திசையில் நகர்ந்திருக்க வேண்டும். மேலும், மந்திரவாதிகளை முன்னோக்கி வழிநடத்தவும், நிறுத்துவதன் மூலம், இயேசுவும் மரியாவும் இருந்த குறிப்பிட்ட வீட்டை சுட்டிக்காட்ட பூமிக்கு அருகில் பயணம் செய்திருக்க வேண்டும். கடவுள் சாதாரண நட்சத்திரங்களில் ஒன்றை அதன் சுற்றுப்பாதையை விட்டு வெளியேறி இந்த வழிகாட்டும் நட்சத்திரம் செய்தது போல் செயல்படச் செய்திருக்க முடியும். ஆனால், அற்புதங்கள் தேவையில்லாமல் பெருகக் கூடாது என்பதால், நாம் வேறு தீர்வைத் தேட வேண்டும். நட்சத்திரத்தின் தன்மையைப் பற்றிய பொதுவான கருத்தை பிரீன் இந்த வார்த்தைகளில் வெளிப்படுத்துகிறார்:

இப்போது இந்த விஷயத்தை ஒரு நடைமுறை வழியில் பார்ப்போம். நாம் ஏதோ ஒரு சிறிய கிராமத்தில் ஒரு குறிப்பிட்ட வசிப்பிடத்தைத் தேடுகிறோம் என்பதையும், அங்கே ஒரு நட்சத்திரத்தால் கடவுள் நமக்குக் காட்ட வேண்டும் என்பதையும் நமக்கு நாமே பிரதிநிதித்துவப்படுத்துவோம். நாம் தேடும் பொருளுக்கு அந்த நட்சத்திரம் எவ்வளவு நெருக்கமாக இருக்க வேண்டும் என்பதை நாம் உடனடியாகக் காணலாம். ஒரு கிராமத்தை சுட்டிக்காட்ட ஒரு நட்சத்திரம் பூமிக்கு அருகில் இருக்க வேண்டும்; இன்னும் நெருக்கமாக, அந்த கிராமத்தில் ஒரு குறிப்பிட்ட குடியிருப்பை வேறுபடுத்திக் காட்ட. இந்த உறுதியான அஸ்திவாரங்களில் தங்கியிருந்து, பெத்லஹேமின் நட்சத்திரம், இந்த வெளிப்படையான நோக்கத்திற்காக கடவுளின் சர்வ வல்லமையால் அழைக்கப்பட்ட பெரும் பிரகாசத்தின் உருவாக்கப்பட்டது என்று நாங்கள் நம்புகிறோம். 

மாகியை வழிநடத்த நட்சத்திரத்தைப் பயன்படுத்தியதால், ஆசீர்வதிக்கப்பட்ட கன்னி, கடல் நட்சத்திரத்தின் நினைவாக பதினோராம் நூற்றாண்டின் தொடக்கத்தில் பிரான்சில் நிறுவப்பட்ட ஆர்டர் ஆஃப் தி ஸ்டார் உருவானது. ஆசீர்வதிக்கப்பட்ட அன்னை அதன் உறுப்பினர்களுக்கு வழிகாட்டும் நட்சத்திரமாக இருக்க வேண்டும் என்று மன்றாடுவது இந்த சபையின் நோக்கமாகும்.

மூன்று அரசர்களும்  தெய்வீக சிசுவிற்கு பரிசுகளை வழங்கினர்: தங்கம், ஒரு விலைமதிப்பற்ற உலோகம்; தூபம், ஒரு பசை, இது எரிக்கப்படும் போது, ​​இனிமையான நறுமணப் புகைகளை அளிக்கிறது; மிர்ர், அதிக மதிப்புள்ள கசப்பான நறுமணப் பசை, உடலுக்குத் தைலங்கள் தயாரிப்பதற்கும், எம்பாமிங் செய்வதற்கும் பயன்படுத்தப்படுகிறது. அவை நிச்சயமாக ஒரு ராஜாவுக்கு ஏற்ற பரிசுகள். புனிதக் குடும்பத்தின் வறுமையைப் போக்க மாகிகள் தங்கத்தையும், கிறிஸ்துவின் கைக்குழந்தைகளை வலுப்படுத்த வெள்ளைப்பூச்சையும், தொழுவத்தின் விரும்பத்தகாத வாசனையை ஈடுசெய்ய தூபவர்க்கத்தையும் வழங்கினார்கள் என்பது புனித பெர்னார்ட் கருத்து. தூபவர்க்கமும் வெள்ளைப்போளமும் விற்கப்பட்டிருக்கலாம் என்றும், தங்கம், தங்கம் ஆகியவை எகிப்தில் தங்கியிருந்தபோது புனித குடும்பத்தை ஆதரித்திருக்கலாம் என்றும் சிலர் கருத்து தெரிவிக்கின்றனர். இருப்பினும், குழந்தையின் நினைவாக தூபவர்க்கம் எரிக்கப்பட்டது என்று பொதுவாகக் கருதப்படுகிறது.

அர்ச்.  தாமஸ் அக்வினாஸ் அவர்கள் தங்கம் காணிக்கை அளித்ததில், சக்தியைக் குறிக்கும் வகையில், கிறிஸ்துவை படைப்பாளராக ஒப்புக்கொண்டதாக கூறுகிறார்: பாதுகாக்கும் மிர்ரின் காணிக்கையில், படைக்கப்பட்ட அனைத்துப் பொருட்களையும் பாதுகாப்பவர் என்று அவரை ஒப்புக்கொண்டனர்; தூபவர்க்கத்தின் காணிக்கையின் போது, ​​கடவுளின் நினைவாக சாம்பிராணி எரிக்கப்படுவதைப் போலவே, மனிதகுலத்தின் மீட்பிற்காக கிறிஸ்து சிலுவையில் எரிக்கப்பட வேண்டும் என்பதற்காக அவரை மீட்பராக அங்கீகரித்தார்கள். சில பிதாக்கள், இஸ்பிரித்து சாந்துவினால் பிரகாசிக்கப்படுவதால், ஞானிகள் பெரிய ராஜாவுக்கு தங்கத்தையும், கடவுளுக்கு தூபத்தையும், மனிதகுலத்தின் இரட்சிப்பிற்காக இறக்கவிருந்த மனிதனுக்கு வெள்ளைப்போளத்தையும் கொடுத்தார்கள் என்று கற்பித்தார்கள்.

பெத்லகேம் பயணத்தை நடத்துவதில்,  விசேஷமாக ஞானிகளின் நம்பிக்கையிலும், கடவுள் பாவிகளைத் தம்மிடம் திரும்ப அழைக்கும் அல்லது நல்லொழுக்கமுள்ளவர்களை தம்முடன் நெருக்கமாக இணைக்கும் அற்புதமான வழிகளிலும் கவனம் செலுத்த மாட்டார்கள் ஆன்மீக எழுத்தாளர்கள் (Spiritual  Writers). வழங்கப்படும் பரிசுகள் தொண்டு மற்றும் தார்மீக நற்பண்புகளின் முக்கியத்துவமாக பலவிதமாக விளக்கப்படுகின்றன. உதாரணமாக, அர்ச்.  கிரிகோரி கூறுகிறார்: "நாங்கள் ஞானத்தின் ஒளியால் பிரகாசித்தால், நாங்கள் தங்கத்தை வழங்குகிறோம்: சாம்பிராணி. நாம் ஊக்கமான ஜெபத்தில் இரங்கி இருந்தால்: மிர்ர். சதையின் தீமைகளை நாம் அழித்துவிட்டால்." மற்றுமொரு விளக்கம், குறிப்பாக மதத்திற்குப் பொருந்தும்: "தங்கம் என்பது தன்னார்வ வறுமை. ஏனெனில் இந்த வறுமை உலகில் உள்ள தங்கத்தை விட மிகவும் பணக்காரமானது, மேலும் கடவுளுக்கு மிகவும் பிடித்தமானது. தூபம் என்பது கீழ்ப்படிதல், இதன் மூலம் ஒரு மனிதன் தனது சொந்த விருப்பத்தையும் அறிவையும் வழங்குகிறான். , ஆம், அவருடைய முழு சுயமும், கடவுளுக்கு.

 Source:  https://fsspx.asia/en/news-events/news/feast-epiphany-79142

வேதசாட்சிகள் பலர் (Sapientiam) - II

 வேதசாட்சிகள் பலர்  (Sapientiam) - II 

வருகைப் பாடல் :சர்வப் 44: 15,14. 

புனிதர்களின் ஞானத்தை மக்கள் எடுத்துரைப்பார்களாக: அவர்களுடைய புகழைப் பேரவை சாற்றுவதாக : அவர்கள் பெயர் என்றென்றும் நிலை நிற்கும். (சங்.32:1) நீதிமான்களே, ஆண்டவரில் மகிழ்வீர் : நேர்மனத்தோர் அவரைப் புகழ்வது தகுமே. V. பிதாவுக்கும்... புனிதர்களின்.

சபை மன்றாட்டு :

செபிப்போமாக: சர்வேசுரா, உம்முடைய புனித வேதசாட்சிகளான... ஆகியோரின் வானகப் பிறப்பு நாளை நாங்கள் கொண்டாட அருள் புரிகிறீர்: நித்திய பேரின்பத்தில் நாங்கள் அவர்களுடன் தோழமைகொண்டு மகிழச் செய்வீராக. உம்மோடு..(1)

ஞானாகமத்திலிருந்து வாசகம்

(ஞானா.5:16-20)

நீதிமான்கள் என்றென்றைக் கும் சீவிப்பார்கள். கர்த்தரிடத்தில் அவர்களுக்குச் சம்பாவனையுண்டு; அதி உன்னத கடவுள் அவர்களை என்றும் பாதுகாக்கிறார். ஆகையால் ஆச்சரியமான ராசாங்கத்தையும் மகிமையின் கிரீடத்தையும் கர்த்தர் கரங்களினின்றடைவார்கள். அவருடைய வலது கரம் அவர்களை காப்பாற்றியது அவரது பரிசுத்த புஜம் அவர்களை ஆதரித்தது. அவர் பற்றுதலானது ஆயுத மணிந்துகொள்ளும். அவர் சத்துராதி களைப் பழிவாங்குவதற்குச் சிருஷ்டி களுக்காக ஆயுதமணிவார் இருப்புக் கவசமாக நீதியையும் சிரசாயுதமாக தமது நேர்மையுள்ள தீர்மானத்தையும் தரித்துக் கொள்ளுவார். ஊடுருவப்படாத கேடயமாக நீதித்தனத்தால் தம்மை மூடிக்கொள்வார்.

தியானப் பாடல்: சங். 123: 7-8.

வேடரின் கண்ணியிலிருந்து சிட்டுக் குருவிபோல் எங்கள் ஆன்மா விடுவிக்கப்பட்டது. V. கண்ணி அறுந்தது, விடுதலை பெற்றோம். ஆண்டவர் பெயராலே நமக்கு உதவியுண்டு. விண்ணையும் மண்ணையும் படைத்தவர் அவரே.

அல்லேலூயா, அல்லேலூயா. V. (சங். 67:4) நீதிமான்கள் சர்வேசுரன் திரு முன் மகிழ்ந்து, களிகூர்ந்து, பேருவகை கொள்வார்கள். அல்லேலூயா.

(முன் தவக் காலத் துவக்கத்திலிருந்து அல்லேலூயாவுக்குப் பதிலாக)

நெடும் பாடல்:

கண்ணீருடன் விதைப்போர் மகிழ்ச்சியுடன் அறுப்பர்: V. விதைக்கச் செல்கையில் அழுதுகொண்டே. சென்றனர்: V. ஆனால் கதிர்க்கட்டுகளைச் சுமந்து வருகையில் களிப்புடன் வருவர்.

லூக்காஸ் எழுதிய பரிசுத்த சுவிசேஷத்தின் தொடர்ச்சி

(லூக்.6:17-23)

அக்காலத்தில்: யேசு மலையிலிருந்து இறங்கி வந்து சமதளமான ஓரிடத்தில் நின்றார்.  பின்பு அவர் அவர்களுடனேகூட இறங்கி, சமனான ஒரு இடத்திலே நின்றார். அங்கே அவருடைய சீஷரில் அநேகம் பேரும் அவருடைய உபதேசத்தைக் கேட்கும்படிக்கும், தங்கள் வியாதிகளினின்று குணமாக்கப்படும்படிக்கும், யூதேயா தேசத்துத் திசைகள் யாவற்றிலிருந்தும், எருசலேம் நகரத்திலிருந்தும், தீரு சீதோன் பட்டணங்கள் இருக்கிற கடலோரத்திலிருந்தும் வந்தவர்களாகிய திரளான ஜனங்களும் இருந்தார்கள். அசுத்த ஆவிகளால் வாதிக்கப்பட்டவர்களும் வந்து, ஆரோக்கியமடைந்தார்கள். அவரிடத்திலிருந்து வல்லமைபுறப்பட்டு எல்லாரையும் குணமாக்கினபடியினாலே, ஜனங்கள் யாவரும் அவரைத் தொடும்படிக்கு வகைதேடினார்கள். அப்பொழுது அவர் தம்முடைய சீஷர்களை நோக்கிப்பார்த்து: தரித்திரராகிய நீங்கள் பாக்கியவான்கள்; தேவனுடைய ராஜ்யம் உங்களுடையது.  இப்பொழுது பசியாயிருக்கிற நீங்கள் பாக்கியவான்கள்; திருப்தியடைவீர்கள். இப்பொழுது அழுகிற நீங்கள் பாக்கியவான்கள்; இனி நகைப்பீர்கள். மனுஷகுமாரன் நிமித்தமாக ஜனங்கள் உங்களைப் பகைத்து, உங்களைப் புறம்பாக்கி, உங்களை நிந்தித்து, உங்கள் நாமத்தைப் பொல்லாததென்று தள்ளிவிடும்போது நீங்கள் பாக்கியவான்களாயிருப்பீர்கள். அந்நாளிலே நீங்கள் சந்தோஷப்பட்டுக் களிகூருங்கள்; பரலோகத்தில் உங்கள் பலன் மிகுதியாயிருக்கும்; அவர்களுடைய பிதாக்கள் தீர்க்கதரிசிகளுக்கும் அப்படியே செய்தார்கள்.

Post Septuagesimam in fine sequentis antiphone 'அல்லேலூயா' omittitur.

காணிக்கைப் பாடல்: சங். 149 :5-6.

புனிதர்கள் மகிமையில் அக்களிப்பார்கள், தங்கள் மஞ்சங்களில் மகிழ்வார்கள் : ஆண்டவரின் திருப்புகழ் அவர்கள் நாவில் இருக்கும். (அல்லேலூயா)

காணிக்கை மன்றாட்டு :

ஆண்டவரே, எங்கள் பக்தியின் காணிக்கையை உமக்கு ஒப்புக்கொடுக்கிறோம்: உம்முடைய புனிதர்களின் மகிமைக்காக அது உமக்கு உகந்ததாகி, உம் இரக்கத்தால் எங்கள் மீட்புக்கு பயன் அளிப்பதாக. உம்மோடு 

திருவிருந்துப் பாடல்: லூக்.12:4

என் நண்பர்களாகிய உங்களுக்குச் சொல்லுகிறேன் : உங்களை வதைப்பவர்களுக்கு அஞ்சாதீர்கள்.

நன்றி மன்றாட்டு:

செபிப்போமாக: ஆண்டவரே, உம்முடைய புனித வேதசாட்சிகளான...... ஆகியோரின் வேண்டுதலால், நாங்கள் வாயினால் உட்கொண்ட திரு உணவைத் தூய உள்ளத்தோடு பெற்று மகிழ எங்களுக்கு அருளுமாறு உம்மை மன்றாடுகிறோம். உம்மோடு... (1)

வேதசாட்சிகள் பலர் (Intret) 1

 பாஸ்கா காலத்திற்குப் புறம்பே

I வேதசாட்சிகள் பலர் (Intret)

வருகைப் பாடல்: சங், 78 : 11, 12, 10. 

சிறைப்பட்டோரின் பெருமூச்சு உமது திருமுன் வருவதாக. எம் அயலார் செய்த கொடுமைகளை ஏழு மடங்கு அவர்களுக்குத் திருப்பிக்கொடும். உம்முடைய புனிதர்கள் சிந்திய குருதிக்குப் பழி தீர்ப்பீராக. (சங். 78:1.) சர்வேசுரா, புறவினத்தார் உம் உரிமைச் சொத்தில் நுழைந்துள்ளனர். உமது திருக் கோவிலை மாசுபடுத்தினர். எருசலேமைப் பாழ்படுத்தினர். V. பிதாவுக்கும்... சிறைப்பட்டோரின்.

சபை மன்றாட்டு:

செபிப்போமாக: ஆண்டவரே, புனித வேதசாட்சிகளும் மறை ஆயர்களுமான ......ஆகியோரின் கொண்டாடும் பாதுகாத்து, திருவிழாவைக் எங்களை அவர்கள் பாதுகாத்து  தங்களின் புனித மன்றாட்டினால் எங்களுக்காகப் பரிந்து பேசுமாறு உம்மை மன்றாடுகிறோம். உம்மோடு...(1) 

(மறை ஆயர் அல்லாதோருக்கு, சபை மன்றாட்டு பின்வரும் பூசையில் உள்ளதுபோல்)

ஞானாகமத்திலிருந்து வாசகம் 

(ஞானா.3:1-8)

நீதிமான்களுடைய ஆத்துமங்கள் சர்வேசுரனுடைய கரங்களிலிருக்கின்றன. சாவின் பயங்கரம் அவர்களை அண்டாது. புத்தியீனருடைய கண்களுக்கு முன்பாக மரித்தவர்களாகத் தோன்றினார்கள். அவர்கள் பூலோகத்தை விட்டுப் பிரிந்தது ஒரு பெருந் துயரம்போல் எண்ணப்பட்டது. நம்மிடமிருந்து அவர்கள் பிரிந்து போனதோ, நிர்மூலமென்று நினைக்கப்படுகிறது. ஆனால் அவர்களோ சமானத்தில் இளைப்பாறுகிறார்கள். மனிதருக்கு முன்பாக வேதனையடைந்திருந்த போதிலும், அவர்கள் நம்பிக்கையோ நித்தியத்தால் நிரம்பியிருக்கின்றது. அற்பக் கஸ்தியடைந்தபின் அவர்கள் அடையும் சம்பாவனையோ பெரிதானதாயிருக்கும்; ஏனென்றால், சர்வேசுரன் அவர்களைப் பரீட்சித்துப் பாத்திரவான்களாகக் கண்டார். பொன் உலையிற் பரிசோதிக்கப்படுவது  போல பரிசோதித்து அவர்களைச் சர்வாங்க பலியின் பொருளாக ஏற்றுக் கொண்டு தகுந்த தருணத்தில் அவர்களைத் தயவோடு நோக்குவார். நாணற் செடிகளுக்குள் நெருப்புப் பொறிகள் எரிந்து பிரகாசித்ததுபோல நீதிமான்கள் பிரகாசிப்பார்கள். மனித சாதிகளுக்கு மனிதர்களை நடுத்தீர்ப்பார்கள். சனங்களுக்குள் அதிகாரஞ் செலுத்துவார்கள். ஆண்டவர் அவர்களை என்றென்றைக்கும் அரசாளுவார்.

தியானப் பாடல்: யாத். 15:11, 

புனிதர் நடுவில் கடவுள் மாட்சிமிக்கவர். மகத்துவத்தில் வியப்புக்குரியவர். அரியவை புரிபவர். V. (யாத். 15:6) ஆண்டவரே, உமது வலக்கரம் வலிமையால் மகிமைபெற்றது. உமது வலக்கரம் எதிரிகளை நொறுக்கியது.

அல்லேலூயா, அல்லேலூயா. V. (சர்வ. 44:14.) உம்முடைய புனிதரின் உடல்கள் அமைதியில் புதைக்கப்பெற்றன. அவர்கள் பெயர் தலைமுறை தலைமுறையாக நிலைநிற்கும். அல்லேலூயா.

(முன்தவக் காலத் துவக்கத்திலிருந்து அல்லேலூயாவுக்குப் பதிலாக)

நெடும் பாடல்: சங். 125: 5-6

கண்ணீருடன் விதைப்போர் மகிழ்ச்சியுடன் அறுப்பர். V. விதைக்கச் செல்கையில் அழுதுகொண்டே சென்றனர். V. ஆனால், கதிர்க்கட்டுகளைச் சுமந்து வருகையில், களிப்புடன் வருவர்.

லூக்காஸ் எழுதிய பரிசுத்த சுவிசேஷத்தின் தொடர்ச்சி 

(லூக்.21:9-19)

அக்காலத்தில்: யேசு தம் சீடர்களுக்குச் சொன்னதாவது: யுத்தங்களையும் கலகங்களையுங்குறித்து நீங்கள் கேள்விப்படும்போது, பயப்படாதிருங்கள்; இவைகள் முன்னதாகச் சம்பவிக்கவேண்டியதே; ஆனாலும் முடிவு உடனே வராது என்றார்.  அப்பொழுது அவர் அவர்களை நோக்கி: ஜனத்துக்கு விரோதமாய் ஜனமும், ராஜ்யத்துக்கு விரோதமாய் ராஜ்யமும் எழும்பும். பல இடங்களில் மகா பூமியதிர்ச்சிகளும், பஞ்சங்களும், கொள்ளைநோய்களும் உண்டாகும்; வானத்திலிருந்து பயங்கரமான தோற்றங்களும் பெரிய அடையாளங்களும் உண்டாகும்.  இவைகளெல்லாம் நடப்பதற்கு முன்னே என் நாமத்தினிமித்தம், அவர்கள் உங்களைப் பிடித்து, ஜெப ஆலயங்களுக்கும் சிறைச்சாலைகளுக்கும் ஒப்புக்கொடுத்து, ராஜாக்கள் முன்பாகவும் அதிபதிகள் முன்பாகவும் உங்களை இழுத்துத் துன்பப்படுத்துவார்கள். ஆனாலும் அது உங்களுக்குச் சாட்சியாவதற்கு ஏதுவாயிருக்கும். ஆகையால் என்ன உத்தரவு சொல்லுவோமென்று கவலைப்படாதிருக்கும்படி உங்கள் மனதிலே நிர்ணயம்பண்ணிக்கொள்ளுங்கள். உங்களை விரோதிக்கிறவர்கள் ஒருவரும் எதிர்பேசவும் எதிர்நிற்கவும் கூடாத வாக்கையும் ஞானத்தையும் நான் உங்களுக்குக் கொடுப்பேன். பெற்றோராலும், சகோதரராலும், பந்துஜனங்களாலும், சிநேகிதராலும் காட்டிக்கொடுக்கப்படுவீர்கள்; உங்களில் சிலரைக் கொலைசெய்வார்கள். என் நாமத்தினிமித்தம் எல்லாராலும் பகைக்கப்படுவீர்கள். ஆனாலும் உங்கள் தலைமயிரில் ஒன்றாகிலும் அழியாது. உங்கள் பொறுமையினால் உங்கள் ஆத்துமாக்களைக் காத்துக்கொள்ளுங்கள்

Post Septuagesimam in fine sequentis antiphone "அல்லேலூயா" omittitur.

காணிக்கைப் பாடல்: சங். 67 : 36

புனிதர் நடுவில் கடவுள் வியப்புக்குரியவர். இஸ்ராயேலின் சர்வேசுரன் தாமே தம் மக்களுக்குத் திறனையும் வலிமையையும் அருள்வார். சர்வேசுரன் போற்றி. (அல்லேலூயா.)

காணிக்கை மன்றாட்டு:

ஆண்டவரே, உம் புனிதர் நினைவாக நாங்கள் புரியும் வேண்டுதலைக் கேட்டருளும். எங்கள் நேர்மையில் நாங்கள் நம்பிக்கை கொள்ளவில்லை. உமக்கு உகந்தோராகிய அவர்களுடைய பேறு பலன்களால் உதவி பெறுவோமாக. உம்மோடு...(1)

திருவிருந்துப் பாடல்: ஞானா.3:4-6

மனிதர் முன்பாக அவர்கள் வதைக்கப்பட்டாலும், சர்வேசுரனே அவர்களைச் சோதித்தார். உலையில் பொன்போல் அவர்களைச் சோதித்தறிந்தார். தகனப் பலிப் பொருள்போல் அவர்களை ஏற்றுக் கொண்டார்.

நன்றி மன்றாட்டு:

செபிப்போமாக: ஆண்டவரே, மீட்பளிக்கும் திரு அனுமானங்களால் நிறைவுபெற்ற நாங்கள் விழாக்கொண்டாடும். புனிதரின் வேண்டுதலால் உதவிபெறுமாறு உம்மை மன்றாடுகிறோம். உம்மோடு... (1)

மறை ஆயர் அல்லாத வேதசாட்சி IV (Laetabitur)

வேதசாட்சி ஒருவர் -பொது

மறை ஆயர் அல்லாத வேதசாட்சி

IV

 (Laetabitur)

வருகைப் பாடல் : சங்.63: 11

நீதிமான் ஆண்டவரில் நம்பிக்கை கொண்டு அகமகிழ்வான் : நேர் மனத்தோர் அனைவரும் புகழ் அடைவார்கள். (சங். 63:2) சர்வேசுரா, உம்மை நான் வேண்டும்பொழுது, என் மன்றாட்டுக்குச் செவி சாய்த்தருளும்: பகைவனின் அச்சத்திலிருந்து என ஆன்மாவை விடுவித்தருளும் V. பிதாவுக்கும்... நீதிமான்.

சபை மன்றாட்டு:

செபிப்போமாக: எல்லாம் வல்ல சர்வேசுரா, உம்முடைய வேதசாட்சியான அர்ச்.... வேண்டுதலால், தீங்குகள் அனைத்திலுமிருந்து எங்கள் உடல் விடுதலை பெறவும், தீய நினைவுகளிலிருந்து எங்கள் மனம் தூய்மை பெறவும் அருள்புரிய வேண்டுமென்று உம்மை மன்றாடுகிறோம். உம்மோடு...

அப்போஸ்தலரான புனித சின்னப்பர் தீமோத்தேயுவுக்கு எழுதிய நிருபத்திலிருந்து வாசகம்

(II தீமோத்.2:8-10; 3:10-12)

மிகவும் பிரியமானவரே : நான் சுவிசேஷத்தின்படியே தாவீதின் சந்ததியில் பிறந்தவராகிய யேசுகிறிஸ்துநாதர் மரித்தோரினின்று உயிர்த்தெழுந்தார் என்பதை ஞாபகத்தில் வைத்துக்கொள்ளும். இந்தச் சுவிசேஷத்தினிமித்தம் நான் உழைத்ததற்குப் பொல்லாங்கு செய்தவனைப்போல் விலங்கிடப்படும்படியாயிற்று. ஆனாலும், தேவ வாக்கியம் கட்டப்படவில்லை. ஆகையால், தெரிந்துகொள்ளப்பட்டவர்கள் யேசுகிறிஸ்துவினால் உண்டாகிய இரட்சணியத்தை மோட்ச மகிமையோடு பெற்றுக்கொள்ள வேண்டுமென்று நான் அவர்களைப் பற்றிச் சகலத்தையும் சகித்துக்கொள்ளுகிறேன். நீரோ, என் போதகத்தையும் நடபடிக்கைகளையும், என் நோக்கத்தையும் விசுவாசத்தையும் நீடிய சாந்தத்தையும் நட்பையும் பொறுமை யையும், அந்தியோக்கியா,இக்கோ னியா, லீஸ்திரா என்னும் இடங்களில் எனக்கு நேரிட்ட துன்ப துரிதங்களையும், பாடுகளையும் நன்றாய் அறிந்திருக்கிறீர். எவ்வளவோ துன்ப துரிதங்களைப் பட்டு அநுபவித்தேன் ! இவைகள் எல்லாவற்றிலும் நின்று கர்த்தர் என்னை இரட்சித்தார். யேசுகிறிஸ்துநாதருக்குள் பக்தியாய் நடக்க விரும்புகிற யாவரும் துன்ப துரிதப்படுவார்கள். 

தியானப் பாடல்: சங். 36 : 24

நீதிமான் விழுந்தாலும் தரையில் மோதமாட்டான்: ஏனெனில்   ஆண்டவர் கைகொடுத்து அவனைத் தாங்கிக்  கொள்வார். V. (சங்.36:26) அவன் நாளெல்லாம் மனமிரங்கி, கடன் கொடுக்கின்றான் : ஆகையால், அவன் சந்ததி ஆசிபெறும்.

அல்லேலூயா, அல்லேலூயா, V. (அரு. 8 : 12) என்னைப் பின்செல்பவன் இருளில் நடவான். உயிரின் ஒளியைக் கொண்டிருப்பான். அல்லேலூயா..

(முன் தவக் காலத் துவக்கத்திலிருந்து அல்லேலூயாவுக்குப் பதிலாக)

நெடும் பாடல்: சங், 111 : 1-3.

ஆண்டவருக்கு அஞ்சி நடப்பவன் பேறுபெற்றோன் : அவர் கட்டளைகளைப் பெரிதும் விரும்புவான்: V. அவன் சந்ததி நாட்டில் வலிமை பெற்றதாயிருக்கும். நேர்மனத்தோரின் தலைமுறை ஆசிபெற்றிருக்கும். V. புகழும் செல்வமும் அவன் வீட்டில் நிறைந்திருக்கும். அவன் நீதி நித்தியத்திற்கும் நிலைத்திருக்கும்.

மத்தேயு எழுதிய பரிசுத்த சுவிசேஷத்தின் தொடர்ச்சி 

(மத்.10:26-32)

அக்காலத்தில்: யேசு தம் சீடர்களுக்குச் சொன்னதாவது: வெளிப்படாதபடி மறைந்திருப்பது  ஒன்றுமில்லை. அறியப்படாதபடி ஒளிந்திருப்பதும் ஒன்றுமில்லை. நான் உங்களுக்கு இருளில் கூறுவதை நீங்கள் ஒளியில் கூறுங்கள். நீங்கள் காதோடு காதாய்க் கேட்பதைக் கூரை மீதிருந்து அறிவியுங்கள்.  ஆன்மாவைக் கொல்ல முடியாதவர்களாய் உடலைக் கொல்லுவோருக்கு அஞ்சாதீர்கள். உடலையும் ஆன்மாவையும் நரகத்தில் அழிக்க வல்லவருக்கே அஞ்சுங்கள். காசுக்கு இரண்டு குருவி விற்பதில்லையா? எனினும், அவற்றில் ஒன்றுகூட, உங்கள் தந்தையால் அன்றி, நிலத்தில் விழாது. உங்கள் தலைமயிரெல்லாம் எண்ணப்பட்டுள்ளது. எனவே அஞ்சாதீர்கள். ஏனெனில், குருவிகள் பலவற்றினும் நீங்கள் மேலானவர்கள். மனிதர்முன் என்னை வெளிப்படையாக ஏற்றுக்கொள்பவன் எவனோ, அவனை நானும் வானகத்திலுள்ள என் தந்தையின்முன் வெளிப்படையாக ஏற்றுக்கொள்வேன்.

Post Septuagesimam in fine sequentis antiphone 'அல்லேலூயா' omittitur.

காணிக்கைப் பாடல் : சங்.20:4-5.

ஆண்டவரே, அவரது தலையில் மணிமுடி சூட்டினீர்: அவர் உம்மிடம் வாழ்வு வேண்டினார், அதை நீர் அவருக்கு வழங்கினீர். (அல்லேலூயா.)

காணிக்கை மன்றாட்டு:

ஆண்டவரே, இப்புனிதரின் விழாவிலே நாங்கள் செய்யும் இப்பக்தி முயற்சி உமக்கு உகந்ததாகி, அவருடைய வேண்டுதலால் அது எங்கள்  மீட்புக்குப் பயனளிப்பதாக. உம்மோடு...

திருவிருந்துப் பாடல்: அரு. 12:26

எனக்குப் பணிவிடை செய்கிறவன் என்னைப் பின்செல்லட்டும். எங்கே நான் இருக்கிறேனோ அங்கே என் பணியாளனும் இருப்பான்.

நன்றி மன்றாட்டு:

செபிப்போமாக: எங்கள் தேவனாகிய ஆண்டவரே, இத்திருக் கொடைகளில் பங்குகொண்டு புத்துயிர் பெற்றுள்ளோம். நாங்கள் நிகழ்த்தும் வழிபாட்டின் பயனை உம் வேதசாட்சியான அர்ச்... உடைய வேண்டுதலால் அடையுமாறு உம்மை மன்றாடுகிறோம். உம்மோடு... 

மறை ஆயர் அல்லாத வேதசாட்சி ஒருவர்--பொது (In Virtute)

மறை ஆயர் அல்லாத வேதசாட்சி ஒருவர்--பொது

(In Virtute) 

வருகைப் பாடல்: சங்.20:2,3.

ஆண்டவரே, உமது வல்லமையில் நீதிமான் மகிழ்ச்சிகொள்வான்: உமது மீட்பை முன்னிட்டு மிகவும் அக்களிப்பான்: அவன் இதயத்தின் ஆவலை நிறைவு செய்தீர். (சங்.20:4) ஏனெனில், இனிய ஆசிகளுடன் அவரை எதிர்கொண்டு அழைத்தீர்: அவரது தலையில் மணிமுடி சூட்டினீர். V. பிதாவுக்கும் ... ஆண்டவரே.

சபை மன்றாட்டு:

செபிப்போமாக எல்லாம் வல்லசர்வேசுரா, உம்முடைய வேதசாட்சி அர்ச்.... வானகப் விழாவைக் கொண்டாடுகிற நாங்கள், அவரது வேண்டுதலால் உமது திருப் பெயரின் அன்பில் உறுதிபெறச் செய்தருள வேண்டுமென்று உம்மை மன்றாடுகிறோம். உம்மோடு.. 

ஞானாகமத்திலிருந்து வாசகம் 

(ஞானா.10:10-14)

ஆண்டவர் நீதிமானை நேர் வழியாய்க் கூட்டிப்போய், அவனுக்குச் சர்வேசுரனுடைய இராச்சியத்தைக் காண்பித்து, அவனுக்குப் பரிசுத்தருடைய அறிவைத் தந்து, அவன் தன் வேலைகளால் வெகு இலாபமும் சம்பாவனையும் அடையும்படி செய்ததுமன்றி, அவனை மோசஞ் செய்யத் தேடினவர்களிடத்தினின்று அவனை மீட்டு அவனை ஆஸ்திவந்தனாக்கினார். அவர் சத்துராதிகளினின்று அவனைக் காப்பாற்றித் துன்மார்க்கரினின்று அவனைப் பாதுகாத்து பலமான யுத்தத்தில் அவன் ஜெயங்கொள்ளவும், சகலத்தையும் விட ஞானமே வலிமையுள்ளதென்று  அறிந்துகொள்ளவுஞ் செய்தார். அது விற்கப்பட்ட நீதிமானை விட்டுவிட்ட தில்லை; பாவிகளிடத்தினின்று அவனை மீட்டது. அவனுடன் பாழுங் கிணற்றில் இறங்கினது. அவர், சிறையிலிருந்த அவனுக்கு அரச செங்கோலைக் கையில் வைத்து, அவனை உபாதித்தவர்களை அவன் வசமாக்கினதுமன்றி குற்றஞ் சாட்டினவர்களைப் பொய்யர் என்று காண்பித்து அவனுக்கு நித்திய மகிமையைத் தந்தார் ஆண்டவராகிய நம் சர்வேசுரன்.

தியானப் பாடல்: சங். 111 :1-2. 

ஆண்டவருக்கு அஞ்சி நடப்பவன் பேறுபெற்றோன்: அவர் கட்டளை பெரிதும் விரும்புவான். V. அவன் சந்ததி நாட்டில் வலிமை பெற்றிருக்கும். நேர்மனத்தோரின் தலைமுறை ஆசிபெற்றிருக்கும்.

அல்லேலூயா, அல்லேலூயா. V. (சங்.20:4). ஆண்டவரே, அவரது தலையில் மணிமுடி சூட்டினீர். அல்லேலூயா.

(முன்தவக் காலத் துவக்கத்திலிருந்து அல்லேலூயாவுக்குப் பதிலாக)

நெடும் பாடல்: சங். 20 : 3.4.

அவன் இதயத்தின் ஆவலை நிறைவு செய்தீர் : இவனுடைய விண்ணப் பத்தை நீர் புறக்கணிக்கவில்லை. V.ஏனெனில், இனிய ஆசிகளுடன் அவரை எதிர்கொண்டு அழைத்தீர். V. அவரது தலையில் மணிமுடி சூட்டினீர்.

மத்தேயு எழுதிய பரிசுத்த சுவிசேஷத்தின் தொடர்ச்சி

(மத்.10:34-42)

அக்காலத்தில்: யேசு தம் சீடர்களுக்குச் சொன்னதாவது: ' உலகிற்குச் சமாதானம் கொணர வந்தேன் என்று நினைக்கவேண்டாம். சமாதானத்தை அன்று, வாளையே கொணர வந்தேன். தந்தைக்கு எதிராக மகனையும், தாய்க்கு எதிராக மகளையும், மாமிக்கு எதிராக மருமகளையும் பிரிக்க வந்தேன். தன் வீட்டாரே தனக்குப் பகைவர். என்னை விடத் தன் தந்தையையோ தாயையோ அதிகம் நேசிக்கிறவன் எனக்குத் தகுதியற்றவன். என்னைவிடத் தன் மகனையோ மகளையோ அதிகம் நேசிக்கிறவனும் எனக்குத் தகுதியற்றவன். தன் சிலுவையை ஏற்றுக்கொண்டு, என்னைப் பின்செல்லாதவன் எனக்குத் தகுதியற்றவன். தன் உயிரைத் தேடி அடைபவன் அதை இழப்பான். எனக்காகத் தன் உயிரை இழப்பவனோ அதைக் கண்டடைவான். உங்களை ஏற்றுக்கொள்பவன் என்னை ஏற்றுக்கொள்கிறான். என்னை ஏற்றுக்கொள்பவனோ, என்னை அனுப்பினவரையே ஏற்றுக்கொள்கிறான். தீர்க்கதரிசியைத் தீர்க்கதரிசியாக ஏற்றுக்கொள்பவன் தீர்க்கதரிசியின் கைம்மாறு பெறுவான். நீதிமானை நீதிமானாக ஏற்றுக்கொள்பவன் நீதிமானுடைய கைம்மாறு பெறுவான். சீடன் என்பதற்காக இச்சிறியவருள் ஒருவனுக்கு ஒரே ஒரு கிண்ணம் தண்ணீர் கொடுப்பவனும் கைம்மாறு பெறாமல் போகான் என்று உறுதியாக உங்களுக்குச் சொல்லுகிறேன்.

காணிக்கைப் பாடல்: சங். 8: 6-7

மகிமையையும் பெருமையையும் அவருக்கு முடியாகச் சூட்டினீர்: ஆண்டவரே உம்முடைய கைவேலைகள் மீது அவருக்கு அதிகாரம் அளித்தீர்.

காணிக்கை மன்றாட்டு:

ஆண்டவரே, எங்களுடைய கொடைகளையும் வேண்டுதலையும் ஏற்றருளும். இத்தெய்வீகச் சடங்குகளால் எங்களைத் தூய்மையாக்க, எங்களுக்குக் கருணையுடன் செவிசாய்த்தருள் வேண்டுமென்று உம்மை மன்றாடுகிறோம். உம்மோடு 

திருவிருந்துப் பாடல்: மத் 16:24

என்னைப் பின்பற்ற விரும்புகிறவன் தன்னையே மறுத்துத் தன் சிலுவையைச் சுமந்து என்னைப் பின் தொடரட்டும்.

நன்றி மன்றாட்டு :

செபிப்போமாக: எங்கள் ஆண்டவராகிய சர்வேசுரா, நாங்கள் உம் புனிதர்களுடைய நினைவை  இம்மையில் கொண்டாடி மகிழ்வதுபோல, மறுமையில் அவர்களைக் கண்டு மகிழுமாறு உம்மை அருள் புரிய வேண்டுமென்று மன்றாடுகிறோம். உம்மோடு...(1)

மறை ஆயரான வேதசாட்சி மற்றொரு பூசை (Sacerdotes Dei)

 

மறை ஆயரான வேதசாட்சி மற்றொரு பூசை 

வருகைப் பாடல்: தானி. 3:84,87 

ஆண்டவரின் குருமார்களே, ஆண்டவரை வாழ்த்துங்கள். புனிதர்களே, இதயத்தில் தாழ்மையுடையோரே, ஆண்டவரைப் போற்றுங்கள். (தானி. 3:57) ஆண்டவரின் படைப்புக்கள் அனைத்துமே, ஆண்டவரை வாழ்த்துங்கள், அனைத்திற்கும் மேலாக அவரை என்றென்றும் ஏத்திப் போற்றுங்கள். V. பிதாவுக்கும்... ஆண்டவரின் . . .

சபை மன்றாட்டு:

செபிப்போமாக: சர்வேசுரா, உம்முடைய வேதசாட்சியும் மறை ஆயருமான அர்ச் ...... உடைய ஆண்டு விழாவினால் எங்களை மகிழ்விக்கின்றீர். அவரது வானகப் பிறப்பைக் கொண்டாடுகிற நாங்கள், அவரது பாதுகாவலைப் பெற்று மகிழவும் தயவுடன் அருள்புரியும். உம்மோடு... (1)

அப்போஸ்தலரான புனித சின்னப்பர் கொரிந்தியருக்கு எழுதிய நிருபத்திலிருந்து வாசகம்

(II கொரி. 1:3-7)

தியானப் பாடல்: சங். 8:6.7.

மகிமையையும் பெருமையையும் அவருக்கு முடியாகச் சூட்டினீர். V. ஆண்டவரே, உம்முடைய கை வேலைகள்மீது அவருக்கு அதிகாரம் அளித்தீர்.

அல்லேலூயா, அல்லேலூயா. V. ஆண்டவர் முடிசூட்டிய குரு இவரே. அல்லேலூயா.

(முன்தவக் காலத் துவக்கத்திலிருந்து அல்லேலூயாவுக்குப் பதிலாக)

நெடும் பாடல்: சங். 111 : 1-3.

ஆண்டவருக்கு அஞ்சி நடப்பவன் பேறுபெற்றோன் : அவர் கட்டளைகளைப் பெரிதும் விரும்புவான். V. அவன் சந்ததி நாட்டில் வலிமை பெற்றிருக்கும்: நேர்மனத்தோரின் தலைமுறை ஆசி பெற்றிருக்கும். V. புகழும் செல்வமும் அவன் வீட்டில் நிறைந்திருக்கும்: அவன் நீதி நித்தியத்திற்கும் நிலைத்திருக்கும்.

மத்தேயு எழுதிய பரிசுத்த சுவிசேஷத்தின் தொடர்ச்சி 

(மத்.16:24-27)

காணிக்கைப் பாடல் : சங். 88: 21-22. 

என் ஊழியன் தாவீதைத் தேர்ந்தெடுத்து, என் தூய தைலத்தால் அவனை அபிஷேகம் செய்தேன்: ஏனெனில், அவனுக்கு என் கை உதவி புரியும்:  என் தோள் அவனுக்கு வலிமையளிக்கும்.

காணிக்கை மன்றாட்டு:

ஆண்டவரே, உமக்கு அர்ப்பணித்த காணிக்கைகளைப் புனிதமாக்கும். உம்முடைய வேதசாட்சியும் மறை ஆயரு மான அர்ச்..... உடைய வேண்டுதலை முன்னிட்டு, இவற்றினால் மனந் தணிந்து எம்மைக் கண்ணோக்கும். உம்மோடு...(1)

திருவிருந்துப் பாடல்:சங். 20: 4. 

ஆண்டவரே, அவரது தலையில் மணிமுடி சூட்டினீர்.

நன்றி மன்றாட்டு:

செபிப்போமாக: ஆண்டவரே, இத்திருவிருந்து உம்முடைய வேதசாட்சியும் மறை ஆயருமாகிய அர்ச்.... ...உடைய வேண்டுதலால், வானக அருமருந்தில் எங்களுக்குப்  பங்களித்து, பாவத்திலிருந்து, எங்களைத் தூய்மையாக்குவதாக. உம்மோடு...(1)

கிறிஸ்துமஸ் செய்தி

 “அவள் தன் தலைச்சன் பிள்ளையைப் பெற்று துணிகளால் அவரைச் சுற்றிமுன்னிட்டியில் கிடத்தி வைத்தாள்” (லூக் 2: 7) என்று சுவிசேஷகரான அர்ச். லூக்காஸ் கிறீஸ்துவின் பிறப்பைக் கூறுகிறார்.

முன்னிட்டி என்பது கால்நடைகளுக்கு புல், வைக்கோல் போன்ற தீவனங்களை வைப்பதற்குரிய மரத்தொட்டில் போன்ற ஒன்று.

இந்த முன்னிட்டிக்கு கிடைத்த பேறு நமக்குக் கிடைத்தாலே போதுமே! தேவகுமாரனைத் தாங்கும் பாக்கியம் அதற்கல்லவா கிடைத்தது !.

கடவுளைப் பெற்றுக் கொள்ள இரண்டே வழிகள் !

நம்முடன் வாசஞ் செய்யும்படி மாம்சம் ஆன வார்த்தையான வரை நாம் பெற்றுக் கொள்ள வேண்டுமானால், அவரை பரம பிதா நம்மிடம் நேரடியாகக் கொண்டு வரவேண்டும். அல்லது பிதா தம் சுதனை யாரிடம் கொடுத்துள்ளாரோ அங்கிருந்து கேட்டுப் பெற்றுக் கொள்ள வேண்டும்.

நேரடியாகக் கடவுளைப் பெற்றுக் கொள்ள நம்மால் முடியமா?

"தேவகுமாரனை இறைவனின் கரத்திலிருந்து நேரடியாகப் பெற்றுக் கொள்ள உலகம் தகுதி பெற்றிருக்கவில்லை. அதனால் கடவுள் தம் குமாரனை மரியாயிடம் கொடுத்து அவர்கள் வழியாக, உலகம் அவரைப் பெற்றுக் கொள்ளச் செய்தார்” என்று அர்ச். அகுஸ்தினார் கூறுகிறார்.

“பிதாப்பிதாக்கள் எத்துணை பெருமூச்சு விட்டுக் கேட்டிருக்கலாம். நாலாயிரம் ஆண்டுகளாக தீர்க்கதரிசிகளும் பழைய ஏற்பாட்டின் புனிதர்களும் அந்தத் திரவியத்தைப் பெற என்னென்ன மன்றாட்டுக்களோ செய்திருக்கலாம். ஆனால், பிதாவாகிய சர்வேசுரன் தன் ஏக திருக்குமாரனை மாமரி வழியாகவே உலகிற்குக் கொடுத்தார்” (மரி. மீது. உண். பக்தி எண் 16) என்று அர்ச். லூயிஸ் மோன்போர்ட் கூறுகிறார்.

இவ்வாறு பரமபிதா தம்திருச்சுதனை கன்னிதாயான மரியாயிடம் நித்தியத்திற்கும் கொடுத்துவிட்டார். அதை அவர் மாற்றமாட்டார். இனி கடவுளை யாரும் நேரடியாகப் பெற்றுக் கொள்ள முடியாது. மாதாவிடமிருந்தும், மாதாவின் வழியாகவுமே நாம் கடவுளைப் பெறமுடியும்.

ஆகவே, கடவுளை நேரடியாக அடைந்து கொள்ளும் முதல் வழி அடைபட்டுவிட்டது. நமதன்னை கன்னிமரிக்கு மட்டுமே அந்த வழி திறந்துள்ளது. அவர்களிடம் மட்டுமே கடவுள் நேரடியாக வந்தார். அவர்கள் மாத்திரமே கடவுளிடம் நேரடியாக போகவும் முடியும்.

கடவுளைப் பெற்றுக் கொள்ள 2 - ம் வழி

‘ஆத் ஜேசும் பெர் மரியாம் -Ad Jesum per Mariam” என்று லத்தீனில் வாக்கு ஒன்று உண்டு. அதாவது, "மரியாயின் வழியாக சேசுவிடம்” மரியாய் வழியாகத்தான் சேசுவிடம் செல்ல முடியுமென்றால் சேசு நம்மிடம் வருகிற வழியும் அதே மாமரி தானே? இதுவே திருச்சபையின் பாரம்பரிய போதனையுமாயிருக்கிறது.

முன்னிட்டி ஆவோமானால் முழுவதும் பெறுவோம்

...

இனி, மாதாவிடம் கொடுக்கப்பட்டுள்ள தேவகுமாரனை எப்படி முழுவதும் பெற்றுக் கொள்வது? மாட்டுக் கொட்டிலில் பிறந்த சேசு பாலனை வானதூதர்களும் இடையர்களும் கண்டு மகிழ்ந்து ஆராதித்தார்கள். ஆனால், அவர்களுக்கெல்லாம் கிடைக்காத பேறு அங்கிருந்த முன்னிட்டிக்குத் தான் கிடைத்தது ! "அவள் தன் தலைச்சன் பிள்ளையை . . . முன்னிட்டியில் கிடத்தி வைத்தாள்”. அன்னையின் அருகில் அந்த எளிய முன்னிட்டியைப் போல் நாம் நம்மை வைத்துக் கொண்டோமென்றால் அத்தாய் அன்போடு தன் சேசுபாலனை நம் இருதயத்தில் கிடத்துவார்கள். நாமும் கடவுளைப் பெற்றுக் களிப்புறுவோம்” கடைசியில் நம் கதியாகிய அவரையே மோட்சமாகப் பெற்றுக் கொள்வோம்.

முன்னிட்டி ஆவது எப்படி?

மாதாவின் கரத்தால் ஒரு முன்னிட்டியில் கிடத்தப்பட சம்மதித்த கடவுள் நிச்சயமாக நம் இருதயத்தில் கிடத்தப்பட சம்மதிப்பார். கிறீஸ்துமஸ் தினத்தில் நாம் நற்கருணை உட்கொள்ளும் போது இது நடைபெறுகிறது. ஏன்? நாம் அன்போடு திவ்ய நற்கருணை உட்கொள்ளும் போதெல்லாம் இது நடைபெறுகிறது. !! ஆனால் ஒரு காரியம் : மாதா தன் மகனை அசுத்தத்தில் கிடத்தவில்லை. ஒருபோதும் அவர்கள் அப்படிச் செய்ய மாட்டார்கள். நம் முன்னிட்டியாகிய இருதயமும் அசுத்தமாகிய பாவம் இல்லாதிருக்கும்படி நாம் பார்த்துக் கொள்ள வேண்டும். சாவான பாவம் இருந்தால் கண்டிப்பாக பாவசங்கீர்த்தனம் செய்து மன்னிப்பும் பெற்ற பிறகே நற்கருணை சேசுவை உட்கொள்ள துணிய வேண்டும். சாவான பாவத்துடன் பாவசங்கீர்த்தனம் செய்யாமல் நற்கருணையில் சேசுவை வாங்குவோமானால் பிறந்த உடனயே அப்பாலனை சிலுவையில் அறைகிறோம் என்று நினைத்துக்கொள்ள வேண்டும்.

கிறீஸ்துமஸ் அன்றும் மற்ற எந்த தினத்திலும் தகுந்த ஆத்தும, சரீர ஆயத்துடன் சேசுவை வாங்க கவனமாயிருப்போம். அதோடு திவ்ய நற்கருணையில் நமது ஆன்ம போசனமாக உட்கொள்ள போகும்பே பாது விவரிக்கமுடியாத அம்மறை பொருளை பெற்றுக்கொள்ளும் வகையில் சங்கை பக்தி மேரையுடன் முழந்தாலிட்டு நாவில் மட்டுமே பெற்றுக் கொள்ளவேண்டும். (கையில் நன்மையை வாங்கும் துர்பழக்கம் மாதாவின் பிள்ளைகளிடம் இல்லாதிருப்பதாக) ஆத்தும ஆயத்தம் என்றால் : ஆத்துமத்தில் சாவான பாவம் இல்லாமலும், அற்பப்பாவங்களுக்கு உத்தம மனஸ்தாபமும் பயபக்தியும் தேவசிநேகமும் இருக்கவேண்டும். சரீர ஆயத்தம் என்றால் : நற்கருணை வாங்குவதற்கு ஒரு மணி நேரத்திற்கு முன்பிருந்து தண்ணீர் தவிர வேறு எதையும் சாப்பிடாமலும் குடியாமலும் உபவாசமாயிருப்பது.

Download Fulton Sheen Books : Click here

Download Archbishop Fulton Sheen Book "The Seven Capital Sins"

Anger, envy, lust, pride, gluttony, sloth and covetousness are the seven capital, or deadly, sins so often spoken of by theologians in the past. They are hardly mentioned today in a society become inured to the whole idea of sin. Yet, as Fulton Sheen makes clear in his inimitable way, these sins are very real and hold very real consequences for our happiness in this world and in the next. Jesus atoned for each one of these deadly sins on the Cross and addressed them individually in the words he spoke as he hung there dying. In a series of eight addresses Sheen shows how, when we make God the enemy, we can never be sure that we have won the day. When God is our ally, as He was on the Cross, we can be sure that the victory is ours. These brief meditations are as applicable to us and to our world today as they were back in 1939 when they were first penned. 

Here are the links to Download Bp. Fulton Sheen "The Seven Capital Sins".

Amazon : Click Here to Download

Goodreads: Click Here to Read

Archive :  click here

Google Books: Click Here

Download Here

திரிகால ஜெபத்தின் வல்லமை

"இவர் (சேசுநாதர்) மனிதராகிய நமக்காகவும், நம்முடைய இரட்சண்யத்துக்காகவும் பரலோகத்திலிருந்து இறங்கினார் ...” 

விசுவாசப் பிரமாணம்.

சேசு மரி சூசையில் மிகவும் பிரிமுள்ள வாசகர்களே! மேலே குறிப்பிட்டுள்ள வாக்கியமானது சர்வேசுரனுடைய இரட்சண்யத் திட்டத்தை விளக்குவதாக உள்ளது. இதனையே தான் திரிகால ஜெபமாக மூன்று வேளைகளில், நாம் நினைவில் கொள்ள திருச்சபை அழைக்கிறது. இந்த ஜெபம் இரண்டு போதனைகளை நமக்குக் கற்பிக்கிறது. இரண்டு இடங்களுக்கு மனதளவில் நாம் சென்றால் இதனைப் பற்றிய சர்வேசுரனுடைய திட்டங்கள் நமக்கு உணர்த்தப்படும்.

ஏதேன் தோட்டத்தில் ஆங்காரம் மற்றும் கீழ்ப்படியாமையால் பாவம் செய்து விட்ட நமது ஆதிப் பெற்றோர்களை கடவுள் அப்படியே விட்டுவிடவில்லை. இரக்கம் நிறைந்த அவர் மனித குல மீட்புத் திட்டத்தை அறிவித்தார். அது மாதாவின் அமல உற்பவத்தில் தொடங்கப்பட்டு, சேசுநாதர் சுவாமியின் பிறப்பிலும், இறுதியாக கல்வாரி சிலுவைப் பலியிலும் நிறைவுபெறுகிறது. ஆங்காரத்திற்கும், கீழ்ப்படியாமைக்கும் மாற்றுத்திட்டம், தாழ்ச்சியிலும், கீழ்ப்படிதலிலும் உள்ளது. நாசரேத்தூரில் இதே புண்ணியங்கள், தேவதாயிடம் நிறைவாகக் காணப்பட்டது. மங்கள வார்த்தை நிகழ்வில் நாம் கண்டுணர்கிறோம்.

சர்வேசுரனுடைய மகிமையை, நீதியைப் பறைசாற்றும் அவருடைய இரட்சண்யத் திட்டமானது சேசு, மரியாயின் கீழ்ப்படிதல் மற்றும் தாழ்ச்சியால் நிறைவு செய்யப்படுகிறது. இந்த இரு புண்ணியங்களையும், இவைகளுக்கு அடிப்படையான தேவ சம்பந்தமான புண்ணியங்களையும் விசுவாசம், நம்பிக்கை, தேவசிநேகம்) நாம் கடைப்பிடித்து, சேசுவுடைய இரட்சண்யத்தை நமதாக்கிக் கொள்ளும் வழியை திரிகால ஜெபம் நமக்குக் கற்றுத் தருகிறது.

தேவதாயுடன் இணைந்த அதன் படிப்பினையைப் புரிந்து பக்தியுடன் இந்த ஜெபத்தைச் சொல்லும் போது சர்வேசுரனும், அவரது திருத்தாயாரும் மகிமைப் படுத்தப்படுகிறார்கள். இரட்சண்யத் திட்டத்தின் பலன்கள் நமதாக்கப்படுகின்றன. இந்த ஆகமன காலம் முதல் இந்த ஜெபத்தின் அருமையை நாம் புரிந்து கொண்டு தேவதாயுடன் இந்த ஜெபத்தைச் சொல்ல அவர்களே நமக்கு உதவுவார்களாக.

நேசமிகு தேவபாலனுடன், நம் தேவதாயும் நம் அனைவரையும் ஆசீர்வதிப்பாராக.

 “மாதா பரிகார மலர்” வாசகர்கள் அனைவருக்கும் இனிய சேசு பிறப்பின் மற்றும் புதுவருட ஆசீரும், வாழ்த்துக்களும்.

சேசு மரிய சூசையில் உங்கள் பிரியமுள்ள, 

Rev. Fr. ஜோசப் ராஜதுரை, SSPX 

Download Tamil Christmas Songs

 Click here to Download Tamil Catholic Christmas songs

https://tamilcatholicprayers.blogspot.com/2012/10/download-free-catholic-tamil-songs.html

Download Tamil Christian SOngs

தவக் கால II ஞாயிறுக்குப் பின்வரும் புதன்

வருகைப் பாடல் : சங். 37: 22-23

ஆண்டவரே, என் சர்வேசுரா, என்னைக் கைவிட்டுவிடாதேயும்: என்னை விட்டு அகன்று விடாதேயும். என் மீட்பராகிய ஆண்டவரே, எனக்குத் துணைபுரிய விரைந்து வாரும்.(சங்.37: 2) ஆண்டவரே, கோபத்துடன் என்னைக் கடிந்து கொள்ளாதேயும்; உமது கோபவேளையில் என்னைத் தண்டியாதேயும். V. பிதாவுக்கும்.......ஆண்டவரே.

சபை மன்றாட்டு 

செபிப்போமாக: ஆண்டவரே, உம் முடைய மக்களைக் கனிவுடன் கண்ணோக்கியருளும்; உமது கட்டளையால் உடலுணவை மட்டுப்படுத்துகின்ற நாங்கள் தீங்கிழைக்கும் தீச் செயல்களை விலக்கவும் அருள் புரியும் உம்மோடு.......(1)

எஸ்தர் ஆகமத்திலிருந்து வாசகம்

(எஸ். 13:8-11,15-17)

தியானப் பாடல்:

சங். 27: 9, 1

ஆண்டவரே, உம்முடைய மக்களை மீட்டருளும்: உமது உரிமைச் சொத்தான அவர்களை ஆசீர்வதித்தருளும். V. ஆண்டவரே, உம்மையே கூவியழைத்தேன்: என் இறைவா, மௌனமாயிராதேயும்: நீர் மௌனமாயிருந்தால் படுகுழியில் இறங்குவோர்க்கு ஒப்பாவேன். 

நெடும் பாடல்:சங்.102:10

ஆண்டவரே, நாங்கள் செய்த பாவங்களுக்கு ஏற்றவாறு எங்களை நடத்தாதேயும் : எங்கள் அக்கிரமங்களுக்கு ஏற்றவாறு எங்களைத் தண்டியாதேயும்.V. (சங். 78:8-9) ஆண்டவரே, எங்கள் பழைய தீச்செயல்களை நினையாதேயும்: உமது இரக்கம் எங்கள் மீது விரைந்து வருவதாக : ஏனெனில் நாங்கள் மிகவும் ஏழைகளாகி விட்டோம். V. எங்கள் மீட்பராகிய இறைவா, எங்களுக்குத் துணை புரியும் : ஆண்டவரே, உமது திருப்பெயரின் மகிமையை முன்னிட்டு எங்களை விடுவித்தருளும் : உமது திருப்பெயரின் பொருட்டு எங்கள் பாவங்களை மன்னித்தருளும்.

மத்தேயு எழுதிய பரிசுத்த சுவிசேஷத்தின் தொடர்ச்சி

(மத்.20:17-28)

காணிக்கைப் பாடல்:சங்: 24:1-3

ஆண்டவரே, உம்மை நோக்கி என் ஆன்மாவை எழுப்பினேன்: என் இறைவா, உம்மையே  நம்பியிருக்கிறேன்; நான் வெட்கமுற விடாதீர்: என் பகைவரும் என்னை ஏளனம் செய்ய விடாதீர்: ஏனெனில், உம்மை எதிர் பார்ப்போர் எவருமே ஏமாற்றம் அடையார்.

காணிக்கை மன்றாட்டு:

ஆண்டவரே, நாங்கள் உமக்கு ஒப்புக் கொடுக்கும் இக்காணிக்கைகளைக் கனிவுடன் கண்ணோக்கியருளும்: புனிதமான இந்தப் பரிமாற்றத்தினால் பாவத்தளைகளிலிருந்து எங்களை விடுவித்தருளும். உம்மோடு.(1)

திருவிருந்துப் பாடல் : சங் 10:8 

ஆண்டவர் நீதியுள்ளவர்: அவர் நீதியை விரும்புகிறார்: அவர் திருமுகம் நியாயத்தைப் பார்க்கின்றது.

நன்றி மன்றாட்டு :

செபிப்போமாக: ஆண்டவரே, உமது திருவிருந்தை நாங்கள் அருந்தியதால் நித்திய மீட்பின் பலன்கள் எங்களிடம் பெருக வேண்டுமென்று உம்மை மன்றாடுகிறோம் . உம்மோடு...(1)

மக்கள்மீது மன்றாட்டு:

செபிப்போமாக: சர்வேசுரன் திருமுன் தலை வணங்குவீர்களாக.

சர்வேசுரா, மாசின்மையை நேசிப்பவரும், அதை எங்களுக்கு மீண்டும் அளிப்பவரும் நீரே: உம்முடைய அடியார்களின் உள்ளங்களை உம்மிடம் திருப்பியருளும்: இவ்வாறு அவர்கள் உமது ஆவியினால் ஆர்வம் பெற்று விசுவாசத்தில் உறுதியுள்ளவர்களாகவும், நற்செயல்களில் திறன் மிக்கவர்களாகவும் விளங்குமாறு அருள் புரியும்.

தவக் கால II ஞாயிறுக்குப் பின்வரும் திங்கள்

 தவக் கால II ஞாயிறுக்குப் பின்வரும் திங்கள்

வருகைப் பாடல் : சங். 25 : 11-12

ஆண்டவரே, என்னை மீட்டருளும்: என்மேல் இரக்கமாயிரும். ஏனெனில், என் கால்கள் நேர் வழியில் நிலைகொண்டன. சபைகளின் நடுவில் ஆண்டவரைப் புகழ்வேன். (சங். 25:1) ஆண்ட வரே, நான் மாசற்றவனாய் நடந்து கொண்டதால் எனக்கு நீதியான தீர்ப்பிடும். நான் ஆண்டவர்மேல் நம்பிக்கை கொண்டிருப்பதால் தளர்ச்சியடையமாட்டேன். V. பிதாவுக்கும்.... ஆண்டவரே.

சபை மன்றாட்டு:

செபிப்போமாக: எல்லாம் வல்ல சர்வேசுரா, உணவை மட்டுப்படுத்தி, தங்கள் உடலை ஒறுக்கும் உம்முடைய மக்கள் நீதியைக் கடைப்பிடித்துத் தீமையை விலக்கச் செய்தருள வேண்டுமென்று உம்மை மன்றாடுகிறோம். உம்மோடு..(1)

தானியேல் தீர்க்கதரிசி ஆகமத்திலிருந்து வாசகம் 

(தானி.9:15-19)

அந்நாட்களில்: தானியேல், ஆண்ட வரிடம் மன்றாடிச் சொன்னதாவது: உமது சனத்தை வலிமையுள்ள கையினால் எகிப்து நாட்டிலிருந்து மீட்டு, (இந்நாள் வரைக்கும் நாங்கள் காண்கிறபடி) உமக்குப் பேரை உண்டாக்கிக்கொண்ட எங்கள் இறைவனாகிய ஆண்டவரே, பாவம் செய்தோம், துரோகம் புரிந்தோம். (ஆகிலும்) ஆண்டவரே, உமது நீதி அனைத்தின்படியே, உமது கடுங்கோபம் எருசலேமாகிய உமது நகரத்தையும், உமது திருமலையையும் விட்டு நீங்கும்படி கெஞ்சிக்கேட்கிறேன்; ஏனெனில், எங்கள் பாவங்களின் பொருட்டும், எங்கள் முன்னோர்களின் அக்கிரமங்களைப்பற்றியும்,எருசலேமும், உம்முடைய சனமும் எங்கள் சுற்றுப் புறத்தார் எல்லோருக்கும் நிந்தையாகி விட்டன. இப்போதோ எங்கள் இறைவா, உம் அடியானுடைய விண்ணப்பத்தை ஏற்றுக்கொண்டு, அவனுடைய செபங் களுக்குச் செவி சாய்த்தருள்வீர். பாழாய்க் கிடக்கிற உமது திருத்தலத் தின்மேல் உமது நிமித்தமாகவே உமது முகம் ஒளிரச் செய்வீராக. என் இறைவா, உமது செவிசாய்த்துக் கேட்டருளும்; உம் கண்களைத் திறந்து, எங்கள் துயரத்தையும், உமது நாமம் வழங்கும் நகரத்தையும் பார்த்தரு ளும்; நாங்கள் எங்கள் நீதிகளையல்ல, உம்முடைய மிகுந்த இரக்கங்களை நம்பியே எங்கள் விண்ணப்பங்களை உமது திருமுன் செலுத்துகிறோம். ஆண்டவரே, கேளும்; மன்னியும் ஆண் டவரே, கவனித்துக் கேட்டு உதவி செய்யும்: என் இறைவா, உமது நிமித்தமாகத் தாமதியாதேயும். ஏனென்றால் உமது திருப்பெயர் உமது நகரத்தின் மேலும் உம் சனத்தின்மேலும் அழைக்கப்பட்டுள்ளது, எங்கள் கடவுளாகிய ஆண்டவரே.

தியானப் பாடல்:சங்.69:6,3 

ஆண்டவரே, நீர் என் துணைவரும் மீட்பருமாயிரும்; காலந்தாழ்த்த வேண்டாம். V. என் உயிரைப் பறிக்கத் தேடும் என் எதிரிகள் கலங்கி வெட்கமடைவார்களாக,

நெடும் பாடல் :

ஆண்டவரே, நாங்கள் செய்த பாவங்களுக்கு ஏற்றவாறு எங்களை நடத்தாதேயும்: எங்கள் அக்கிரமங்களுக்கு ஏற்றவாறு எங்களைத் தண்டியாதேயும். 

V. (சங். 78:8-9.) ஆண்டவரே, எங்கள் பழைய தீச் செயல்களை நினையாதேயும். உமது இரக்கம் எங்கள் மீது விரைந்து வருவதாக. ஏனெனில் நாங்கள் மிகவும் ஏழைகளாகிவிட்டோம். 

V. எங்கள் மீட்பராகிய கடவுளே, எங்களுக்குத் துணைபுரியும். ஆண்டவரே, உமது திருப்பெயரின் மகிமையை முன்னிட்டு எங்களை விடுவித்தருளும்: உமது திருப்பெயரின் பொருட்டு எங்கள் பாவங்களை மன்னித்தருளும்.

அருளப்பர் எழுதிய பரிசுத்த சுவிசேஷத்தின் தொடர்ச்சி 

(அரு.8:21-29)

அக்காலத்தில்: யேசு யூதர் கூட்டத் திற்குச் சொன்னதாவது: "நான் செல்லுகிறேன்; நீங்கள் என்னைத் தேடுவீர்கள். ஆனால், உங்கள் பாவத்தில் மடிவீர்கள். நான் செல்லுமிடத்திற்கு உங்களால் வரமுடியாது" என்றார். யூதர்களோ, "நான் செல்லுமிடத்திற்கு உங்களால் வரமுடியாது என்று சொல்லுகிறானே, இவன் என்ன, தற்கொலை செய்து கொள்ளப் போகிறானோ" என்றனர்.  அவரோ, "நீங்கள் மண்ணைச் சார்ந்தவர்கள். நானோ விண்ணைச் சார்ந்தவன். நீங்கள் இவ்வுலகைச் சார்ந்தவர்கள்; நானோ இவ்வுலகைச் சார்ந்தவனல்ல. ஆகையால்தான் உங்கள் பாவங்களிலே மடிவீர்கள் என்று நான் கூறினேன். நானே உள்ளேன் என்று நீங்கள் விசுவசிக்காவிடில் உங்கள் பாவங்களிலே மடிவீர்கள்" என்றார். அவர்களோ, "நீர் யார்” என, யேசு, "நான் யாரென்று உங்களுக்குத் தொடக்கமுதல் சொல்லி வந்தேனோ அவர்தான் நான். உங்களைப்பற்றிப் பேசவும் தீர்ப்பிடவும் பல காரியங்கள் உள்ளன. ஆனால், என்னை அனுப்பியவர் உண்மையானவர். நான் அவரிடமிருந்து கேட்டவற்றையே உலகிற்கு எடுத்துச் சொல்லுகிறேன்" என்றார். இப்படிச் சொன்னதில் அவர் தம் தந்தையைக் குறிப்பிட்டார் என்று அவர்கள் உணர வில்லை. மேலும் யேசு அவர்களை நோக்கி, மனுமகனை நீங்கள் உயர்த்திய பின்பு நானே உள்ளேன், நானாகவே எதையும் செய்வதில்லை, என் தந்தை எனக்குக் கற்பித்தவையே நான் எடுத்துச்சொல்லு கிறேன் என்று அறிந்து கொள்வீர்கள். என்னை அனுப்பினவர் என்னோடு இருக் கிறார். என்னைத் தனியே விட்டுவிடவில்லை. அவருக்கு உவப்பானவையே எப்பொழுதும் செய்கிறேன்'' என்றார்.

காணிக்கை பாடல் 

எனக்கு அறிவாற்றலைத் தந்த ஆண்டவரைப் போற்றுவேன்: ஆண்ட வரை எப்பொழுதும் என் கண்முன் வைத்து நடந்தேன். நான் அசைவுறாத படி அவர் என் வலப்பக்கம் இருக்கின்றார்.

காணிக்கை மன்றாட்டு 

ஆண்டவரே, பாவப் பரிகாரத்திற்காகவும், உமது புகழ்ச்சிக்காகவும், நாங்கள் ஒப்புக்கொடுக்கும் இந்தப் பலி உமது பாதுகாவலுக்கு எங்களைத் தகுதி உள்ளவர்களாக்குவதாக. உம்மோடு......(1) 

திருவிருந்துப் பாடல்: சங். 8 : 2

ஆண்டவரே, எங்கள் கர்த்தரே, உலகமெங்கும் உமது திருப்பெயர் எத்துணை வியப்புக்குரியது!  

நன்றி மன்றாட்டு:

செபிப்போமாக: ஆண்டவரே, இந்தத் திருவிருந்து வானக மருந்தில் எங்களுக்குப் பங்கு அளித்து, எங்களைப் பாவங்களிலிருந்து தூய்மை ஆக்குவதாக. உம்மோடு......(1)

செபிப்போமாக: சர்வேசுரன்  திருமுன் தலைவணங்குவீர்களாக.

எல்லாம் வல்ல சர்வேசுரா, எங்கள் மன்றாட்டுக்களைத் தயவாய்க் கேட்டருளும். நாங்கள் உமது பரிவிரக்கத்தின் மீது நம்பிக்கை கொள்ளச் செய்கின்றீர். வழக்கம்போல் உமது இரக்கத்தைக் கனிவுடன் எங்களுக்குக் காட்டியருளும். உம்மோடு.......(1)