August 16 - St. Joachim, - அர்ச்‌. ஜோக்கிம்

 

ஆகஸ்டு 16ம்‌ தேதி

மகா பரிசுத்த தேவமாதாவின்‌ மகா பரிசுத்த தந்தையான அர்ச்‌. ஜோக்கிம்‌ திருநாள்

‌

            அர்ச்‌. ஜோக்கிம் திருநாள்‌,  1584ம்‌ வருடம்‌, உரோமன்‌ காலண்டரில்‌ சேர்க்கப்பட்டது. முதலில்‌, இந்த திருநாள்‌, மார்ச்‌ 20ம்‌ தேதியன்று, மகா பரிசுத்த பிதாப்பிதாவான அர்ச்‌. சூசையப்பர்‌ திருநாளுக்கு அடுத்த நாள்‌ அனுசரிக்கப்பட்டு வந்தது;1738ம்‌ வருடம்‌, இத்திருநாள்‌, மகா பரிசுத்த தேவமாதாவின்‌ மோட்சாரோபனத்‌ திருநாளுக்கு, எட்டு நாட்களுக்குப்‌ பின்‌ வரும்‌ ஞாயிற்றுக்கிழமையன்று மாற்றப்‌ பட்டது! ஞாயிற்றுக்கிழமை திருவழிபாட்டை அனுசரிப்பதை அனுமதிக்கும்‌ விதமாக, அர்ச்‌. பத்தாம்‌ பத்திநாதர்‌ பாப்பரசர்‌, இந்த திருநாளை, மகா பரிசுத்த தேவமாதாவின்‌ மோட்சாரோபனத்‌ திருநாளுக்குப்‌ பின்‌ வரும்‌ நாளில்‌, அதாவது, ஆகஸ்டு 16ம்‌ தேதிக்கு மாற்றினார்‌.

            மகா பரிசுத்த தேவமாதாவின்‌ மோட்சாரோபனத்தின்‌ மகிமையைக் கொண்டாடும்போது, அவர்களுடைய மகா பரிசுத்த தந்தையான அர்ச்.ஜோக்கிமையும்‌ நாம்‌ நினைவு கூரும்‌ விதமாக, இந்நாளில்‌, அர்ச்.ஜோக்கிம் திருநாள் அனுசரிக்கப்படும்படியாக, அர்ச்‌. பத்தாம்‌ பத்தி நாதர்‌ பாப்பரசர்‌ ஏற்பாடு செய்தார்‌! எபிரேய மொழியில்‌, ஜோக்கிம்‌ என்ற பெயருக்கு, “சர்வேசுரன்  ஆயத்தம்‌ செய்கிறார்!”, என்று அர்த்தம்‌.யூதாவின்‌ கோத்திரத்தில்‌, தாவீதின்‌ குலத்தில்‌ பிறந்த அர்ச்‌.  ஜோக்கிம்‌, பக்தியுள்ள மனிதராயிருந்தார்‌; இவர்‌ தவறாமல்‌ தொடர்ந்து ஏழைகளுக்கும்‌, செப்‌ஃபோரிஸிலிருந்த  ஜெபக்கூடத்திற்கும்‌, பண உதவி செய்து வந்தார்‌; பின்னா்‌, அர்ச்‌.  அன்னம்மாளைத்‌ திருமணம்‌ செய்தார்‌.   மகா பரிசுத்த தேவமாதாவின்‌ பெற்றோர்கள்‌ முதலில்‌ கலிலேயாவில்‌ ஜீவித்ததாகவும்‌, பின்னர்‌ ஜெருசலேமிற்குக்‌ குடி பெயர்ந்ததாகவும்‌, பரிசுத்த பாரம்பரியம்‌ கூறுகின்றது.  20 வருடங்கள்‌ குழந்தையில்லாமலிருந்தனர்‌.

            இப்பரிசுத்தத்‌ தம்பதியா்‌, வருடந்கோறும்‌ தவறாமல்‌, கூடாரத்‌ திருநாளுக்கு ஜெருசலேம்‌ தேவாலயத்திற்குச்‌ சென்றனர்‌; இருப்பினும்‌, பெரிய குரு, ஜோக்கிமினுடைய பலியை நிராகரித்து வந்தார்‌; இவருடைய மனைவி குழந்‌ தையில்லாமலிருப்பது, தேவ கோபத்தின்‌ அடையாளமாயிருக்கிறது, என்று கூறி, அர்ச்‌. ஜோக்கிம்‌ கொண்டு சென்ற பலிப்பொருட்களை நிராகரித்து வந்தார்‌: இதன்விளைவாக, அர்ச்‌.  ஜோக்கிம்‌, வனாந்திரத்திற்குச்‌ சென்று,  40 நாட்கள்‌ உபவாசம்‌, தபசு இருந்தார்‌.அச்சமயம்‌,சம்மனசுகள்‌, இவருக்கும்‌, அர்ச்‌.  அன்னம்மாளுக்கும்‌ காட்சியளித்து,ஒரு பெண்குழந்தை அவர்களுக்குப்‌ பிறக்கப்‌ போகிறது, என்றும்‌, அக்குழந்தை, சர்வேசுரனுக்கு அர்ப்பணிக்கப்‌ பட வேண்டும்‌, என்றும்‌ அறிவித்தனர்‌. மகா பரிசுத்த மாமரி, அமலோற்பவமாக பிறந்த நாளன்று, அர்ச்‌.  ஜோக்கிமும்‌, அர்ச்‌.  அன்னம்மாளும்‌ அனுபவித்த உன்னதமான சந்தோஷத்தைப்பற்றி யாரால்‌ விவரிக்கக்‌ கூடும்‌? அவர்களுக்கு, அந்த நாள்‌ மற்றெல்லா நாட்களுக்கும்‌ மேலான நாளாக ஆசிர்வதிக்கப்பட்ட நாளாக இருந்தது!

            ஏனெனில்‌, அந்த நாள்‌, இவர்‌கள்‌ இருவரையும்‌ நமதாண்டவரின்‌ பரிசுத்த தாத்தா பாட்டியாக மாற்றவிருக்கிற நாளுக்குக்‌ கூட்டிச்செல்லக்கூடிய நாளாக இருந்தது! மகா பரிசுத்த தேவமாதா 3 வயது குழந்தையாக இருந்தபோது, சர்வேசுரனுக்கு அர்ப்பணிக்கப்பட்ட பெண்‌ குழந்தைகளை வளர்ப்பதில்‌, ஜெருசலேம்‌ தேவாலயத்தில்‌ ஈடுபட்டிருந்த பரிசுத்தப்‌ பெண்களிடம்‌, அர்ச்‌.  ஜோக்கிமும்‌, அர்ச்‌.  அன்னம்மாளும்‌, தங்கள்‌ மகா நேச முள்ள குழந்தையை, ஒப்படைத்தார்கள்‌. இந்த தேவாலயத்தில்‌ சர்வேசுரனுடைய கருத்தூன்றிய நேரடிப்‌ பார்வையின்‌ கீழ்‌, மகா பரிசுத்த கன்னிமாமரி, எட்டு வருட காலம்‌ ஜீவித்தார்கள்‌. கி.மு.7ம்‌ வருடம்‌, அர்ச்‌. ஜோக்கிம்‌, புண்ணியங்களிலும்‌ உத்தமதனத்திலும்‌ உச்சநிலையை அடைந்தவராக, பாக்கியமாய்‌ மரித்‌தார்‌; அர்ச்‌.  அன்னம்மாள்‌, அர்ச்‌.  ஜோக்கிமை, ஜெத்சமேனி தோட்டத்திற்கு அருகிலுள்ள ஜோசப்பாத்‌ பள்ளத்தாக்கில்‌ அடக்கம்‌ செய்தார்கள்‌. 1889ம்‌ வருடம்‌, அர்ச்‌. ஜோக்கிம்‌, அர்ச்‌ அன்னம்மாளின்‌ கல்லறைகள்‌ கண்டு எடுக்கப்பட்டன.

 நமதாண்டவரின்‌ மகா பரிசுத்த தாத்தாவான அர்ச்‌.  ஜோக்கிமே! எங்களுக்காக வேண்டிக்கொள்ளும்‌!

August 15 - Assumption of Our Lady - தேவமாதாவின்‌ மோட்சாரோபனத் திருநாள்

 

ஆகஸ்டு 15ம்‌ தேதி

மகா பரிசுத்த தேவமாதாவின்‌ மோட்சாரோபனத் திருநாள்

 

‌            இந்த திருநாள்‌, மகா பரிசுத்த திருநாட்களிலேயே மிகப்‌ பழமையான திருநாள்‌; அப்போஸ்தலர்கள்‌ காலந்தொட்டே கொண்டாடப்பட்டு வரும்‌ திருநாள்‌. மோட்சாரோபனம்‌ என்கிற அடையாள வார்த்தை,  மகா பரிசுக்த தேவமாதா ஆத்தும சரீரத்துடன்‌ மோட்சத்திற்குள் நுழைந்த பரமஇரகசியமான திருநிகழ்வை நிச்சயப்படுத்துகிறது! திருச்சபை, ஏன்‌, மகா பரிசுத்த தேவமாதாவின்‌ மோட்சாரோபனத்தைத்‌ திருநாளாகக்‌ கொண்டாடுகிறது?  ஏனெனில்‌, இம்மகா ஆடம்பரமானதும்‌, மகிமைமிக்கதுமான தேவ மாதாவின்‌ மோட்சாரோபனத்தின்‌ பரமஇரகசியத்‌ திருநிகழ்வின்‌ திரு நாள்‌, மகா பரிசுத்த தேவமாதாவைக் கொண்டாடுவதுடன்‌ கூட,திருச்சபையின்‌ எதிர்காலத்தையும்‌ சுட்டிக்காண்பிக்கிறது!

            மகா பரிசுத்த திவ்ய கன்னிமாமரி, நம்‌ திருச்சபையினுடைய சுரூபப்படமாகவும்‌, பரிசுத்த உருவப்படமாகவும்‌ திகழ்கிறார்கள்‌! நமதாண்டவராகிய திவ்ய சேசுகிறீஸ்துநாதருடைய திருச்சபை, மகா பரிசுத்த கன்னிமாமரியினுடைய திருச்சபையாகத்‌ திகழ்கிறது! மகா பரிசுத்த தேவமாதா என்ன செய்தார்களோ, அவற்றையே செய்யும்படியாக நாம்‌ அழைக்கப்பட்டிருக்கிறோம்‌! மகா பரிசுத்த தேவமாதா, எங்கே சென்றார்களோ, அங்கே அவர்களைப்‌ பின்பற்றிச்‌ செல்வதற்கு, நாமும்‌ அழைக்‌ கப்பட்டிருக்கிறோம்‌. மகா பரிசுத்த தேவமாதாவிற்கு, நமதாண்டவர்‌ என்ன செய்தாரோ, அதை, தமது திருச்சபைக்கும்‌ இறுதிநாளில்‌ செய்வார்‌. வண.ஆதிர்தா மேரி கன்னியாஸ்திரிக்கு, அளிக்கப்பட்ட பரலோக வெளிப்படுத்துதல்களுக்கேற்ப, மகா பரிசுத்த தேவமாதா, பெரிய வெள்ளிக்கிழமைக்குப்‌ பிறகு, 21 வருடங்களும்‌, 4 மாதங்களும்‌,19 நாட்களும்‌, பூமியில்‌ ஜீவித்தார்கள்‌.

            மோட்சாரோபன நாளன்று, மகா பரிசுத்த தேவமாதாவின்‌ வயது 70 ஆவதற்கு, 24 நாட்கள்‌ குறைவாயிருந்தன! மகா பரிசுத்த தேவமாதா 70 வயதானபோதிலும்‌, அவர்களுடைய மகா பரிசுத்த சரீரத்தின்‌ பரிசுத்தத்தோற்றம்‌, 33 வயதிற்குரிய தோற்றமாகக்‌ திகழ்ந்தது! ஏனெனில்‌, ஜென்மப்பாவமில்லாமல்‌ பிறந்திருந்ததால்‌,மகா பரிசுத்த தேவமாதா, வயதின்‌ மூப்பிற்கு, அப்பாற்பட்டவர்களாயிருந்தார்கள்‌. தூர்ஸ்‌ நகரின்‌ அர்ச்‌. ஜார்ஜியார்‌ தான்‌, மகா பரிசுத்த தேவமாதாவின்‌ மோட்சாரோபனத்தைப்‌ பற்றிப்‌ பேசிய திருச்சபையின்‌ முதல்‌ ஆசிரியராகத்‌ திகழ்கிறார்‌. கி.பி.600ம்‌ வருடம்‌, மவுரிசியுஸ்‌ சக்கரவர்த்தி, மகா பரிசுத்த தேவ மாதாவின்‌ மோட்சாரோபனத்திருநாள், ஆகஸ்டு 15ம்‌ தேதிகொண்டாடப்பட வேண்டும்‌ என்று, ஒரு அரச ஆணையைப்‌ பிரகடனம்‌ செய்தார்‌. உடனே, அயர்லாந்து இந்த ஆணையைப்‌ பின்பற்றி, இம்‌ மகா ஆடம்பரமான திருநாளை ஆகஸ்டு 15ம்‌ தேதி கொண்டாடத்‌ துவக்கியது; பின்னர்‌ உரோமாபுரியும்‌ அனுசரிக்கத்‌ துவக்கியது.

            8ம்‌ நூற்றாண்டில்‌, மேற்கத்திய நாடுகளில்‌, முதலாம்‌ செர்ஜியுஸ்‌ பாப்பரசரின்‌ கீழ்‌ இந்த திருநாள்‌ கொண்டாடப்பட்டது. பின்னர்‌, 4ம்‌ சிங்கராயர்‌ பாப்பரசர்‌, இந்த திருநாளை அகில திருச்சபையும்‌ கொண்டா டுவதற்கான அதிகாரபூர்வமான அங்கீகராம்‌ அளித்தார்‌.  12ம்‌ பத்திநாதர்‌ பாப்பரசர்‌ மகா பரிசுத்த தேவமாதாவின்‌ மோட்சாரோபனத்தை விசுவாச சத்தியமாகப்‌ பிரகடனம்‌ செய்கிறவரைக்‌கும்‌ , வேதபாரகர்களிடையே, மோட்சாரோபனத்தைப்‌ பற்றிய தர்க்‌கம்‌ நிலவியது. 1950ம்‌ வருடம்‌, நவம்பர்‌ 1ம்‌ தேதியன்று, 12ம்‌ பத்திநாதர்‌ பாப்பரசர்‌, மகா பரிசுத்த தேவமாதாவின்‌ மோட்சாரோபனத்தை, ஒரு விசுவாச சத்தியமாகப்‌ பிரகடனம்‌ செய்தார்‌: “நமதாண்டவராகிய திவ்ய சேசுகிறீஸ்துநாதருடைய அதிகாரத்தினாலும்‌, முத்‌, அப்போஸ்தலர்களான இராயப்பர்‌ சின்னப்பருடையவும்‌ அதிகாரத்தினாலும்‌, நமது சொந்த அதிகாரத்தினாலும்‌, சர்வேசுரனுடைய மாசில்லாத தாயார்‌, என்றும்‌ கன்னிகையான மகா பரிசுத்த மாமரி, இவ்வுலக ஜீவிய காலத்தை நிறைவு செய்தபோது, சரீரத்துடனும்‌ ஆத்துமத்துடனும்‌, பரலோக மகிமைக்குள்‌ நுழைந்தார்கள்‌, என்பதை தேவ வெளிப்படுத்துதலினால்‌ அறிவிக்கப்பட்ட ஒரு விசுவாச சத்தியமாக நாம் உச்சரிக்கிறோம்; அறிவிக்கிறோம்! பொருள் வரையரை செய்கிறோம்!”

            இப்பிரகடனத்தில்‌, பாப்பரசர்‌, மேலும்‌, சர்‌வேசுரனுடைய வாக்குத்தத்தப்‌ பேழை, ஜெருசலேமுக்குத்‌ திரும்பி வந்ததை நினைவுகூரும்‌ விதமாகவும்‌,பின்னர்‌ அது, காணாமல்‌ போனதைப்‌ பற்றி அழுது புலம்பியதைப்‌ பற்றியும்‌ எழுதப்பட்ட 132ம்‌ சங்கீதத்தைக்‌ குறிப்பிடுகின்றார்‌: இந்த சங்கீதம்‌, பிற்பாதியில்‌, இந்த பேழையின்‌ இழப்பு மறுபடியும்‌ புதிய ஏற்பாட்டின்‌ காலத்தில்‌ ஈடுசெய்யப்படும்‌, என்கிற எதிர்பார்ப்புடனும்‌ நம்பிக்கையுடனும்‌ , ஓ! ஆண்டவரே ! உமது பரிசுத்தம்‌ விளங்கும்‌ பேழையுடன்‌, உமது தாபர ஸ்தலத்தில்‌ எழுந்தருளும்‌! (சங்‌. 132:8), என்று ஜெபிக்கிறது! இந்த பேழையை தான்‌ திருச்சபை, புதிய ஏற்பாட்டின்‌ பேழையாக, மகா பரிசுத்த தேவமாதாவிடம்‌ காண்கிறது! ஆண்டவர்‌ தாமே, தங்கி வாழுகின்ற இம்மகா பரிசுத்தப்பேழையான, மகா பரிசுத்த தேவமாதா, ஆண்டவரைப்போலவே, ஆத்துமத்துடனும்‌, சரீரத்துடனும்‌, பரலோகத்திற்கு எடுத்துக்‌ கொள்ளப்பட டார்கள்‌, என்பதையும்‌ திருச்சபை ஞானத்துடன்‌ புரிந்து கொள்கிறது! அதையே, விசுவாச சத்தியமாகத்‌ தன்‌ விசுவாசிகளுக்குப்‌ போதித்துக்‌ கற்பிக்கிறது!