லான்சியானோ நகர் புதுமை
8 ஆம் நூற்றாண்டில் இத்தாலி நாட்டில் லான்சியானோ நகரில் உள்ள அர்ச். பேசில் சபையைச் சேர்ந்த மடாலயம் ஒன்றில் திவ்யபலி பூசை செய்து கொண்டு இருந்த ஒரு குருவானவர் நடுப் பூசைக்குப் பின் "நான் உச்சரித்த சில வார்த்தைகளால் இந்த அப்ப ரசம் ஆண்டவருடைய சரீரமாகவும் இரத்தமாகவும் மாறி விடுமா?" என சந்தேகப்பட்டார். என்ன ஆச்சர்யம்! திடிரென வசீகரிக்கபட்ட அப்பம் அவர் கண் முன்பாகவே வெட்டி எடுக்கப்பட்ட மாம்சமகவே மாறியது. சேசுவின் திரு இரத்தம் ஐந்து இரத்த கட்டிகளாக உறைந்தது. இதை கண்ட குருவானவர் கண்ணீர் விட்டு அழுது ஆராதித்தார்.பின்னர் சேசுவின் திருசரீரத்தையும் திருஇரத்தத்தையும் அழகிய பொன் கதிர்ப் பாத்திரத்திலும், படிக கிண்ணத்திலும் பக்தி மேரையாக வைக்கப்பட்டது.1200 ஆண்டுகளாக இன்றும் அழியாமல் நிரந்தர புதுமையாக இருக்கிறது.
நான்கு முறை திருசரீரத்தையும் திரு இரத்தத்தையும் அறிவியல் முறைப்படி பரிசோதனை செய்யப்பட்டது. கடைசியாக 1970 நவம்பர் 8 ஆம் நாள் அரெஸ்ஸோ நகர் மருத்துவ கல்லுரி பேராசிரியர் Dr. Odoardo Linoli, சியன்னா மருத்துவ கல்லுரி பேராசிரியர் Dr. Ruggero Bertelli ஆகியோரின் தலைமையில் திருச்சபையின் அதிகாரிகள் முன்னிலையில் பரிசோதனை நிகழ்த்தப்பட்டது.
அதன் முடிவு 1971 மார்ச் 4ம் தேதியன்று பரிசுத்த பாப்பரசர் ஆறாம் சின்னப்பரிடம் சமர்பிக்கபட்டு வெளியிடப்பட்டது.
பரிசோதனையின் முடிவுகள்.
- இம் மாமிசம் மானிட இருதய சுவரின் தசை. (Tissue of the Myco Cardium) எந்த விதமான செயற்கை முறையான பாதுகாப்பு நடவடிக்கையும் செய்யப்படவில்லை.
- இரத்தமானது மானிட இரத்தமாகும்.
- மாமிசமும் இரத்தமும் AB என்ற இரத்த பிரிவை சார்ந்தது.
- இரத்தமானது குளோரைடு, பாஸ்போரஸ், மக்னிசியம், பொட்டாசியம் சோடியம் ஆகிய தாதுக்களை குறைந்த அளவிலும் கால்சியம் தாது அதிக அளவிலும் கொண்டது.
- சாதாரண புதிய இரத்தம் போல் ப்ரோட்டனின் சத்தை கொண்டது.
"Euchirstic Miracles" by Joan Corroll Cruz
ஜேசுவின் திரு இரத்தத்தை மகிமைப் படுத்தும் விதமாக ஜூலை மாதம் முழுவதையும் திருச்சபை தனியே குறித்து உள்ளது.
சேசுவின் திரு இரத்தத்தின் திருநாள் ஜூலை முதல் தேதி ஆகும்.
கருத்துகள் இல்லை:
கருத்துரையிடுக