வேதபாரகர் பெயரால் - பொது
(In Medio)
பிரவேச கீதம்: சர்வப். 15:5.
சபை நடுவில் பேச ஆண்டவர் அவருக்கு நாவன்மை அளித்தார்: விவேகமும், அறிவாற்றலும் நிறைந்த உணர்வை அவருக்குத் தந்தருளினார்: மகிமையை மேலாடையாக அவருக்கு அணிவித்தார். (T.P. அல்லேலூயா, அல்லேலூயா). (சங். 91:2) ஆண்ட வரைப் புகழ்வது நலமே; உன்னதரே, உமது பெயரைப் போற்றிப் பாடுவதும் நலமே. V. பிதாவுக்கும்... சபை நடுவில்.
சபை மன்றாட்டு :
செபிப்போமாக: சர்வேசுரா, உம் முடைய மக்களுக்குப் அர்ச்....ஐ நித் திய மீட்பின் தொண்டராகத் தந்தருளினீர். மண்ணுலகில் அவரை வாழ்க்கையின் போதகராகப் பெற்ற நாங்கள் நித்தியத்திலும் அவரை எங்களுக் காகப் பரிந்து பேசுவோராக அடையும் தகுதிபெறச் செய்தருளுமாறு உம்மை மன்றாடுகிறோம். உம்மோடு...
அப்போஸ்தலரான அர்ச். சின்னப்பர் தீமோத்தேயுவுக்கு எழுதிய நிருபத்திலிருந்து வாசகம்
(II தீமோத். 4:1-8)
மிகவும் பிரியமானவரே: சர்வேசுரன் முன்பாகவும், ஜீவியர்களையும் மரித்தவர்களையும் நடுத்தீர்க்கப் போகிறவராகிய யேசுகிறிஸ்துநாதர் முன்பாகவும், அவருடைய ஆகமனத்தையும் அரசாட்சியையுங் குறித்து உமக்குச் சாட்சியாகக் கற்பிக்கிறதாவது: நீர் தேவ வாக்கியத்தைப் பிரசங்கம் பண்ணக்கடவீர். சமயம் வாய்த்தாலும் வாய்க்காவிட்டாலும் அதில் ஊன்றி நிற்பீராக எவ்விதப் பொறுமையோடும் உபதேசத்தோடும் கண்டித்து, மன்றாடி, கடிந்து கொள்வீராக. ஏனெனில் மனிதர்கள் குணமான உபதேசத்தைச் சகிக்க மாட்டாமல், காதரிப்புள்ளவர்களாய், சுய இச்சைகளுக்கு இசைவான போதகர்களைத் தங்களுடன் சேர்த்துக்கொண்டு, சத்தியத்திற்கு செவிகொடாமல் விலகி, கட்டுக் கதைகளைப் பின்பற்றுகிற காலங்கள் வரும். நீரோ விழிப்பாயிருந்து, எல்லா விதத்திலும் பிரயாசைப்பட்டு, சுவிசேஷகனுக்குரிய தொழிலைச் செய்து, உம்முடைய ஊழியத்தை நிறைவேற்றுவீராக; மன அமைதியுள்ளவராயிரும். நானோ இதோ பலியாகப் போகிறேன் என் தேகக்கட்டு அவிழுங் காலம் கிட்டியிருக்கிறது. நல்ல யுத்தம் செய்தேன், என் அயனத்தை முடித்தேன். விசுவாசத்தைக் காத்தேன். கடைசியாய் நீதியின் கிரீடம் எனக்காக வைக்கப்பட்டிருக்கிறது. இதை நீதியுள்ள நடுவராகிய கர்த்தர் அந்த மகா நாளில் எனக்குக் கொடுப்பார். எனக்கு மாத்திரமல்ல, அவருடைய வருகையை ஆசிக்கிற சகலருக்கும் அவர் அதைக் கொடுப்பார்.
படிக்கீதம் சங்.36:30, 31,
ஞானத்தைப் நீதிமானின் வாய் பேசும்: அவரது நாவும் நியாயத்தை நவிலும். V. கடவுள் கட்டளை அவர் உள்ளத்தில் இருக்கின்றது: அவரது நடை தடுமாறாது.
அல்லேலூயா, அல்லேலூயா .(சர்ப் 45:9) ஆண்டவர் அ மீது அன்புகொண்டு அவரை அணி செய்தார்; மகிமையை மேலாடையாக அவருக்கு அணிவித்தார், அல்லேலூயா.
(முன் தவக் காலத் துவக்கத்திலிருந்து அல்லேலூயாவுக்குப் பதிலாக)
நெடும் பாடல் சங். 111 : 1.3,
ஆண்டவருக்கு அஞ்சி நடப்பவன் பேறுபெற்றோன்: அவர் கட்டளைகளை பெரிதும் விரும்புவான். V. அவன் சந்ததி நாட்டில் வலிமைபெற்றிருக்கும்: நேர்மனத்தோரின் தலைமுறை ஆசி பெற்றிருக்கும். V. புகழும் செல்வமும் அவன் வீட்டில் நிறைந்திருக்கும் : அவன் நீதி நித்தியத்திற்கும் நிலைத்திருக்கும்.
(பாஸ்கா காலத்தில்)
அல்லேலூயா, அல்லேலூயா. V. (சர்வப். 45:9) ஆண்டவர் அவர் மீது அன்புகொண்டு, அவரை அணி செய்தார் ; மகிமையை மேலாடையாக அவருக்கு அணிவித்தார்.
அல்லேலூயா. V. (ஓசே. 14: 6) நீதிமான் லீலியைப்போல் தளிர்விடுவான். ஆண்டவர் திருமுன் என்றென்றும் செழித்திருப்பான். அல்லேலுயா.
மத்தேயு எழுதிய பரிசுத்த சுவிசேஷத்தின் தொடர்ச்சி (மத் 5:1319)
அக்காலத்தில் சேசுநாதர் தம் சீஷர்களுக்கு திருவுளம் பற்றினத்தாவது: நீங்கள் பூமியின் உப்பாயிருக்கிறீர்கள்; உப்பானது சாரமற்றுப் போனால் எதனால் சாரமாக்கப்படும்? இனி அது வெளியே கொட்டப்படுவதற்கும், மனிதரால் மிதிக்கப்படுவதற்கு மேயன்றி, வேறொன்றுக்கும் உதவாது. நீங்கள் உலகத்தின் ஒளியாயிருக்கிறீர்கள். பர்வதத்தின்மேலிருக்கிற பட்டணம் மறைவாயிருக்கமாட்டாது. தீபத்தைக் கொளுத்தி மரக்காலின்கீழ் வைக்காமல் வீட்டிலுள்ள யாவருக்கும் பிரகாசிக்கும்படி அதை விளக்குத்தண்டின்மேல் வைப்பார்கள். அவ்வண்ணமே மனிதர் உங்கள் நற்கிரியைகளைக் கண்டு, பரமண்டலங்களிலிருக்கிற உங்கள் பிதாவை மகிமைப்படுத்தும் பொருட்டு, உங்கள் ஒளி அவர்களுக்கு முன்பாகப் பிரகாசிக்கக்கடவது. வேதப் பிரமாணத்தையானாலும் தீர்க்கதரிசனங்களை என்கிலும் அழிக்க வந்தேனென்று நீங்கள் நினைக்க வேண்டாம். அழிப்பதற்கல்ல; நிறைவேற்றுவதற்கே வந்தேன். உண்மையாகவே உங்களுக்குச் சொல்லுகிறேன்: வானமும் பூமியும் ஒழிந்து போகுமுன் வேதப்பிரமாணத்திலுள்ள சகலமும் நிறைவேறுமொழிய அதில் ஓர் சிறு அட்சரமாவது ஓர் புள்ளியாவது நிறைவேறாமற் போவதில்லை. ஆகையால் மிகவும் சிறிதாகிய இந்தக் கற்பனைகளில் ஒன்றை மீறி, அவ்வண்ணமே மனிதருக்குப் போதிப்பவன் மோட்ச இராச்சியத்தில் மிகவும் சிறியவனாக எண்ணப்படுவான். அவைகளை அனுசரித்துப் போதிப்பவனோ மோட்ச இராச்சியத்தில் பெரியவனாக எண்ணப்படுவான்.
ஒப்புக்கொடுத்தல்: சங்.91: 13
நீதிமான் ஈந்துபோல் செழித்தோங்குவான். லீபானின் சேதுரு மரம்போல் படர்ந்து வளர்வான். (T.P. அல்லேலூயா)
அமைதி மன்றாட்டு:
ஆண்டவரே, உம்முடைய மறை ஆயரும் (துதியரும்) மறை வல்லுநருமான.... உடைய உருக்கமான மன்றாட்டு எங்களுக்குக் குறைபடாமலிருப்பதாக, அந்த மன்றாட்டு எங்கள் காணிக்கைகளை உமக்கு உகந்தன வாக்கி, உமது மன்னிப்பை எங்களுக்கு என்றும் பெற்றுத்தருவதாக. உம்மோடு...
உட்கொள்ளுதல் லூக் 12:42,
தக்க காலத்தில் தன் வேலையாட் களுக்குப் படியளக்கத் தலைவன் ஏற்படுத்திய நம்பிக்கையும் விவேகமுமுள்ள கண்காணிப்பாளர் இவரே. (T.P. அல்லேலூயா)
உட்கொண்ட பின் :
செபிப்போமாக: ஆண்டவரே,உம் பலிகள் எங்களுக்கு மீட்பு அளிக்கும் படி உம் மறை ஆயரும் (துதியரும்) புகழ்மிக்க மறை வல்லுநருமான அர்ச்... உம்மை அணுகி எங்களுக்காகப் பரிந்து பேச வேண்டுமென்று உம்மை மன்றாடுகிறோம். உம்மோடு
(மற்றொரு வாசகம்)
ஞானாகமத்திலிருந்து வாசகம் (சர்வப். 39:6-14)
நீதிமான் தன்னை உண்டாக்கின கடவுள் மட்டில் விழித்திருப்பதற்குத் தன் இருதயத்தைக் கையளிப்பான்; உன்னத ஆண்டவருடைய சமூகத்தில் மன்றாடுவான். செபத்தில் தன் வாயைத் திறப்பான்; தன் குற்றங்களுக்காக மன்றாடுவான். ஏனெனில், மகத்தான ஆண்டவர் மனது வைப்பாரேயாகில் அறிவினால் அவனை நிரப்புவார். தமது ஞானத்தின் போதகங்களை மழையைப் போல வரவிடுவார்; அவனும் தன் செபத்தில் ஆண்டவரைத் தோத்தரிப் பான். அவர் அவனுடைய யோசனை யையும் மார்க்கத்தையும் நடத்துவார்; மறை பொருட்களை யோசித்துப் பார்ப் பான். தமது போதகத்தின் மார்க் கத்தை வெளியாக்குவார், ஆண்டவர் உடன்படிக்கையின் கட்டளையில் மகிமை கொள்ளுவான். அநேகர் அவ னுடைய ஞானத்தைப் புகழ்வார்கள்: சதாகாலத்திற்கும் அழிவடையமாட் டான். அவன் ஞாபகம் போய்விடாது; தலைமுறை தலைமுறைக்கும் அவன் பெயர் கொண்டாடப்படும். ஞானத்தைப் பிரசைகள் அவன் சொல்லிக் காட்டுவார்கள், பரிசுத்த சபையும் அவன் புகழ்ச்சியைக் கொண்டாடும்.
கருத்துகள் இல்லை:
கருத்துரையிடுக